Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მერაბიშვილი მთავარ პროკურორს მუქარაში ადანაშაულებს
სივილ ჯორჯია, თბილისი / 17 დეკ.'13 / 15:48

ყოფილმა შინაგან საქმეთა მინისტრმა და ყოფილმა პრემიერმა ვანო მერაბიშვილმა, რომელიც წინასწარი პატიმრობაში იმყოფება, განაცხადა ქუთაისში სამშაბათს გამართულ სასამართლო მოსმენაზე, რომ მთავარმა პროკურორმა ოთარ ფარცხალაძემ  მას პრემიერ–მინისტრის ზურაბ ჟვანიას გარდაცვალების საქმესთან დაკავშირებით დახმარება სთხოვა, წინააღმდეგ შემთხვევაში კი ციხეში მისი მდგომარეობის გაუარესებით და მისი მეგობრების და ნათესავების დაპატიმრებით დაემუქრა.

„პარასკევს გვიან ღამით, ანუ უკვე შაბათს დილას, ღამის ორის ნახევარზე მე გამომიყვანეს ციხიდან, ჩამსვეს მანქანაში, თავზე გადამახურეს ჩემივე მოსაცმელი და წამიყვანეს, ჩემი ვარაუდით, სასჯელაღსრულების დეპარტამენტში. იქ კაბინეტში დამხვდა ორი ადამიანი.. მთავარი, ვინც იქ დამხვდა იყო ეს ადამიანი [მან მთავარი პროკურორის ოთარ ფარცხალაძის ფოტო აჩვენა], ალბათ ყველას გეცნობათ ეს ადამიანი - ეს არის საქართველოს მთავარი პროკურორი“, - განაცხადა მერაბიშვილმა და დასძინა, რომ მეორე ადამიანი იმ შეხვედრაზე, მისი დაუდასტურებელი ვარაუდით, იყო სასჯელაღსრულების დეპარტამენტის ახალი უფროსი დიმიტრი დარბაისელი, რომელმაც მისი თქმით, ცოტა ხანში დატოვა ოთახი და არ დასწრებია მთავარ პროკურორთან მის საუბარს.

„მთავარმა პროკურორმა მე წამომიყენა ულტიმატუმი და განაცხადა, რომ, თუ მე არ დავეხმარები პროკურატურას ჟვანიას საქმის გახსნაში და თუ არ მივაწოდებ პროკურატურას მიხეილ სააკაშვილის საბანკო ანგარიშების ნომრებს, მაშინ ძალიან ცუდ დღეში ჩამაგდებენ.  მე ამასთან დაკავშირებით გამოვხატე ჩემი აზრი, შეიძლება სააკაშვილთან ბევრს პრეტენზია აქვს, მაგრამ სააკაშვილის კორუფციაში დადანაშაულება სრული უაზრობაა“, - განაცხადა მერაბიშვილმა.

„მეორე საკითხთან [ჟვანიას საქმესთან] დაკავშირებით მე გამოვხატე გაკვირვება. ეს მთავრობა ამდენი ხანია ხელისუფლებაშია, გაეცნო ყველა მასალას და კიდევ ვერ დარწმუნდნენ, რომ წინა ხელისუფლების ჩატარებული გამოძიება არის უნაკლო და შეუძლებელია აქ სხვა რამე აზრის ჩამოყალიბება“, - განაცხადა მერაბიშვილმა გულისხმობდა რა გამოძიების იმ ოფიციალური ვერსიას, რომელიც 2005 წლის თებერვალში ჟვანიას გარდაცვალებიდან რამდენიმე საათში მან და მაშინდელმა გენპროკურორმა ზურაბ ადეიშვილმა გააჟღერეს, რომ პრემიერ-მინისტრი არასწორად დამონტაჟებული გაზის გამათბობლიდან ნახშირჟანგის გაჟონვის შედეგად მოწამვლით გარდაიცვალა.

„პროკურორმა მითხრა, რომ თუ მე არაფერს ვიტყოდი, დამიხატა შემდეგი სურათი, რომ ჩემი პირობები ციხეში მკვეთრად გაუარესდება, რაზეც მე ირონიულად მივუგე, რომ ‘ამაზე უარესი რა უნდა იყოს’ და ძალიან კარგად ამიღწერა, თუ როგორ ტირის დედაჩემი ყოველდღე, როგორ უჭირს ჩემ ოჯახს... მითხრა, რომ სანამ მისი მთავრობა, სანამ  ღარიბაშვილის მთავრობა იქნება ხელისუფლებაში და ღარიბაშვილი აპირებს დიდი ხანი იყოს ხელისუფლებაში, მე ციხიდან ვერ გავალ. ამავე დროს ის ‘შემპირდა’, რომ გვერდით მომისვამდა ჩემს პარტიულ მეგობრებს, ნათესავებს, ხოლო სხვებს შეექმნებათ პრობლემები, ხელს შეუშლიან მათ ბიზნესს და სხვა შეუქმნიან წვრილმან პრობლემებს“, - განაცხადა მერაბიშვილმა.

„ამას გარდა, მან განმიმარტა რომ ისინი მაინც შეძლებენ ჟვანიას საქმეში ბრალდების დადასტურებას, რაშიც მათ ამერიკელები ეხმარებიან“, - განაგრძო მან  და დასძინა, რომ მთავარი პროკურორის ამ ნათქვამმა მას ირონიული ღიმილი მოჰგვარა. 

„ამავე დროს, მათ ასე ვთქვათ, მომცეს დრო ორშაბათამდე და მითხრეს, რომ მე ორშაბათამდე უნდა მივიღო გადაწყვეტილება. იმ შემთხვევაში, თუ დავეხმარები, მისი თქმით, მე მომეცემა შესაძლებლობა, ის ფული, რაც ხელისუფლებაში ყოფნის დროს ‘მოვიპარე’, საზღვარგარეთ გავიტანო“, - განაცხადა მერაბიშვილმა.

მისი თქმით, სირთულეს არ წარმოადგენს იმ ფაქტის გამოძიება და დადგენა, რომ ციხის კამერიდან მისი გაყვანა მართლაც მოხდა. მისი ინფორმაციით, ის ციხეში უკან დაახლოებით 2:30 საათზე დააბრუნეს. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
75