Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილმა ახალაია შეიწყალა
სივილ ჯორჯია, თბილისი / 4 ნოე.'13 / 12:40

პრეზიდენტმა სააკაშვილმა მისი უფლებამოსილების ვადის მიწურულს სასჯელაღსრულების სისტემის ყოფილი ხელმძღვანელი ბაჩო ახალაია შეიწყალა პატიმართა მიმართ არაჰუმანური მოპყრობის საქმეზე, რამაც 2006 წლის მარტში ციხის ბუნტი გამოიწვია, რასაც შვიდი პატიმრის სიცოცხლე შეეწირა.

პრეზიდენტის შეწყალების მიუხედავად, ახალაია, რომელსაც 28 ოქტომბერს სამი წლით და ცხრა თვით პატიმრობა შეეფარდა ციხის ბუნტის საქმეზე, ვერ დატოვებს ციხეს, ვინაიდან მას წინასწარი პატიმრობა აქვს შეფარდებული გირგვლიანის საქმეზე, სადაც მას ბრალად ედება სამსახურეობრივი უფლებამოსილების ბოროტად გამოყენება 2006 წელს, როდესაც ის სასჯელაღსრულების დეპარტამენტს ხელმძღვანელობდა. სასამართლოს ამ საქმის არსებითი განხილვა ჯერ არ დაუწყია.

პრეზიდენტმა სააკაშვილმა კვირას გამოქვეყნებულ წერილობით განცხადებაში აღნიშნა, რომ ახალაიას განაჩენი ციხის ბუნტთან დაკავშირებულ საქმეზე „არა უბრალოდ გაუმართლებელია იურიდიული თვალსაზრისით, არამედ, გადაჭარბების გარეშე შეიძლება ითქვას, უბრალოდ სამარცხვინოა“. 

მისი თქმით, 2006 წელს მისი მთავრობა კანონიერ ქურდებს ებრძოდა სასჯელაღსრულების სისტემაზე მათი კონტროლის აღმოფხვრის მიზნით და ახალაია, რომელიც იმ დროს სასჯელაღსრულების დეპარტამენტს ხელმძღვანელობდა, ამ ბრძოლის ავანგარდში იდგა.

„სამარცხვინოს გარდა არაფერი შეიძლება უწოდო ფაქტს, როდესაც ქურდები და პროკურატურა ერთად ასამართლებენ ქურდებთან მებრძოლებს“, – განაცხადა სააკაშვილმა. მისი თქმით, ახალაიას წინააღმდეგ საქმე ეფუძნებოდა „კანონიერი ქურდების ჩვენებებს“.

ახალაიას, რომელიც 2012 წლის 7 ნოემბერს დააკავეს, სამ დამოუკიდებელ საქმეზე ჰქონდა წაყენებული ბრალი. მათგან ორში ის გაამართლეს, ხოლო ციხის ბუნტთან დაკავშირებით მას პატიმრობა შეეფარდა.

„მე შორს ვარ იმ აზრისგან, რომ ბაჩოს არ დაუშვია სერიოზული შეცდომები. არც იმის გამორიცხვა შეიძლება არასდროს, რომ შეიძლება კანონიც დაერღვია და ამის შესახებ არაფერი გვცოდნოდა, მაგრამ ამდენი ძიების შემდეგ, ყველა ბრალდება, რომელიც პროკურატურამ სასამართლოს წარუდგინა, უსაფუძვლო აღმოჩნდა, ხოლო „ბუნტის“ საქმე უბრალოდ სამარცხვინო, საშიში და ანტისახელმწიფოებრივია“, – განაცხადა სააკაშვილმა.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
9