Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
უსუფაშვილი და ბაქრაძე მიმდინარე მოლაპარაკებებზე ფრთხილ ოპტიმიზმს იჩენენ
სივილ ჯორჯია, თბილისი / 13 თებ.'13 / 14:18

პარლამენტის თავმჯდომარემ დავით უსუფაშვილმა და საპარლამენტო უმცირესობის ლიდერმა დავით ბაქრაძემ განაცხადეს 12 თებერვალს გამართული შეხვედრის შემდეგ, რომ მიმდინარე მოლაპარაკებებს ჯერ რაიმე კონკრეტული პროგრესი არ მოყოლია, თუმცა ორივე მათგანმა იმედი გამოთქვა, რომ „კარგი სამუშაო პროცესი“ კონკრეტულ შედეგებს გამოიღებს.

„არის თემები, რომლებზეც პოზიციების დაახლოება შესაძლებელია და მიმდინარეობს ეს მუშაობა“, – განუცხადა უსუფაშვილმა ჟურნალისტებს ბაქრაძესთან შეხვედრის შემდეგ, რასაც წინ უძღოდა მისი შეხვედრა პრეზიდენტ სააკაშვილთან 11 თებერვალს, რომელსაც ასევე ესწრებოდა დავით ბაქრაძე.

„რაიმე კონკრეტული, რომ გითხრათ, პროგრესი ჯერ არ არის. ეს მუშა პროცესია. აი, ხელთ მაქვს კონსტიტუცია, დიდი ტექსტია. აი, რამდენი რამეა აჭრელებული. რაღაცეებზე მიდის მუშაობა. ჯერჯერობით რა იქნება მართლა ვერ გეტყვით“, – განაცხადა უსუფაშვილმა და ჟურნალისტებს აჩვენა ფურცლები მონიშნული ტექსტებით.

„ჩვენი ამოცანაა მაქსიმალურად ვეცადოთ პოზიციების დაახლოება იმიტომ, რომ ბუნებრივია ძალიან დიდი განსხვავებაა პოზიციებში და ხედვაში მხარეებს შორის“, – განაცხადა ბაქრაძემ, „ჩემი აზრით, ჯერჯერობით პროცესი მიდის ნორმალურად. ჩვენ გვაქვს საკმაოდ ნორმალური და კარგი შანსი იმის, რომ მხარეებს შორის შედგეს დიდი და სერიოზული შეთანხმება. ეს იქნება შეთანხმება, რომელიც პირველ რიგში იქნება კარგი ჩვენი საზოგადოებისთვის და ჩვენი ქვეყნისთვის; ამიტომ ჩვენი მხრიდან არსებობს მზადყოფნა თანამშრომლობისთვისაც, გონივრული კომპრომისებისთვისაც, არსებობს მზადყოფნა იმისთვის, რომ დავაფიქსიროთ და დავიცვათ ყველა ის ინტერესი, რომელიც ჩვენ მიგვაჩნია საერთო ინტერესად და ქვეყნის ინტერესად“.

„მე არ მინდა ვიყო ზედმეტად ოპტიმისტური. ჯერ-ჯერობით პროცესი დასრულებული არ არის, თუმცა კიდევ ერთხელ განვმეორდები, რომ ეს არის კარგი სამუშაო პროცესი“, – დასძინა ბაქრაძემ.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
75