Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
რუსმა სამხედროებმა სამხრეთ ოსეთის ადმინისტრაციულ საზღვართან ღობეების აღმართვა განაახლეს
სივილ ჯორჯია, თბილისი / 18 სექ.'13 / 11:26

საქართველოში ევროკავშირის სადამკვირვებლო მისიამ „ყველა მხარეს თავშეკავებისკენ და ადგილობრივი მოსახლეობის პრობლემებზე კონცენტრირებისკენ“ მოუწოდა მას შემდეგ, რაც ადგილობრივ ქართველ მკვიდრს და სეპარატისტული სამხრეთ ოსეთის ოფიციალურ პირს შორის შელაპარაკება მოხდა იმის გამო, რომ რუსმა სამხედროებმა 17 სექტემბერს სოფელ დიცის მახლობლად ადმინისტრაციულ საზღვართან მავთულხლართებით ღობეების აღმართვა განაახლეს.

სადამკვირვებლო მისიის ხელშეწყობით ადგილზე საქართველოს და სეპარატისტული რეგიონის ოფიციალურ პირებს შორის შეხვედრა გაიმართა.

„როგორც ჩანს, გარკვეული შელაპარაკება მოხდა ადგილობრივ მოსახლესა და რუსეთის ფედერაციის მესაზღვრეებს შორის და დე ფაქტო ცხინვალის ე.წ. სასაზღვრო სამსახურის წარმომადგენლებს შორის. ჩვენ ყველაფერი უნდა გავაკეთოთ, რომ აღნიშნული ინციდენტები ზოგადად სამომავლოდ აღარ მოხდეს. ვისაუბრეთ დღევანდელ შეხვედრაზე ამ დეტალებთან დაკავშირებით“, – განაცხადა საქართველოს შინაგან საქმეთა სამინისტროს ანალიტიკური დეპარტამენტის წარმომადგენელმა კახაბერ ქემოკლიძემ შეხვედრის შემდეგ.

მან ასევე აღნიშნა, რომ რუსი სამხედროები არ აპირებენ შეწყვიტონ ღობეების აღმართვა.

სოფელ დიცის მაცხოვრებლები აცხადებენ, რომ ღობეების აღმართვის შედეგად მათ სასაფლაოზე მისასვლელი გზა ეკეტებათ.

„დღეს, შუადღისას, დიცის მოსახლეობამ სამხრეთ ოსეთის ადმინისტრაციულ საზღვართან  ღობეების აღმართვის პროცესის განახლებასთან დაკავშირებით შეშფოთება გამოთქვა. ევროკავშირის სადამკვირვებლო მისია მთელი დღის განმავლობაში ადგილზე იმყოფებოდა“, – განაცხადა მისიამ.

„2013 წლის მაისიდან დიცის მოსახლეობამ არაერთხელ გამოთქვა წუხილი ღობეების აღმართვის პროცესთან დაკავშირებით, რაც გადაადგილების თავისუფლებასა და საყოფაცხოვრებო საკითხებთანაა დაკავშირებული. მათ შორისაა სასოფლო-სამეურნეო დანიშნულების მიწაზე და წყალზე ხელმიუწვდომლობა“, – განაცხადა მისიამ.

საქართველოს საგარეო საქმეთა სამინისტრომ 17 სექტემბერს განცხადება გამოაქვეყნა, რომელშიც „ღრმა შეშფოთება“ გამოხატა „ცხინვალის რეგიონის საოკუპაციო ხაზის გასწვრივ რუსეთის საოკუპაციო ჯარის უკანონო ქმედებებთან დაკავშირებით“.

„საქართველოს მთავრობა გმობს მსგავს უკანონო ქმედებებს, რაც სავალალოდ აისახება ადგილობრივი მოსახლეობის ჰუმანიტარულ მდგომარეობაზე და მნიშვნელოვნად ზღუდავს მათ საერთაშორისოდ აღიარებულ უფლებებს, მათ შორის, თავისუფალი გადაადგილების, მშობლიურ ენაზე განათლების მიღებისა და სხვა ეკონომიკურ, კულტურულ და სოციალურ უფლებებს“, – განაცხადა საქართველოს საგარეო საქმეთა სამინისტრომ. 

„საქართველოს ოკუპირებულ რეგიონებში და მიმდებარე ზონებში არსებული კრიტიკული მდგომარეობა კიდევ ერთხელ ცხადყოფს უსაფრთხოების საერთაშორისო მექანიზმების შექმნისა და ადამიანის უფლებათა მონიტორინგის აუცილებლობას“, – ნათქვამია სამინისტროს განცხადებაში, „საგარეო საქმეთა სამინისტრო მოუწოდებს საერთაშორისო თანამეგობრობას, სათანადო შეფასება მისცეს საქართველოს ოკუპირებულ ტერიტორიაზე არსებულ მდგომარეობას და მიიღოს შესაბამისი ზომები რუსეთის უკანონო ქმედებების აღსაკვეთად“.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
21