Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პარლამენტს ქალთა კვოტირების სისტემის შემოღების თაობაზე კანონპროექტი წარედგინა
Civil Georgia, Tbilisi / 11 ივნ.'15 / 12:36

სამოქალაქო ორგანიზაციების ჯგუფმა პარლამენტში კანონპროექტი წარადგინა, რომელიც ქალთა სავალდებულო კვოტირების სისტემის შემოღებას ითვალისწინებს საკანონმდებლო ორგანოში ქალთა წარმომადგენლობის რაოდენობის გასაზრდელად.

კანონპროექტი მიზნად ისახავს მომდევნო პარლამენტში ქალი დეპუტატების რაოდენობის სულ ცოტა 25%–ით გაზრდას.

ამჟამად, პარლამენტში 17 ქალი დეპუტატია, რაც 150–წევრიანი საკანონმდებლო ორგანოს დაახლოებით 11.3%–ია.

კანონპროექტი მოამზადა სამუშაო ჯგუფმა „ქალთა პოლიტიკური მონაწილეობა საქართველოში“ – კოალიციამ, რომელიც ადგილობრივ და საერთაშორისო ორგანიზაციებს აერთიანებს და გენდერული თანასწორობის და ქალთა პოლიტიკური მონაწილეობის საკითხებს ლობირებს.

ინიციატივა  სქესთა 50%–იანი ბალანსის დაცვისკენ მოუწოდებს, რომლის დროსაც ყოველი მეორე კანდიდატი სიაში ქალია.

150–წევრიან საკანონმდებლო ორგანოში 73 მაჟორიტარი ერთმანდატიან ოლქში აირჩევა, ხოლო დანარჩენი 77 ადგილი პროპორციული წესით ნაწილდება.  

ინიციატივა ასევე სთავაზობს, რომ სქესთა 50%–იანი ბალანსი ადგილობრივი არჩევნების დროსაც იყოს დაცული.  სამუშაო ჯგუფი „ქალთა პოლიტიკური მონაწილეობა საქართველოში“ აცხადებს, რომ მთელი საქართველოს მასშტაბით საკრებულოებში არჩეული დეპუტატების მხოლოდ 11.6% არის ქალი.

პარლამენტში თავის ყოველწლიურ გამოსვლაში მარტში პრეზიდენტმა გიორგი მარგველაშვილმა გაიმეორა თავისი მხარდაჭერა კვოტირების სისტემის დანერგვის მიმართ ქალთა წარმომადგენლობის გასაზრდელად.

თბილისში მარტში ქალთა პოლიტიკურ მონაწილეობასთან დაკავშირებით გამართულ კონფერენციაზე საუბრისას პარლამენტის თავმჯდომარემ დავით უსუფაშვილმა განაცხადა, რომ მართალია, ზოგადად, ის რაიმე სავალდებულო კვოტირების შემოღების წინააღმდეგია, მაგრამ „მინდა მოგახსენოთ, რომ მე ვარ თანასწორობის მომხრე და თუ ვხედავ, რომ თანასწორობა ვერ მიიღწევა კვოტების გარეშე, მე მაშინ ვხდები კვოტების მომხრე“.

თუმცა, უსუფაშვილმა ასევე ივარაუდა, რომ პარლამენტში ამ ინიციატივის მხარდამჭერთა საკმარისი რაოდენობის მოპოვება ადვილი არ იქნება და დასძინა, რომ მის რესპუბლიკურ პარტიაშიც კი არ არსებობს ერთიანი პოზიცია კვოტირების სისტემის შემოღებასთან დაკავშირებით.

ამჟამად საქართველოს კანონმდებლობა ფინანსურ წახალისებას ითვალისწინებს იმ პარტიებისთვის, რომლებიც მეტ ქალს შეიყვანენ თავიანთ პარტიულ სიებში. თუმცა, სამუშაო ჯგუფმა „ქალთა პოლიტიკური მონაწილეობა საქართველოში“ განაცხადა, რომ ეს წახალისება სრულიად არასაკმარისია გენდერული ბალანსის გასაუმჯობესებლად.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
54