Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ზალკალიანი იძულებით გადაადგილებულ პირებზე რეზოლუციის თაობაზე გაეროს სტუმრობდა
სივილ ჯორჯია, თბილისი / 7 მაი.'13 / 14:16

საქართველოს საგარეო საქმეთა მინისტრის პირველი მოადგილე დავით ზალკალიანი ერთკვირიანი ვიზიტით ნიუ-იორკში გაეროს შტაბბინას სტუმრობდა. მისი ვიზიტის მიზანი იძულებით გადაადგილებულ პირთა შესახებ იმ რეზოლუციისთვის მხარდაჭერის მოპოვება იყო, რომლის ინიცირებასაც თბილისი 2008 წლის შემდეგ ყოველწლიურად ახდენს. 

1–7 მაისს განხორციელებული ვიზიტის დროს ზალკალიანმა „გამართა 50-მდე ორმხრივი შეხვედრა პარტნიორი სახელმწიფოების წარმომადგენლებთან“ გაეროში, განაცხადა საქართველოს საგარეო საქმეთა სამინისტრომ სამშაბათს.

„შეხვედრებზე განსაკუთრებული ყურადღება დაეთმო „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო ლტოლვილთა და იძულებით გადაადგილებულ პირთა სტატუსის შესახებ“ გაერო-ს გენერალური ასამბლეის ყოველწლიურ რეზოლუციას და მისი მხარდაჭერის საკითხს“, – განაცხადა საგარეო უწყებამ.

საგარეო საქმეთა სამინისტროს განცხადება იმის მანიშნებელია, რომ საქართველო მეექვსედაც დააყენებს ამ შესასრულებლად არასავალდებულო რეზოლუციას, რომელიც  კიდევ ერთხელ აღიარებს ყველა დევნილის და ლტოლვილის უფლებას დაბრუნდნენ სეპარატისტულ აფხაზეთსა და სამხრეთ ოსეთში.

საქართველოს მიერ ინიცირებული პირველი რეზოლუცია გაეროს გენერალურმა ასამბლეამ 2008 წელს მიიღო (აფხაზეთთან მიმართებაში) და შემდეგ 2009, 2010, 2011 და 2012 წლებში აფხაზეთთან და სამხრეთ ოსეთთან მიმართებაში.

რუსეთი ყოველთვის კატეგორიულად ეწინააღმდეგებობა ამგვარ რეზოლუციებს, აცხადებდა რა, რომ ეს საქართველოში დევნილთა საკითხის მოგვარების კონტრპროდუქტიული იყო;  მოსკოვი დაჟინებით აცხადებს, რომ დევნილთა საკითხების განხილვის შესაფერის ადგილს 2008 წლის აგვისტოს ომის შემდეგ დაწყებული ჟენევის დისკუსიები წარმოადგენს, და არა გაეროს გენერალური ასამბლეა. მოსკოვი აცხადებს, რომ თუ საქართველოს ამ საკითხის დაყენება გაეროს გენერალურ ასამბლეაზე სურს, სეპარატისტული აფხაზეთის და სამხრეთ ოსეთის წარმომადგენლებსაც უნდა ჰქონდეთ შესაძლებობა გაეროში ამგვარ დისკუსიებში მიიღონ მონაწილეობა, რის წინააღმდეგაც საქართველო ყოველთვის გამოდიოდა.

წლების განმავლობაში საქართველო აცხადებს, რომ გაეროს გენერალურ ასამბლეაში ამ რეზოლუციის ყოველწლიური ინიცირება მიზნად ისახავს ამ საკითხისადმი საერთაშორისო ყურადღების გამახვილებას და რეზოლუციის მიმართ მხარდაჭერის გაფართოებას.

2008 წელს რეზოლუციას 14–მა ქვეყანამ დაუჭირა მხარი 11–ის წინააღმდეგ, 105–მა კი თავი შეიკავა. მომდევნო წელს რეზოლუციას მხარი 48 ქვეყანამ დაუჭირა, 19–მა მის წინააღმდეგ მისცა ხმა, ხოლო 78–მა თავი შეიკავა. 2010 წელს მხარდამჭერთა რაოდენობა  უმნიშვნელოდ გაფართოვდა და 50 ქვეყანა მიემხრო, 17–ის წინააღმდეგ, ხოლო 86–მა თავი შეიკავა. 2011 წელს რეზოლუციას მხარი 57-მა ქვეყანამ დაუჭირა 13–ის წინააღმდეგ, 74–მა კი თავი შეიკავა და 2012 წელს რეზოლუციას მხარი 60–მა ქვეყანამ დაუჭირა 15–ის წინააღმდეგ; 82–მა კი თავი შეიკავა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14