Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მარგველაშვილი მოწმეთა დაკითხვის ახალი წესის გადავადების შესახებ
სივილ ჯორჯია, თბილისი / 31 იან.'14 / 16:05

პრეზიდენტმა გიორგი მარგველაშვილმა დაადასტურა, რომ მას და კოალიცია ქართული ოცნების ზოგიერთ წევრს შორის უთანხმოება არსებობს მთავრობის საკანონმდებლო ინიციატივაზე, რომლითაც კიდევ ერთხელ გადავადდა მოწმეთა დაკითხვის ახალი წესის შემოღება.

ამჟამად, გამოძიების ეტაპზე ბრალდების მიერ მოწმეთა სავალდებულო დაკითხვის წესი მოქმედებს; ახალი წესი კი ითვალისწინებს გამოძიების პროცესში მოწმეთა მხოლოდ მოსამართლის წინაშე დაკითხვას როგორც ბრალდების, ისე დაცვის მხარეთა თანდასწრებით.

პარლამენტმა დეკემბრის ბოლოს მიიღო გადაწყვეტილება მოწმის დაკითხვის ახალი წესის ამოქმედების ვადის ორი წლით, 2015 წლის 31 დეკემბრამდე  გადავადების თაობაზე იმ ფონზე, როცა ამ გადაწყვეტილების მიღებას კატეგორიულად ეწინააღმდეგებოდნენ უფლებადამცველი ორგანიზაციები.

„მე მქონდა განსხვავებული შეხედულება. მე განვიხილავდი კიდევაც უფრო აქტიურ ჩარევას ამ პროცესში“, – განაცხადა მარგველაშვილმა საქართველოს საზოგადოებრივ მაუწყებელთან ინტერვიუში 29 იანვარს.

მან არ დააკონკრეტა და არც ჰკითხეს, თუ რას ნიშნავდა „აქტიური ჩარევა“, თუმცა გავრცელდა ხმები, რომ პრეზიდენტი ამ კანონპროექტზე ვეტოს დადების საკითხსაც განიხილავდა, რამაც მას და მთავრობას შორის უთანხმოება გამოიწვია.

მარგველაშვილმა განაცხადა, რომ თავად გადავადება პრობლემას არ წარმოადგენს, ვინაიდან მაღალი სტანდარტების დანერგვას შესაბამისი ტექნიკური მზაობა სჭირდება; თუმცა, მან იქვე დასძინა, რომ უნდა არსებობდეს მკაფიოდ გაწერილი სამოქმედო გეგმა, თუ როგორ ემზადება ხელისუფლება ახალ სისტემაზე გადასასვლელად.

„გადავადება გონივრული ვადით მისაღებია, ოღონდ გადავადების კონტექსტში ჩვენ უნდა გვქონდეს ნათელი ხედვა, რა ხორციელდება ამ პერიოდის განმავლობაში. შემდეგ იყო პარლამენტის თავმჯდომარის რეპლიკა, რომ ასეთი ხედვა მალე იქნება წარმოდგენილი და ჩვენ ინტერესით ველით, რომ დავინახოთ, რა იქნება ეს ხედვა“, – განაცხადა მან.

პრეზიდენტის თქმით, ეს საკითხი 23 იანვარს რამდენიმე არასამთავრობო ორგანიზაციის წარმომადგენლებთან შეხვედრაზეც იქნა განხილული.

პრეზიდენტი მარგველაშვილი, რომლის უფლებამოსილებებიც ახალი კონსტიტუციით მნიშვნელოვნად შემცირდა პრემიერ–მინისტრის უფლებების გაზრდის ხარჯზე, თავისი პირველი ყოველწლიური ანგარიშით პარლამენტის წინაშე თებერვლის დასაწყისში წარდგება. პარლამენტის თავმჯდომარემ დავით უსუფაშვილმა განაცხადა, რომ პრეზიდენტის გამოსვლა, სავარაუდოდ, მომდევნო კვირას გაიმართება, თუმცა ზუსტი თარიღი ჯერ-ჯერობით უცნობია.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2023, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
16