Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ცესკო: 10 საათისთვის ამომრჩეველთა აქტივობამ 10.3% შეადგინა
სივილ ჯორჯია, თბილისი / 1 ოქტ.'12 / 12:21


ამომრჩევლები რიგში დგანან, რათა ხმა მისცენ ლესელიძის ქუჩაზე განლაგებულ საარჩევნო უბანზე. ფოტო: გურამ მურადოვი/Civil.ge

ცენტრალური საარჩევნო კომისიის ცნობით, დილის 10 საათისთვის ამომრჩეველთა აქტივობამ 10.3% შეადგინა.

ოფიციალური მონაცემებით, 1 ოქტომბრის საპარლამენტო არჩევნებისთვის ამომრჩეველთა საერთო რაოდენობა 3 613 851 შეადგენს.

ცესკოს ცნობით, რუმინეთში მცხოვრებ საქართველო მოქალაქეებს არჩევნებში მონაწილეობის შესაძლებლობა არ ექნებათ, ვინაიდან ბუქარესტში გახსნილ უბანზე, სადაც 24 ამომრჩეველია დარეგისტრირებული, არჩევნები იმის გამო ჩაიშალა, რომ კომისიის ორი წევრი ჯანმრთელობის მდგომარეობის გამო არ გამოცხადდა.

ცესკო ასევე გამოეხმაურა მედიით გავრცელებულ ინფორმაციას, რომ ზოგიერთ საარჩევნო უბანზე ამომრჩეველთა რაოდენობასთან შედარებით ნაკლები ბიულეტენია მიტანილი. პრესსპიკერის, ეკა აზარაშვილის განმარტებით,  ეს ასეც უნდა იყოს, რადგან ბიულეტენები არ არის გათვალისწინებული მათთვის, ვისაც საარჩევნო სიებში მითითებული აქვთ სხვადასხვა სტატუსები, მათ შორის სტატუსი იმყოფება საზღვარგარეთ.

იმავდროულად ადგილობრივი სადამკვირვებლო ორგანიზაციები რიგი დარღვევების შესახებ იტყობინებიან.

სამართლიანი არჩევნებისა და დემოკრატიის საერთაშორისო საზოგადოების ინფორმაციით, საარჩევნო უბნების გახსნის პროცესი კანონით დადგენილი პროცედურების დარღვევით ქვეყნის მასშტაბით გახსნილი უბნების 2.5%–ში ჩატარდა. ორგანიზაცია, რომელიც არჩევნებს 1 271 დამკვირვებლის მეშვეობით უწევს მონიტორინგს, მათი დამკვირვებლების უფლებების შეზღუდვის და მარკირების არ შემოწმების თაობაზე დარღვევების შესახებ იტყობინება. ორგანიზაციის თქმით, ამ ეტაპზე სულ 13 საჩივარია დაწერილი გამოვლენილ დარღვევებთან დაკავშირებით. 

ახალგაზრდა იურისტთა ასოციაციის ცნობით, მისმა დამკვირვებლებმა დააფიქსირეს მედიის საქმიანობის ხელის შეშლის, უბნის გახსნასთან დაკავშირებული, აგიტაციის კანონდარღვევით წარმოების, უბანზე ბიულეტენების ნაკლებობის, დამკვირვებლის არ შეშვების, საუბნო კომისიის წევრის მიერ უფლებამოსილების არასათანადოდ განხორციელებისა და გადასატან ყუთთან დაკავშირებული ხარვეზები, რაზეც სულ 11 საჩივარი დაიწერა.

საიამ ასევე განაცხადა, რომ საარჩევნო უბნების სიახლოვეს ფიქსირდებიან პირები, რომლებიც აწარმოებენ ამომრჩეველთა აღრიცხვას.

„ეს პირდაპირ კანონდარღვევას არ წარმოადგენს, თუმცა ეს წარმოადგენს არაპირდაპირ კონტროლს ამომრჩევლის ნების გამოვლენაზე“, – განაცხადა საია–ს ხელმძღვანელმა თამარ ჩუგოშვილმა და პარტიებს რეკომენდაციით მიმართა, რათა მოუწოდონ მათ აქტივისტებს შეწყვიტონ ეს ქმედება.

საერთაშორისო გამჭირვალობა–საქართველო იტყობინება კონკრეტული დარღვევის შესახებ, როცა საბურთალოს 52–ე უბანში ამომრჩეველმა გარედან შეიტანა ბიულეტენი, ხოლო უბანზე მიღებული ბიულეტენი გარეთ გაქონდა. ამ დარღვევაზე ორგანიზაციამ შესაბამისი რეაგირებისკენ მოუწოდა. ორგანიზაციის განცხადებით, მისმა დამკვირვებლებმა ახალქალაქში ერთ–ერთ უბანზე ასევე დააფიქსირეს პირადობის მოწმობის გარეშე ხმის მიცემის 10 ფაქტი.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
34