Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საერთაშორისო რეაქცია საქართველოს საკონსტიტუციო ცვლილებაზე
სივილ ჯორჯია, თბილისი / 26 მარ.'13 / 15:45

აშშ–ის სახელმწიფო დეპარტამენტმა განაცხადა, რომ საქართველოს პარლამენტის მიერ საკონსტიტუციო ცვლილების ერთხმად დამტკიცება, რომელიც „საერთაშორის საკონსტიტუციო ნორმების შესაბამისად“  პრეზიდენტს მთავრობის ცალმხრივად, პარლამენტის თანხმობის გარეშე დანიშვნის უფლებას ართმევს, საქართველოში დემოკრატიის „კონსოლიდაციას უკვალავს გზას“. 

„ამერიკის შეერთებული შტატები ულოცავს საქართველოს ხელმძღვანელობას, საპარლამენტო უმრავლესობასა და უმცირესობას ორპარტიულად მიღებულ მნიშვნელოვან გადაწყვეტილებას. აღნიშნული ნაბიჯი გზას უკვალავს ქართული დემოკრატიის კონსოლიდაციას და საშუალებას აძლევს მთავრობას, კვლავ მიაპყროს ყურადღება ბევრ იმ საკითხს, რომელიც მის წინაშე დგას“, – განაცხადა  სახელმწიფო დეპარტამენტმა 25 მარტს.

„იმედისმომცემია პოლიტიკური კონსენსუსი, რომელიც საფუძვლად დაედო აღნიშნულ შეთანხმებას. მოვუწოდებთ ყველა პოლიტიკურ აქტორს, შეინარჩუნონ კონსტრუქციული, მომავალზე ორიენტირებული ტონი საჯარო დისკუსიებისას, რათა ხელი შეუწყონ უფრო მეტ პროგრესს საქართველოსა და მისი მოქალაქეების სასიკეთოდ“, – ნათქვამია სახელმწიფო დეპარტამენტის განცხადებაში.

მას შემდეგ, რაც საკონსტიტუციო ცვლილება პარლამენტმა გასულ კვირას პირველი მოსმენით ერთხმად მიიღო, ევროკომისარმა გაფართოების და ევროპის სამეზობლო პოლიტიკის საკითხებში შტეფან ფულემ დაწერა თავის Twitter-ზე: „მივესალმები თანდათანობით გადასვლას პრაგმატიზმზე საქართველოში: საკონსტიტუციო ცვლილებების თაობაზე პარლამენტის კენჭისყრა კარგი სიახლეა“.

ევროპის საბჭოს საპარლამენტო ასამბლეის თანამომხსენებლებმა მაიკლ იენსენმა და ბორის სილევიჩმა 26 მარტს განცხადება გაავრცელეს, სადაც მიესალმნენ საკონსტიტუციო ცვლილების დამტკიცებას.

„ამ ცვლილებამ მოხსნა გაუგებრობის და დაძაბულობის მნიშვნელოვანი წყარო. ამიტომ, მივესალმებით ამას და განსაკუთრებით იმ ფაქტს, რომ მისი დამტკიცება ფართო ორპარტიული მხარდაჭერით მოხდა, მმართველ პარტიასა და ოპოზიციას შორის შეთანხმების შემდეგ“, – ნათქვამია განცხადებაში. „ვიმედოვნებთ, რომ თანამშრომლობისა და კომპრომისისთვის ანალოგიური მზადყოფნა პარლამენტის დღის წესრიგის სხვა ისეთი მნიშვნელოვანი თემების განხილევის დროსაც გამოვლინდება, როგორიცაა იუსტიციის უმაღლესი საბჭოს რეფორმა. კომპრომისისა და თანამშრომლობისთვის ასეთ მზადყოფნას შეუძლია კარგი საფუძველი შექმნას ნაყოფიერი კოჰაბიტაციისთვის“.

PACE–ს თანამომხსენებლები საქართველოს 7–12 აპრილს ეწვევიან, რათა ქვეყანაში ბოლოდროინდელი პოლიტიკური მოვლენები და მიმდინარე რეფორმები განიხილონ. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
23