Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
PACE–ს დელეგაციის წინასაარჩევნო შეფასებები
სივილ ჯორჯია, თბილისი / 13 სექ.'12 / 13:55

წინასაარჩევნო გარემო 1 ოქტომბრის საპარლამენტო არჩევნების წინ „კონკურენტულია“, რაც ამომრჩევლებს „მკაფიო ალტერნატივებს“ შორის რეალური არჩევანის გაკეთების საშუალებას აძლევს, თუმცა მზარდი „პოლარიზაცია და ანტაგონიზმი“ შეშფოთების წყაროს წარმოადგენს, განაცხადა ევროპის საბჭოს საპარლამენტო ასამბლეის (PACE) დელეგაციამ 12 სექტემბერს.   

PACE–ს ხუთკაციანი დელეგაცია, რომელსაც ქრისტიან–დემოკრატი დეპუტატი ლუკა ვოლონტე ხელმძღვანელობდა ევროპის სახალხო პარტიის ფრაქციიდან, საქართველოს 11–12 სექტემბერს სტუმრობდა ქვეყანაში წინასაარჩევნო სიტუაციის შეფასების მიზნით. დელეგაციამ ხელისუფლების და პოლიტიკური პარტიების წარმომადგენლებთან გამართა შეხვედრები.

დელეგაციის მიერ გამოქვეყნებულ განცხადებაში ნათქვამია, რომ 1 ოქტომბრის არჩევნები „გადამწყვეტი მნიშვნელობის“ იქნება საქართველოს დემოკრატიული განვითარებისთვის.

განცხადებაში აღნიშნულია, რომ პოლარიზაცია ჩრდილავს თავად საარჩევნო კამპანიას. „პარტიებმა ასეთი ნეგატიური კამპანიისგან თავი უნდა შეიკავონ და ფოკუსირება საკუთარი შეხედულებების და პარტიების პროგრამების შესახებ ამომრჩევლების ინფორმირებაზე უნდა მოახდინონ, მათი მოვალეობებისა და პასუხისმგებლობების შესაბამისად“, – ნათქვამია დელეგაციის განცხადებაში.

მან მოუწოდა პოლიტიკურ პარტიებს და ხელისუფლებას „თავი შეიკავონ ნებისმიერი ისეთი ქმედებისგან, რამაც შესაძლოა ძირი გამოუთხაროს“ საზოგადოების ნდობას საარჩევნო პროცესის მიმართ.

„ამავე მიზეზის გამო, დელეგაცია მოუწოდებს ყველა საარჩევნო სუბიექტს ნუ დააყენებენ არჩევნების და მისი შედეგების ლეგიტიმურობას კითხვის ნიშნის ქვეშ, მაშინ როდესაც არჩევნები ჯერ კიდევ არ ჩატარებულა“, – განაცხადა PACE–ს დელეგაციამ. 

დელეგაციამ მოუწოდა ხელისუფლებას „განაგრძოს თავისი ძალისხმევა ადმინისტრაციული რესურსის ბოროტად გამოყენების აღმოსაფხვრელად“ და კიდევ ერთხელ გაიმეორა PACE–ს თანამომხსენებლების მიერ გაკეთებული განცხადება, სადაც დაგმობილი იყო სახელმწიფო აუდიტის სამსახურის მიერ ბიძინა ივანიშვილის ოპოზიციური კოალიციისთვის „ქართულ ოცნებისთვის“ დაკისრებული არაპროპორიული ჯარიმები. მაშინდელი განცხადების შემდეგ საქართველოს ხელისუფლებამ თქვა, რომ მან ამ ჯარიმების აღსრულება „გადადო“. PACE–ს დელეგაცია მიესალმა ამ გადაწყვეტილებას და მოუწოდა საარჩევნო სუბიექტებს „სრულად დაიცვან საარჩევნო კანონმდებლობა“ და აღნიშნა რომ განცდა იმისა, რომ კანონი უსამართლო შეიძლება იყოს არ და ვერ გამოდგება კანონის დარღვევის გამამართლებელ საბუთად. 

დელეგაცია მიესალმა „must-carry“-ს პრინციპის შემოღების შედეგად მედია გარემოს პლურალიზმის კუთხით მიღწეულ „გაუმჯობესებას“. თუმცა, დელეგაციამ ასევე აღნიშნა, რომ ეს იურიდიულად სავალდებულო წესი არჩევნების დღეს და მის შემდგომ პერიოდს არ მოიცავს და მოუწოდა ხელისუფლებას განიხილოს ამ წესის სავალდებულოდ დატოვების შესაძლებლობა არჩევნების დღესა და მის შემდეგაც.

„ამავე დროს, [დელეგაცია] აღნიშნავს, რომ საკაბელო ტელევიზია არ არის ფართოდ გავრცელებული საქართველოს მთელ რიგ რეგიონებში. ამიტომ, დელეგაცია მოუწოდებს ხელისუფლებას შეისწავლოს ყველა შესაძლებლობა მედიის ხელმისაწვდომობის გასაუმჯობესებლად იმ რეგიონებში, სადაც საკაბელო ტელევიზია არ მაუწყებლობს", – ნათქვამია განცხადებაში. 

PACE–ს დელეგაცია მიესალმა ამომრჩეველთა სიების დაზუსტების უზრუნველყოფის კომისიის მუშაობას ამომრჩეველთა ერთიანი სიის ხარისხის გაუმჯობესების მიზნით, ასევე თავისუფალი და სამართლიანი არჩევნების უწყებათაშორისი კომისიის მუშაობას „საარჩევნო პროცესში საზოგადოების ნდობის ამაღლების კუთხით“.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
16