Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პრემიერ-მინისტრი უზენაესი სასამართლოს თავმჯდომარეს შეხვდა
სივილ ჯორჯია, თბილისი / 6 მარ.'13 / 17:33


6 მარტს გამართული შეხვედრის შემდეგ, უზენაესი სასამართლოს თავმჯდომარემ კოტე კუბლაშვილმა პრემიერ-მინისტრ ბიძინა ივანიშვილს უზენაესი სასამართლოს მუზეუმი დაათვალიერებინა. ფოტო: პრემიერ-მინისტრის პრესსამსახური 

საქართველოში ხელისუფლების შეცვლიდან მეხუთე თვეს გამართული პირველი შეხვედრის შემდეგ საქართველოს პრემიერ-მინისტრმა ბიძინა ივანიშვილმა და უზენაესი სასამართლოს თავმჯდომარემ კოტე კუბლაშვილმა განაცხადეს, რომ მათი საუბრის ძირითადი თემა ეხებოდა სასამართლო სისტემის პოლიტიკური გავლენებისგან დამოუკიდებლობის უზრუნველყოფას. ივანიშვილის თქმით, კუბლაშვილი თავის თანამდებობაზე კიდევ ორი წელი, უფლებამოსილების ამოწურვამდე უნდა დარჩეს.

პრემიერ-მინისტრი მისი ინიციატივით ესტუმრა 6 მარტს უზენაეს სასამართლოს, სადაც გამართული შეხვედრის შემდეგ მან და სასამართლო ხელისუფლების მეთაურმა მედიისთვის ერთობლივად გააკეთეს განცხადებები, მიუხედავად იმისა, რომ შეხვედრის წინ ვრცელდებოდა ინფორმაცია, რომ განცხადებების ცალკ-ცალკე გაკეთება იგეგმებოდა.

„ძალიან საინტერესო საუბარი გვქონდა. საუბარი საერთოდ შეეხებოდა იმას, რომ სასამართლო უნდა იყოს აუცილებლად დამოუკიდებელი როგორც ახალი, ისე ძველი გუნდისაგან და რაც მთავარია, საზოგადოებამ უნდა დაიჯეროს და ირწმუნოს, რომ სასამართლო არის სამართლიანი. ეს იყო ძირითადი, ეს გასდევდა ჩვენს საუბარს ძირითად თემად“, - განაცხადა ივანიშვილმა. 

მისი თქმით, საუბრის ერთ-ერთ მთავარი თემა იყო ასევე სასამართლო სისტემაში, კერძოდ კი იუსტიციის უმაღლესი საბჭოს დაგეგმილი რეფორმა, რაზეც კანონპროექტი იუსტიციის სამინისტრომ შეიმუშავა და დეკემბერში პარლამენტის მიერ პირველი მოსმენით მიღების შემდეგ, მისი განხილვა შეჩერებულია მანამ, სანამ ვენეციის კომისია 8 მარტს დაგეგმილ პლენარულ სხდომაზე ამ რეფორმაზე თავის საექსპერტო დასკვნას წარმოადგენს. რეფორმა, რომელიც საბჭოს დაკომპლექტების წესის შეცვლას ითვალისწინებს, ძირითადად უთანხმოებას იწვევს იუსტიციის უმაღლესი საბჭოს მოქმედი წევრებისთვის უფლებამოსილების ვადებთან დაკავშირებით, რაც კანონპროექტის თანახმად, ახალი წევრების არჩევისთანავე უნდა შეწყდეს.

„ვისაუბრეთ იმაზეც, რომ რეფორმების გატარებაა აუცილებელი“, - განაცხადა ბიძინა ივანიშვილმა, „ბატონ კოტესაც გააჩნია მზაობა და თანახმაა. მიუხედავად იმისა, რომ  ეს ინიცირებულია იუსტიციის სამინისტროსაგან და ახალი გუნდისაგან, ის 80%-ზე მეტს ეთანხმება ამ რეფორმების ცვლილებას და მას გააჩნია კითხვები, ობიექტური“.

მიესალმა რა კუბლაშვილის მიერ სასამართლო სისტემის პოზიტივში შეტანილ წვლილს, ივანიშვილმა განაცხადა, რომ მას მისი ბიოგრაფიით ყველანაირი საფუძველი აქვს იმისათვის, რომ თავისი 10-წლიანი უფლებამოსილების ვადა უზენაესი სასამართლოს თავმჯდომარის პოსტზე, რომელიც 2015 წლის თებერვალში იწურება, ბოლომდე მიიყვანოს.

„ძალიან კარგად ვიცი ბატონი კოტეს ბიოგრაფია, მისი წარსული და მე ვთვლი, რომ მას აქვს ყველანაირი საფუძველი იმისა, რომ დაასრულოს  და ღირსეულად დაასრულოს იმ დროში, რაც მას კიდევ ეკუთვნის და დარჩა, იყოს თავმჯდომარე, დარჩეს და მაქსიმალურად ობიექტური და  დამოუკიდებელი სასამართლო დარჩეს საქართველოში“, - განაცხადა ივანიშვილმა.

„ვიცით და ბატონი კოტეც მეთანხმება იმაში, რომ საზოგადოებას აქვს გარკვეული სკეპტიციზმი, გარკვეული კითხვები სასამართლოსადმი, გარკვეული კითხვები არსებობს წარსულისადმი, მაგრამ ძალიან ბევრიც გაკეთდა სასამართლოში, ნამდვილად ძალიან ბევრი გაკეთდა ამ დროის განმავლობაში და მას აქვს გარკვეული წვლილი იმ პოზიტივში, რაც გაკეთდა სასამართლოში“, - განაცხადა პრემიერმა.

მისი თქმით, იმ პრინციპზე, რომ სასამართლო უნდა იყოს დამოუკიდებელი, შეთანხმება შედგა და „ვერ შევთანხმდით მხოლოდ იმაში, რომ რამდენად ბევრია კითხვები დღევანდელი სასამართლოსადმი  - შეიძლება მე მგონია რომ უფრო მეტია კითხვები, ვიდრე ბატონ კოტეს და ასე შემდგომ“.

„მე ჩემი მხრივ, მას გარანტია მივეცი და დღესაც შემიძლია გავიმეორო, რომ არ არსებობს ჩემი მხრიდან, როგორც მთავრობის მეთაურის ან კოალიციის ლიდერის და ჩემი გუნდის წევრების მხრიდან მცდელობები - თუ მე გავიგე აუცილებლად ამაში ჩავერევი - რომ ვინმემ გაბედოს და ჰქონდეს მცდელობაც კი იმისა, რომ სასამართლოს პროცესებში ან სასამართლოზე ზეგავლენა მოახდინოს და ჩაერიოს“, - განაცხადა ბიძინა ივანიშვილმა.

სავარუდოდ, გამოეხმაურა რა მისი კოალიციიდან ცალკეული დეპუტატების ბოლო დროინდელ განცხადებებს კოტე კუბლაშვილის მიმართ იმპიჩმენტის პროცედურის შესაძლო დაწყების თაობაზე, ივანიშვილმა განაცხადა: „სიტყვა იმპიჩმენტი არ წამოგვცდენია [შეხვედრაზე] და ამის მსგავსი საუბარი არ გვქონია“.

კოტე კუბლაშვილი, თავის მხრივ, მიესალმა პრემიერ-მინისტრთან „ძალიან კარგ“ შეხვედრას.

„ბატონი ბიძინას ინიციატივით შედგა და ამასაც მივესალმები“, - განაცხადა უზენაესი სასამართლოს თავმჯდომარემ, „ასევე მთლიანად მინდა გავიმეორო ის, რაც ბატონმა ბიძინამ გითხრათ, რომ ჩვენ ვისაუბრეთ,  რაც აუცილებელია იმისათვის, რომ სასამართლო სისტემა იყოს უფრო მეტად და უფრო ძლიერად იყოს წარმოდგენილი საქართველოში, როგორც დამოუკიდებელი, ობიექტური და მიუკერძოებელი სისტემა“. 

მისი თქმით, შეხვედრის დროს „ძალიან კონკრეტული“ საკითხები არ განხილულა, მაგრამ „ვისაუბრეთ ყველა იმ მიმართულებაზე, რაც ხელს შეუწყობს, სწორედ, კიდევ უფრო გაძლიერებას სასამართლო სისტემის“.

„მე ძალიან დიდი იმედი მაქვს, რომ სწორედ ხელისუფლებისგან,  ასე ვთქვათ, არის გადმოდგმული ნაბიჯი იმისკენ, რომ სასამართლოს მიმართ ისინი იყვნენ სწორედ ისეთი, როგორიც უნდა იყოს ნებისმიერი ხელისუფლება. ობიექტური შემფასებელი  გადაწყვეტილებებისა, ობიექტურად უყურებდნენ სასამართლოს საქმიანობას,  არა მხოლოდ ხელისუფლება, არამედ ოპოზიციაც, უმცირესობაც, უმრავლესობაც და  ყველანი, რომ სასამართლო იყოს და არის, პირველ რიგში, თავისუფალი კორუფციისგან და ასევე იყოს თავისუფალი ნებისმიერი პოლიტიკოსებისგან“, - განაცხადა კუბლაშვილმა.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
50