Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველოს საგარეო უწყება: დსთ–ზე არანაირი მოლაპარაკებები არ იმართება
სივილ ჯორჯია, თბილისი / 30 იან.'13 / 11:27

საქართველოს მთავრობამ კატეგორიულად უარყო რაიმე მოლაპარაკებები მოსკოვთან დამოუკიდებელ სახელმწიფოთა თანამეგობრობაში (დსთ) საქართველოს დაბრუნების თაობაზე.

საქართველოს ახალი ხელისუფლება მას შემდეგ გახდა იძულებული ამის უარყოფა მოეხდინა, რაც საინფორმაციო სააგენტო „რია ნოვოსტიმ“ გაავრცელა ინფორმაცია, რომ 29 იანვარს ბელარუსში ვიზიტის დროს რუსეთის საგარეო საქმეთა სამინისტროს დსთ–ს პირველი დეპარტამენტის დირექტორმა მიხეილ ევდოკიმოვმა განაცხადა, რომ საქართველომ თავად უნდა გადაწყვიტოს დაბრუნდება, თუ არა ის დსთ–ში. „რია ნოვოსტიმ“ ასევე განაცხადა ევდოკიმოვზე დაყრდნობით, რომ საქართველოს წარმომადგენლებთან უკვე მიდის კონტაქტები „ამ საკითხზე“.

თუმცა, ბელარუსის სახელმწიფო საინფორმაციო სააგენტო BelTA იტყობინებოდა: „საქართველოს დსთ–ში დაბრუნების ხელშეწყობასთან დაკავშირებით მიხეილ ევდოკიმოვმა ხაზი გაუსვა: ‘არავის გაუგდია საქართველო დსთ–დან; ეს ამ ქვეყნის გადაწყვეტილება იყო’. მისი თქმით, „კონტაქტები საქართველოს წარმომადგენლებთან უკვე დაწყებულია და თუ ისინი დსთ–ში დაბრუნების სურვილს გამოთქვამენ, მე ვფიქრობ, დსთ–ს ყველა წევრი სახელმწიფო ამ გადაწყვეტილებას კონსენსუსის გზით განიხილავს“.  

საქართველოს საგარეო საქმეთა მინისტრის პირველმა მოადგილემ დავით ზალკანიანმა განაცხადა, რომ „არანაირი კონტაქტი, ან დიალოგი რუსეთის ფედერაციის წარმომადგენლებთან საქართველოს დსთ–ში დაბრუნებასთან დაკავშირებით არ ყოფილა“.

„ჩვენი საგარეო პოლიტიკური კურსი არის ურყევი – ეს არის საქართველოს სრული ინტეგრაცია ევროატლანტიკურ სტრუქტურებში“, – განაცხადა ზალკანიანმა.

პრეზიდენტ სააკაშვილის ნაციონალურმა მოძრაობამ განაცხადა „რია ნოვოსტის“ მიერ ინფორმაციის გავრცელების შემდეგ, რომ თუ ეს სიმართლეა და საქართველოს ახალი ხელისუფლება მართლა აწარმოებს მოლაპარაკებებს მოსკოვთან დსთ–ს წევრობასთან დაკავშირებით, ეს საქართველოს ეროვნული ინტერესების ღალატის ტოლფასი იქნება.

„თუ არ იქნება საგარეო საქმეთა სამინისტროს ოფიციალური პოზიცია და პრეტენზია რუსეთის საგარეო საქმეთა სამინისტროს მიმართ დეზინფორმაციის გავრცელებისთვის, ჩვენ შეგვიძლია ჩავთვალოთ, რომ საქართველოს მთავრობამ უკვე გადაუხვია საგარეო პოლიტიკურ კურსს“, – განაცხადა დეპუტატმა ნაციონალური მოძრაობიდან გოკა გაბაშვილმა.

პრეზიდენტმა სააკაშვილმა პირველად დსთ–დან გამოსვლის შესახებ განცხადება 2008 წლის 12 აგვისტოს გააკეთა, როდესაც რუსეთთან საომარი მოქმედებების აქტიური ფაზა დასრულდა. მან ეს  გადაწყვეტილება საბჭოთა კავშირთან დამშვიდობებად შეაფასა.

ოფიციალურად საქართველომ დსთ 2009 წლის 18 აგვისტოს დატოვა მას შემდეგ, რაც დსთ–დან გამოსვლისთვის საჭირო ხანგრძლივი ფორმალური პროცედურები გაიარა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
44