Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ივანიშვილი: სააკაშვილს აქვს ‘კარგი ინიციატივა’ ახალი საკონსტიტუციო დებულებები ‘უახლოეს დროში’ ამოქმედდეს
სივილ ჯორჯია, თბილისი / 15 თებ.'13 / 13:02

პრემიერ-მინისტრმა ბიძინა ივანიშვილმა განაცხადა, რომ პრეზიდენტ სააკაშვილს აქვს „კარგი ინიციატივა“, რომ ის საკონსტიტუციო დებულებები, რომელიც საპარლამენტო მოდელზე გადასვლას და პრემიერ-მინისტრის უფლებების ზრდის ხარჯზე პრეზიდენტის უფლებამოსილების შემცირებას ითვალისწინებს, ამოქმედდეს "უახლოეს დროში" და არა ოქტომბერში ახალი პრეზიდენტის არჩევის შემდეგ, როგორც ეს ამ ეტაპისთვის არის განსაზღვრული.

„პრეზიდენტის უფლებები, როგორიც ექნება ახალ არჩეულ პრეზიდენტს და თქვენ იცით, რომ ძალიან სუსტდება პრეზიდენტის უფლებები, ზუსტად იმ უფლებების გადმოტანაზეა საუბარი უახლოეს დროში“, - განაცხადა ივანიშვილმა 14 თებერვალს ანკარაში თავის თურქ კოლეგასთან ერთობლივ პრესკონფერენციაზე მას შემდეგ, რაც „მეცხრე არხის“ ჟურნალისტმა შიდა პოლიტიკის თემაზე, კერძოდ, კი პრეზიდენტ სააკაშვილის ნაციონალურ მოძრაობასთან მიმდინარე მოლაპარაკებებზე დაუსვა მას შეკითხვა.

„ეს ინიციატივა პრეზიდენტმა აიღო, მოლაპარაკებები გრძელდება და თუ მე საჭირო გავხდები, რა თქმა უნდა, მეც ჩავერთვები [მოლაპარაკებებში]“, - დასძინა მან.

პრემიერ-მინისტრის ამ განცხადების შემდეგ, პარლამენტის თავმჯდომარემ დავით უსუფაშვილმა, რომელიც კოალიცია ქართული ოცნებიდან მთავარი მომლაპარაკებელია და 11 თებერვალს პრეზიდენტ სააკაშვილთან  პირველი შეხვედრის შემდეგ  მოლაპარაკებების სულ ცოტა ორი რაუნდი  გამართა საპარლამენტო უმცირესობის ლიდერთან დავით ბაქრაძესთან, ასევე დაადასტურა 15 თებერვალს, რომ მხარეებს შორის მოლაპარაკებების თემაა 2010 წელს ნაციონალური მოძრაობის მიერ მიღებული საკონსტიტუციო ცვლილებების ვადაზე ადრე ამოქმედების საკითხი.

„ამ ცვლილებების მიხედვით მნიშვნელოვნად მცირდება პრეზიდენტის უფლებამოსილება,  იზრდება პრემიერ–მინისტრის უფლებამოსილება და ბალანსდება პარლამენტს, მთავრობასა და პრეზიდენტს შორის ურთიერთობები. მიუხედავად იმისა, რომ იმ მოდელში არის გარკვეული სახის ხარვეზები, მისი ამოქმედება შესაძლოა ნაწილობრივ და არასრულად. ეს იქნებოდა ძალიან ბევრი პრობლემის მოგვარება, რომელიც დგას დღის წესრიგში“, - განუცხადა უსუფაშვილმა ჟურნალისტებს.

ინიციატივა იმის შესახებ, რომ ახალი საკონსტიტუციო დებულებები ვადაზე ადრე ამოქმედებულიყო, ბიძინა ივანიშვილმა თავდაპირველად ნოემბერში წამოაყენა. თუმცა მოგვიანებით, ქართულმა ოცნებამ განაცხადა, რომ ეს გეგმა შეცვალა და სანაცვლოდ დეკემბერში შესთავაზა ახალი საკონსტიტუციო ცვლილებები, რომელიც პრეზიდენტს ყველა უფლებამოსილებას უნარჩუნებს გარდა იმ ერთისა, რომ მან ერთპიროვნულად, პარლამენტის თანხმობის გარეშე მთავრობის გამოცვლა ვეღარ შეძლოს.
 
„ჩვენთვის საკმარისი იყო იმ ერთი თემის მოგვარება, რომ პრეზიდენტს აღარ შეეძლოს ერთპიროვნულად მთავრობის შექმნა, მაგრამ ამ საუბრებში ვინაიდან გაჩნდა მზაობა უფრო კომპლექსური, უფრო გლობალური პრობლემების მოგვარების, ჩვენ ვთქვით, რომ ეს საინტერესო იდეაა“, - განაცხადა დავით უსუფაშვილმა.

მან ასევე განაცხადა, რომ მაშინ როდესაც ქართულმა ოცნებამ ახალი საკონსტიტუციო დებულებების დადგენილ ვადაზე ადრე ამოქმედება შესთავაზა ნაციონალურ მოძრაობას, „იმ პერიოდისთვის ისინი არ იყვნენ მზად, თვლიდნენ, რომ  ამ უფლებამოსილების შემცირება პრეზიდენტისთვის არ იყო მათთვის მისაღები“. 

„შექმნილ რეალობაში ბევრი სხვადასხვა  ფაქტორის გათვალისწინებით დღეს მათ გამოთქვეს არა თუ მზადყოფნა, არამედ თავად გამოვიდნენ ამ ინიციატივით და ჩვენ ამაზე ვმუშაობთ“, - განაცხადა უსუფაშვილმა.

„ბევრი ფაქტორი განაპირობებს იმას, რომ ადამიანები უფრო და უფრო რაციონალურად იქცევიან ხოლმე“, - დასძინა მან ოპონენტების მისამართით.

ნაციონალურ მოძრაობას მიმდინარე მოლაპარაკებების დეტალებზე, რომელთა კონფიდენციალურობასაც ორივე მხარე იცავდა, ვიდრე ბიძინა ივანიშვილი განცხადებას გააკეთებდა, კომენტარი ჯერ არ გაუკეთებია.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
32