Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მთავრობის გადადგომამ ახალი პარლამენტის შეკრების დაჩქარების წინაპირობა შექმნა
სივილ ჯორჯია, თბილისი / 11 ოქტ.'12 / 16:13

მოქმედი მთავრობის გადადგომა და პრეზიდენტ სააკაშვილის გადაწყვეტილებით, მისი მოვალეობის შესრულების რეჟიმში გადაყვანა არსებული კონსტიტუციური ვადებისა და ნორმების საფუძველზე ახალი მოწვევის პარლამენტის 17 ოქტომბრამდე შეკრების აუცილებლობას ქმნის, რადგან პრეზიდენტის ადმინისტრაცია აცხადებს, რომ მთავრობის ახალი შემადგენლობა სწორედ ახალი მოწვევის პარლამენტს წარედგინება დასამტკიცებლად.

მთავრობის საპარლამენტო მდივანმა გია ხუროშვილმა Civil.ge-ს განუცხადა, რომ 10 ოქტომბერს მთავრობის გადადგომა იმ ფაქტმა განაპირობა, რომ ეკა ზღულაძე შინაგან საქმეთა მინისტრად ოფიციალურად დაინიშნა.

ზღულაძე მინისტრის მოვალეობას 20 სექტემბრიდან ასრულებდა მას შემდეგ, რაც ყოფილი მინისტრი ბაჩო ახალაია ციხის სკანდალის გამო გადადგა. ის მეშვიდე მინისტრი იყო, რომელმაც მთავრობის შემადგენლობა ივლისის შემდეგ დატოვა. მთავრობის 1/3–ით განახლების შემთხვევაში პარლამენტში მთავრობის ნდობის გამოცხადების საკითხი დგება. თუმცა ახალაიას გადადგომამ ახალი მთავრობის დამტკიცების საკითხი მანამ შეაჩერა და დღის წესრიგში არ დააყენა, სანამ მისი შემცვლელი ოფიციალურად არ დაინიშნა მინისტრის თანამდებობაზე.

კონსტიტუციის მიხედვით, მთავრობის უფლებამოსილება 1 ოქტომბერს არჩეული ახალი პარლამენტის უფლებამოსილების ცნობისთანავე უნდა შეწყვეტილიყო, თუმცა არსებული მოცემულობით, მისი უფლებამოსილება ზღულაძის დანიშვნის გამო უფრო ადრე შეწყდა.

ახალი მოწვევის პარლამენტი მხოლოდ მას შემდეგ შეძლებს შეკრებას, რაც ცენტრალური საარჩევნო კომისია არჩევნების საბოლოო შედეგებს შეაჯამებს – შეჯამების ბოლო ვადა 20 ოქტომბერს იწურება. პარლამენტის პირველი სხდომის დღე საქართველოს პრეზიდენტმა უნდა დანიშნოს.

პარლამენტი თავის პირველივე სხდომაზე ქმნის ფრაქციებს – სწორედ ამ პოლიტიკურ ჯგუფებთან უნდა გაიაროს კონსულტაციები პრეზიდენტმა, რათა მთავრობის უფლებამოსილების მოხსნიდან ანუ 10 ოქტომბრიდან 7 დღის განმავლობაში შეარჩიოს პრემიერ–მინისტრის კანდიდატურა.

ამ კონსტიტუციური ვადების დაცვის მიზნით, სავარაუდოდ, არაუგვიანეს 17 ოქტომბრისა უნდა შეიკრიბოს პარლამენტი, ასევე შეიქმნას ფრაქციები, რათა მათთან კონსულტაციების გავლის კონსტიტუციური მოთხოვნა იქნას დაცული.

პრემიერ–მინისტრის კანდიდატის შერჩევის შემდეგ, მთავრობისთვის ნდობის გამოცხადების პროცედურის შემდგომი ნაბიჯია, პრემიერ–მინისტრობის კანდიდატის მიერ პრეზიდენტთან შეთანხმებით მინისტრების კანდიდატურების 10 დღის ვადაში შერჩევა,  რის შემდეგაც 3 დღის ვადაში პრეზიდენტი შეიტანს პარლამენტში მთავრობის შემადგენლობას ნდობის მისაღებად. აქედან  ერთი კვირის ვადაში პარლამენტი დაამტკიცებს მთავრობას და მის პროგრამას სრული შემადგენლობის უმრავლესობით – 76 ხმით. ამის შემდეგ მთავრობის წევრები თანამდებობებზე სამი დღის ვადაში ინიშნებიან, რითაც ოფიციალურად იწყებენ თავიანთი მოვალეობების შესრულებას.

პრეზიდენტი სააკაშვილი აცხადებს, რომ ის მზად არის 1 ოქტომბრის არჩევნებში გამარჯვებული კოალიცია „ქართული ოცნების“ შეთავაზებული პრემიერ–მინისტრობის კანდიდატი ბიძინა ივანიშვილი და მის მიერ შერჩეული მთავრობის წევრები წარუდგინოს ახალ პარლამენტს დასამტკიცებლად.
 
„არსებობს დეკლარირებული პოლიტიკური ნება იმისა, რომ პოლიტიკური პროცესები წარიმართოს ჯანსაღად და ხელის შეშლის გარეშე“, – განაცხადა გია ხუროშვილმა 11 ოქტომბერს.

მთავრობის საპარლამენტო მდივანმა არ გამორიცხა, რომ ხელისუფლების ცვლის პროცედურების დაჩქარება ნაციონალურ მოძრაობასა და „ქართულ ოცნებას“ შორის ამ საკითხებზე მიმდინარე კონსულტაციების ფარგლებში შეთანხმებული საკითხი იყოს.

ივანიშვილმა მომავალი კაბინეტის 20 მინისტრიდან 13–ის კანდიდატურა უკვე დაასახელა, დანარჩენი 7 მინისტრობის კანდიდატის შერჩევის მიზნით კონსულტაციები მიმდინარეობს.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15