Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ცესკომ პარლამენტის მიერ პრეზიდენტის არჩევის საკითხზე სარეფერენდუმო საინიციატივო ჯგუფი დაარეგისტრირა
სივილ ჯორჯია, თბილისი / 28 თებ.'13 / 14:23

ცენტრალურმა საარჩევნო კომისიამ რეგისტრაციაში გაატარა საინიციატივო ჯგუფი, რომელიც მოითხოვს ჩატარდეს რეფერენდუმი საკითხზე:  ”თანახმა ხართ თუ არა, რომ საქართველოს პრეზიდენტი აირჩიოს პარლამენტმა?”

საინიციატივო ჯგუფმა, რომლის შემადგენლობაში შედიან მოქალაქეები იაგო წიკლაური, გელა მესტიაშვილი და იანა ხუციშვილი, 200 000 ამომრჩევლის ხელმოწერა სამი თვის განმავლობაში უნდა შეაგროვოს.

კანონმდებლობის მიხედვით, ხელმოწერების მიღებისა და გადამოწმების შემდეგ ცესკო რეფერენდუმის საკითხს წარუდგენს პრეზიდენტს, რომელიც იღებს გადაწყვეტილებას რეფერენდუმის დანიშვნის შესახებ ან მის მოწყობაზე მოტივირებულ უარს აცხადებს.

პრეზიდენტმა სააკაშვილმა განაცხადა, რომ ის პრეზიდენტის პარლამენტის მიერ არჩევის წინააღმდეგია. პრეზიდენტის პირდაპირი არჩევის წესის შენარჩუნება იმ საკითხებს შორის იყო, რომელსაც ნაციონალური მოძრაობა აყენებდა ქართულ ოცნებასთან ძალაუფლების გაყოფის თაობაზე საკონსტიტუციო ცვლილებებთან  დაკავშირებულ მოლაპარაკებებში.

კოალიცია ქართულ ოცნებას პრეზიდენტის არჩევის წესთან დაკავშირებით ერთიანი პოზიცია არ გააჩნია. თუმცა პირველად მოსაზრება იმის თაობაზე, რომ პრეზიდენტის არჩევის წესი შესაძლოა შეიცვალოს, ქართული ოცნების დეპუტატებმა გამოთქვეს.

ამ დროისთვის როგორც ქართული ოცნების, ისე ნაციონალური მოძრაობის დეპუტატები სკეპტიკურად უყურებენ რეფერენდუმის იდეას, ვინაიდან მისი შედეგების ასახვა ოქტომბერში დაგეგმილ საპრეზიდენტო არჩევნებზე დროის სიმცირის გამო მაინც ვერ მოხერხდება.

ცესკოს მიერ 26 თებერვალს სარეფერენდუმო ჯგუფის რეგისტრაციაში გატარებას წინ უძღოდა ამავე ჯგუფისთვის მისი ორი უარი დარეგისტრირებაზე. კერძოდ, ცესკომ 8 იანვარს ამ ჯგუფს უარი უთხრა სარეფერენდუმო წინადადებაზე: „გსურთ თუ არა, რომ საქართველოში გამოცხადდეს საპარლამენტო მმართველობა და პრეზიდენტი შეზღუდული ძალაუფლებით აირჩიოს პარლამენტმა?”, ხოლო 8 თებერვალს არ დაურეგისტრირა სარეფერენდუმო საკითხი: „თანახმა ხართ, თუ არა, რომ საქართველო გამოცხადდეს საპარლამენტო  რესპუბლიკად?“.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
32