Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილი: 1 ოქტომბერი არის არჩევანი წარსულსა და მომავალს შორის
სივილ ჯორჯია, თბილისი / 29 სექ.'12 / 13:11


პრეზიდენტი სააკაშვილი მმართველი პარტიის საარჩევნო კამპანიის დასკვნით შეხვედრაზე გამოდის თბილისში ეროვნულ სტადიონზე 28 სექტემბერს. ფოტო: გურამ მურადოვი/Civil.ge

1 ოქტომბრის საპარლამენტო არჩევნები არ არის „ჩვეულებრივი“ არჩევნები, რადგანაც ქართველმა ამომრჩევლებმა უნდა გააკეთონ „მკაფიო არჩევანი“ წარსულსა და მომავალს შორის, განაცხადა პრეზიდენტმა სააკაშვილმა 28 სექტემბერს მმართველი პარტიის კამპანიის აქციაზე ეროვნულ სტადიონზე.  

ნაციონალური მოძრაობის აქცია დინამოს სტადიონზე ერთი დღით ადრე უსწრებდა წინ ოპოზიციური კოალიციის „ქართული ოცნება“ დაკვნით აქციას, რომელიც თავისუფლების მოედანზე 29 სექტემბერს გაიმართება.

„სამ დღეში საქართველო აკეთებს უმნიშვნელოვანეს არჩევანს – არჩევანს, რომელიც განსაზღვრავს ჩვენი ქვეყნის მომავალს, არჩევანს, რომელიც შეეხება ყველა ოჯახს, ყველა ქალაქსა და ყველა სოფელს“, – განაცხადა სააკაშვილმა.

„1 ოქტომბერი თანაბრად მნიშვნელოვანია როგორც ჩვენი სახელმწიფოებრიობისთვის, ისე საზოგადოების თითოეული წევრისთვის. და ალბათ აქამდე არასოდეს არ ვდგარვართ ასეთი მკაფიო არჩევანის წინაშე იმიტომ, რომ 1 ოქტომბერი არის არჩევანი წარსულსა და მომავალს შორის. 1 ოქტომბერს ჩვენ უნდა გავცეთ პასუხი მარტივ შეკითხვას – გვინდა თუ არა გავაგრძელოთ წინსვლა, თუ გვინდა დავიწყოთ უკუსვლა? გვინდა შევინარჩუნოთ თავისუფლება კრიმინალებისგან, თავისუფლება ქურდებისგან, ძალადობისგან, თუ თანახმა ვართ ისევ დავიდოთ ხელზე ბორკილები?“

„ეს არის დიდი არჩევანი და მე მჭირდება თქვენი დახმარება“, – განაცხადა სააკაშვილმა.

„ჩვენი ქვეყანა ძალიან შორს იყო ევროკავშირისგან და ნატოსგან“, – განაცხადა მან. „ჩვენ ახლა ისე ახლოს ვართ, როგორც არასდროს. არის ახლა დაყოვნების და უკან მობრუნების დრო? არა, ახლა წინსვლის დროა“.

ნაციონალური მოძრაობის აქციაზე, სადაც მონაწილეთა ნაწილი ქვეყნის სხვადასხვა რეგიონებიდანაც ჩამოიყვანეს, პრეზიდენტმა სააკაშვილმა ციხის სკანდალზეც ისაუბრა და განაცხადა, რომ ყველაზე მნიშვნელოვანია, თუ როგორ უპასუხა ხელისუფლებამ ამას – ციხის თანამშრომლების დაპატიმრებით, სასჯელაღსრულების და შინაგან საქმეთა მინისტრების გადადგომით და სახალხო დამცველის სასჯელაღსრულების მინისტრად დანიშვნით. 

„მთავარია ის კი არა, მოხდება თუ არა, მთავარია ჩვენ როგორ ვუპასუხებთ და ჩვენ ვუპასუხეთ როგორც გაზრდილმა, ევროპულმა, თანამედროვე, 21 საუკუნის ქვეყანამ“, – განაცხადა სააკაშვილმა. 

აქციაზე ასევე გამოვიდა სიტყვით პრემიერ–მინისტრი ვანო მერაბიშვილი, რომელმაც განაცხადა, რომ საქართველო კვლავ არჩევანის წინაშე დგას – დაბრუნდეს უკან, თუ წავიდეს წინ . მისი თქმით, ხელისუფლებისთვის ცნობილია, რომ საქართველოს მტრებს სურთ, რომ კანონიერი ქურდები, კორუმპირებული ჩინოვნიკები და კრიმინალები დაბრუნდნენ ქვეყანაში.

„მე და ჩემი გუნდი ვიძლევით გარანტიას, რომ კანონიერი ქურდები აღარასდროს დაბრუნდებიან საქართველოში“, – განაცხადა მერაბიშვილმა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
60