Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პრეზიდენტი და პრემიერ-მინისტრი შეხვედრის სურვილს ორმხრივად გამოთქვამენ
სივილ ჯორჯია, თბილისი / 1 მარ.'13 / 19:43

პრემიერ-მინისტრმა ბიძინა ივანიშვილმა და პრეზიდენტმა სააკაშვილმა ერთმანეთთან შეხვედრის სურვილი გამოთქვეს, რომელიც სავარაუდოდ, ორშაბათს შედგება მას შემდეგ, რაც 1 მარტს ასეთი შეხვედრა არ შედგა.

„დღეს საქართველოს პრეზიდენტის ადმინისტრაციამ გააკეთა განცხადება იმის შესახებ, რომ მიხეილ სააკაშვილი ბიძინა ივანიშვილს ორშაბათს, დილის საათებში შეხვედრას სთავაზობს. საქართველოს პრემიერ–მინისტრი კვლავაც გამოთქვამს თანხმობას და მზად არის შეხვდეს პრეზიდენტს“, - ნათქვამია მოკლე განცხადებაში, რომელიც ივანიშვილის პრესსამსახურმა პარასკევს საღამოს გაავრცელა.

იმავდროულად, პრეზიდენტმა სააკაშვილმა 1 მარტს საღამოს განაცხადა, რომ პრემიერთან დაგეგმილი შეხვედრა უნდა იყოს „სერიოზული, საგნობრივი, შინაარსიანი, შედეგის მომტანი“ და არა შეხვედრა შეხვედრისთვის, რათა ქვეყნის „პოლიტიკური კრიზისიდან“ გამოსაყვანად „სერიოზული“ საუბარი შედგეს.

„სრულიად ნათელია, რომ ქვეყანა ახლა იმყოფება კრიზისულ რეჟიმში, პოლიტიკური კრიზისის რეჟიმში“, - განაცხადა მან, „ჩვენ გვინდა რომ ქვეყანამ გააგრძელოს და დაუბრუნდეს განვითარების კურსს და ამიტომ ჩვენ ვართ მზად ძალიან ფართო, გახსნილი, მოქნილი, ყოვლისმომცველი დიალოგისთვის ყველა საკითხზე, მათ შორის კონსტიტუციაზე“.

ეს განცხადება სააკაშვილმა ნაციონალური მოძრაობის დეპუტატებთან შეხვედრაზე გააკეთა, რომელსაც ასევე ესწრებოდა უშიშროების საბჭოს მდივანი გიგა ბოკერია.

„ამისათვის [შეხვედრისთვის] მზად ვართ, რომ ძალიან სერიოზულად მოვემზადოთ იმიტომ შეგკრიბეთ ყველანი დღეს და იმედია, რომ პრემიერ-მინისტრიც მიუდგება სერიოზულად და სათანადოდ, გულდასმით მოემზადება ამ შეხვედრისთვის“, - განაცხადა მან და დასძინა, რომ დარჩენილი ორი დღე ამისთვის საკმარისი დროა.

„ამის შემდეგ ორშაბათს დილიდან, მე ვფიქრობ, რომ ჩვენ მოვნახავთ საშუალებას, რომ შევხვდეთ შემდგომი დღეების განმავლობაში და საგნობრივად ვისაუბროთ ამ თემებზე“, - განაცხადა სააკაშვილმა.

მან ასევე უარყო, რომ პარასკევს დაგეგმილი შეხვედრა მისი მიზეზით ჩაიშალა და განაცხადა, რომ „არანაირი შეხვედრა დღეს დათქმული არ ყოფილა, მითუმეტეს არც ადგილი და არც საათი“.

ცოტა ხნით ადრე პრეზიდენტის პრესსპიკერმა განაცხადა: „გუშინ საღამოს, პრემიერმა გამოთქვა ინიციატივა შეხვედრა დღეს შემდგარიყო, რაც პრეზიდენტის განრიგიდან გამომდინარე, ვერ ხერხდება“.

„საქართველოს პრემიერ-მინისტრს აქვს პირდაპირი სატელეფონო ხაზი ჩემთან და არ გვჭირდება გაფუჭებული ტელეფონების თამაში“, - განაცხადა სააკაშვილმა მიანიშნა რა პირდაპირი კონტაქტის საჭირობაზე.

„ყველა საკითხი არის გადაწყვეტადი“, - დასძინა მან.

პრეზიდენტმა პრემიერ-მინისტრთან შეხვედრის სურვილი მას შემდეგ გამოთქვა, რაც 26 თებერვალს მას წერილობით მიმართა ბიძინა ივანიშვილმა, სადაც მოუწოდა „2-3 დღეში მკაფიოდ და ცალსახად“ დაეფიქსირებინა პოზიცია საკონსტიტუციო ცვლილებებზე, რომლის კენჭისყრაც პარლამენტში მარტის ბოლომდე იგეგმება და რომელიც პრეზიდენტის იმ უფლებამოსილების შეზღუდვას ისახავს მიზნად, რომელიც მას აძლევს უფლებას დაითხოვოს მთავრობა და დანიშნოს ახალი კაბინეტი იმ შემთხვევაშიც კი, თუ პარლამენტი არ დაეთანხმება. 

პრემიერ-მინისტრმა 1 მარტს მთავრობის სხდომაზე განაცხადა, რომ შეხვედრა პარასკევს უნდა შემდგარიყო, თუმცა მიხეილ სააკაშვილმა „გადაიფიქრა რატომღაც“. ამის შემდეგ პრეზიდენტის ადმინისტრაციამ მას შეხვედრის გამართვა 4 მარტს დილით შესთავაზა.

მთავრობის შეცვლის შემდეგ მიხეილ სააკაშვილი და ბიძინა ივანიშვილი ორჯერ შეხვდნენ ერთმანეთს. მათი პირველი შეხვედრა ოქტომბერში ხელისუფლების გადაცემის პროცესში, ხოლო მეორე, არაოფიციალურ ვითარებაში იანვარში საპატრიარქოში სტუმრობისას გაიმართა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
42