Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ივანიშვილი სააკაშვილის გადადგომას ელის
სივილ ჯორჯია, თბილისი / 2 ოქტ.'12 / 18:38


ბიძინა ივანიშვილი "ქართული ოცნების" სათაო ოფისში პრესკონფერენციას მართავს 2 ოქტომბერს. ივანიშვილის პრესსამსახურის ფოტო. 

კოალიცია „ქართული ოცნების“ ლიდერი ბიძინა ივანიშვილი მიესალმა რა პრეზიდენტ სააკაშვილის განცხადებას არჩევნებში მისი პარტიის დამარცხების აღიარებაზე, განაცხადა, რომ  მას აქვს მოლოდინი, რომ პრეზიდენტის შემდეგი „ლოგიკური და სწორი“ სვლა იქნება გადადგომა და საპრეზიდენტო არჩევნების დანიშვნა.

„ყველაზე იოლი ჩვენთვისაც იქნება, რომ მან დაწეროს განცხადება გადადგეს და დანიშნოს საპრეზიდენტო არჩევნები და ყველაფერს ამით ბოლო დაესმევა“, – განაცხადა ივანიშვილმა დღეს გამართულ პრესკონფერენციაზე.

„როგორც კი გადადგება და ახალი პრემიერ–მინისტრი ახალი კონსტიტუციით აირჩევა, ყველაფერი ჩადგება ნორმაში“, – განაცხადა მან.

„მე მგონი, რომ ის შეძლებს ამასაც, რომ ასეთი განცხადება დაწეროს“, – დასძინა კოალიციის ლიდერმა.

„ჩემთვის უკეთესი იქნებოდა, რომ თვითონ გაეკეთებინა ეს ნაბიჯი. ეს კიდევ ერთხელ მას სახეს შეუნარჩუნებდა და კარგი იქნებოდა მისი მომავლისთვის“, – განაცხადა ივანიშვილმა.

ეს განცხადება მან მას შემდეგ გააკეთა, რაც ჟურნალისტმა კითხა თუ როგორ ხედავს ის მომდევნო ერთ წელიწადს, ვიდრე სააკაშვილს მეორე და საბოლოო საპრეზიდენტო ვადა ამოწურება, მასთან ურთიერთობებს.

მისი თქმით, სააკაშვილის პრეზიდენტად დარჩენის შემთხვევაში „იქნება ბევრი პრობლემა“, რადგან „ჩვენ უნდა ვმართოთ სიტუაცია, ის ვეღარ მართავს სიტუაციას“ და „შეიძლება კრიზისიც კი შეიქმნას რაღაც ეტაპზე“.

თუ სააკაშვილი არ გადადგება, „რა თქმა უნდა, რაღაც სვლები გვექნება“, მათ შორის შესაძლებელია იმპიჩმენტის პროცედურის დაწყებაც.

„ის ვეღარ გააგრძელებს ძალაუფლებას“, – განაცხადა ივანიშვილმა.

მან ასევე მიმართა და თხოვა ხელისუფლებას, რომ დაუბრუნონ ერთი წლის წინ ჩამორთმეული საქართველოს მოქალაქეობა და გაათავისუფლონ საარჩევნო კამპანიის ფარგლებში დაკავებული კოალიციის აქტივისტები, მათ შორის თამაზ თამაზაშვილი – ადამიანი, რომელიც თითქმის ერთი წელია დააპატიმრეს და რომელიც ივანიშვილის კოალიციის წინააღმდეგ ნაციონალური მოძრაობის კამპანიაში ერთ–ერთი ცენტრალური ფიგურა იყო.  

ივანიშვილის პრესკონფერენციის პარალელურად, გავრცელებული ინფორმაციით, პრეზიდენტი სააკაშვილი ნაციონალური მოძრაობის ოფისში თანაგუნდელებს ხვდებოდა საკანონმდებლო და აღმასრულებელი ხელისუფლებიდან.  

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
37