Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ბოკერია სამართალდამცავებს დასჯის შედარებით მსუბუქი ზომების გამოყენებისკენ მოუწოდებს
სივილ ჯორჯია, თბილისი / 26 სექ.'12 / 21:55

ეროვნული უშიშროების საბჭოს მდივანი გიგა ბოკერია მოუწოდებს სამართალდამცავებს ძალადობრივი ინციდენტების ზრდის "შემაშფოთებელი ტენდენციის" ფონზე დასჯის შედარებით მსუბუქი ზომები გამოიყენონ, ხოლო პარტიულ ლიდერებს მიმართავს, რომ მათ არ მოახდინონ ძალადობის წახალისება მომხრეებში.

ბოკერიამ, რომელიც სამართლიანი არჩევნების უწყებათაშორის კომისიას ხელმძღვანელობს, 26 სექტემბერს გამართულ ბრიფინგზე განაცხადა, რომ ამჟამად დაახლოებით 30 ადამიანია დაკავებული ადმინისტრაციული წესით, ასევე არიან დაჯარიმებულებიც.

მისი თქმით, მართალია სამართალდამცავების ყველაზე უფრო მნიშვნელოვანი ამოცანაა, რომ არ მოხდეს იმ ძალადობრივი ან მუქარის შემცველი ინციდენტების გავრცელება, რასაც ბოლო დღეებში აქვს ადგილი, მაგრამ „ამავე დროს, მინდა მოუწოდო მათ, რომ იმ შემთხვევაში როცა ეს შესაძლებელია...  გამოყენებული იქნას შედარებით მსუბუქი ზომა დასჯის, იქ სადაც ეს არის რაციონალური, მაგალითად ჯარიმა“.

„ეს არის ჩვენი ძალიან მკაფიო რეკომენდაცია სამართალდამცავი ორგანოების მიმართ“, – განაცხადა ბოკერიამ უწყებათშორისი კომისიის სახელით.

უფლებადამცავმა ორგანიზაციამ Human Rights Watch-მა ციხის სკანდალის შემდეგ საქართველოში გახშირებულ დაპატიმრებებთან დაკავშირებით 26 სექტემბერს გავრცელებულ განცხადებაში აღნიშნა, რომ ადმინისტრაციული პატიმრობის გამოყენება საპროტესტო აქციების მონაწილეთა და პოლიტიკური აქტივისტების მიმართ არღვევს საქართველოს საერთაშორისო ვალდებულებებს არ დაუშვას თვითნებული დაკავებები.

26 სექტემბერს ბოკერიამ ასევე მოუწოდა პარტიულ ლიდერებს, რომ მკაფიო გზავნილი გაუგზავნონ თავიანთ მხარდამჭერებს ძალადობის ან ამისკენ წახალისების წინააღმდეგ. 

ოპოზიციური კოალიცია „ქართული ოცნების“ ლიდერის ბიძინა ივანიშვილის კამპანიის ფარგლებში დღეს კახეთის რეგიონში რამდენიმე შეხლა–შემოხლის ინციდენტებს ჰქონდა ადგილი მის მომხრეებსა და ნაციონალური მოძრაობის აქტივისტებს შორის. ქალაქ სიღნაღში ივანიშვილის ესკორტს ნაციონალური მოძრაობის აქტივისტების კორიდორში მოუწია გავლა, რომლის დროსაც მმართველი პარტიის აქტივისტები სკანდირებდნენ „წადი, წადი“ და „მიშა, მიშა“–ს.

ამასთან, უშიშროების საბჭოს მდივანმა განაცხადა, რომ მშვიდობის შენარჩუნებაში და თავისუფალი და სამართლიანი არჩევნების ორგანიზებაში „ყველაზე უფრო დიდი პასუხისმგებლობა“ ხელისუფლებას ეკისრება. 

„მაგრამ პოლიტიკურ პარტიებს და მნიშვნელოვან პოლიტიკურ პარტიებს, ძირითად პოლიტიკურ პარტიებს ასევე აქვთ საკუთარი წილი სერიოზული პასუხისმგებლობის რა ტიპის განწყობილებების წახალისებას მოახდენენ საკუთარ მომხრეებში“, – განაგრძო ბოკერიამ, „კატეგორიულად მიუღებელია, როდესაც ერთის მხრივ, საუბარია სიმშვიდეზე და იქვე საუბარია იმაზე, რომ შეიძლება მათთვის მიუღებელი ხალხი ლინჩის წესით იქნას გასამართლებული და მათი დაცვა ვერ მოხერხდეს ან საუბარი იმაზე, რომ რომელიმე პოლიტიკური პარტიის მომხრეები პასუხს აგებენ სამართლებრივად და სასამართლოს წინაშე ამა თუ იმ პარტიის მხარდაჭერისთვის“. 

მისი თქმით, პოლიტიკური ოპონენტების მხრიდან ერთმანეთისადმი გაკეთებული განცხადებები „ზოგჯერ ზედმეტად მკაცრი და აგრესიულიც კი" შეიძლება იყოს და ის სხვა კატეგორიაში გადის, მაგრამ „მომხრეების მიმართ ასეთი მოწოდებები ქმნის სწორედ იმ ატმოსფეროს, შესაძლოა შექმნას კიდევ უფრო მძიმე ატმოსფერო, რაზეც მე ვსაუბრობდი“.

„მე არ მინდა დრამატიზაცია სიტუაციის“, – განაცხადა ბოკერიამ, „ჯერ–ჯერობით, საერთო ჯამში, [საარჩევნო] გარემო ჯამში არის მშვიდობიანი და მე ვთქვი, რომ ჩვენ აუცილებლად ჩავატარებთ მშვიდობიან, სამართლიან, თავისუფალ არჩევნებს, მაგრამ ძალიან მნიშვნელოვანია ამ ეტაპზე, როცა ჩვენ ვიხილეთ რამოდენიმე დღე ამგვარი ფაქტების, სწრაფად მოხდეს ამაზე რეაგირება, ბუნებრივია, ხელისუფლების მხრიდან და მეორეს მხრივ, ყველა პოლიტიკური პარტიის მხრიდან“.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15