Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველოს თქმით, 'სპეცოპერაციის ძირითადი ფაზა დასრულებულია'
სივილ ჯორჯია, თბილისი / 30 აგვ.'12 / 13:53

შინაგან საქმეთა სამინისტრო აცხადებს, რომ ქართულ ძალებთან „დივერსანტთა ჯგუფის" შეტაკებისას მოკლული 11 წევრის გვამი ნაპოვნია და „მათი ნაწილი რუსეთის ფედერაციის მოქალაქეები არიან ჩრდილოეთ კავკასიიდან“.

„გარდაცვლილთა დაკრძალვა მოხდება მათი რელიგიური მრწამსის შესაბამისად“, – ნათქვამია შსს–ის მიერ 30 აგვისტოს გავრცელებულ ახალ განცხადებაში.

შსს აცხადებს, რომ „ლოპოტის ხეობაში მიმდინარე სპეცოპერაციის ძირითადი ფაზა დასრულებულია“, თუმცა სავარაუდოდ, 20  შეიარაღებული პირისგან შემდგარი „დივერსანტთა ჯგუფის“ დარჩენილი წევრების ძებნა გრძელდება.

„შინაგან საქმეთა სამინისტროს აქვს საფუძვლიანი ვარაუდი, რომ შეიარაღებული ჯგუფის რამდენიმე დაჭრილი წევრი  შეიძლება იმალებოდეს ხეობაში“, – ნათქვამია განცხადებაში, სადაც ასევე მითითებულია, რომ „პოლიცია აგრძელებს ძებნის ღონისძიებებს“.

„ხეობაში მოსახლეობის უსაფრთხოება უზრუნველყოფილია. მათ არანაირი საფრთხე არ ემუქრებათ“, – აცხადებს შსს. 

პრემიერ–მინისტრმა ვანო მერაბიშვილმა, რომელიც კრიზისის მართვის შტაბს ხელმძღვანელობდა, განაცხადა, რომ „ოპერაცია ძირითადში დასრულდა“.

„ჩვენ მოვახერხეთ და უზუნველვყავით საქართველოს საზღვრების დაცვა, ჩვენი მოქალაქეების უსაფრთხოების დაცვა“, – განაცხადა მერაბიშვილმა თავის სატელევიზიო მიმართვაში.

ევროკავშირის სადამკვირვებლო მისიამ საქართველოში 30 აგვისტოს განაცხადა, რომ ის „ადევნებს თვალს საქართველოს საზღვრის დაღესტნის მონაკვეთთან მიმდინარე მოვლენებს“.

„ევროკავშირის სადამკვირვებლო მისიას რუსეთ–საქართველოს საზღვრის დაღესტნის მონაკვეთთან სპეციალურ ოპერაციაზე ინფორმაცია საქართველოს ხელისუფლებამ მიაწოდა. ევროკავშირის სხვა წარმომადგენლებთან მჭიდრო თანამშრომლობით მისია მოვლენებს ყურადღებით აკვირდება“, – ნათქვამია განცხადებაში, რომელიც მწუხარებას გამოთქვამს ოპერაციის შედეგად სამი ქართველი სამართალდამცავის გარდაცვალების გამო.

ისლამისტ მეამბოხეთა დაღესტნის წარმომადგენლობის ვებ–გვერდზე, vdagestan.info–ზე გამოქვეყნებულ განცხადებაში ნათქვამია: „დაღესტნის ვილაიეთის მუჯაჰიდთა ხელმძღვანელობა ადასტურებს“, რომ მისი მებრძოლები მონაწილეობდნენ შეტაკებაში. განცხადებაში ასევე აღნიშნულია, რომ მებრძოლები არ აპირებდნენ “საქართველოს ტერიტორიაზე არანაირი ოპერაციის წარმოებას“.

განცხადებაში ასევე ხაზგასმულია, რომ მებრძოლებს არავინ აუყვანიათ მძევლად. „ეს ქართული მხარის ცილისწამება და ტყუილია“, – ნათქვამია მასში.

ამავე განცხადების თანახმად, შეტაკებისას დაღუპული 11 მებრძოლი საქართველოს ხელისუფლების „მუხანათური ღალატის“ მსხვერპლია. განცხადება მოუწოდებს „მუჯაჰიდთა წინააღმდეგ სამხედრო მოქმედებების დაუყოვნებლის შეწყვეტისკენ“.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
57