Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ევროპაში აშშ–ის არმიის სარდალი: ვაშინგტონი საქართველოსთან ერთობლივ წვრთნებში მონაწილეობას გაზრდის
Civil Georgia, Tbilisi / 8 სექ.'15 / 15:17

ამერიკის შეერთებული შტატები ეძებს შესაძლებლობებს, რათა გაზარდოს საკუთარი მონაწილეობა ქართულ შეიარაღებულ ძალებთან ერთობლივ სამხედრო წვრთნებში, განაცხადა ევროპაში აშშ–ის არმიის სარდალმა, გენერალ–ლეიტენანტმა ბენ ჰოჯესმა.   

მან ეს განცხადება 7 სექტემბერს თბილისის საერთაშორისო კონფერენციაზე „ევროპის ახალი გეოპოლიტიკური ლანდშაფტი“ საუბრისას გააკეთა; ორდღიანი კონფერენცია  საქართველოში მაკკეინის ინსტიტუტის საერთაშორისო ლიდერობისათვის და საქართველოს ეკონომიკური პოლიტიკის კვლევის ცენტრის ორგანიზებით ტარდება.

„საქართველოსთან სამხედრო ურთიერთობა ეფუძნება ნდობას, საერთო სირთულეებს, ერთად სამსახურს ერაყში, ავღანეთში; ამიტომ, არასწორი იქნება, თუ ამას მხოლოდ პარტნიორობას ვუწოდებთ; ეს ბევრად უფრო მეტია, ვიდრე მხოლოდ პარტნიორობა – ეს არის ნდობა, რომელიც ბრძოლაში ერთად ყოფნას მოსდევს“, – განაცხადა გენერალ–ლეიტენანტმა ბენ ჰოჯესმა.   

აშშ–საქართველოს ერთობლივი სამხედრო სწავლებების „ღირსეული პარტნიორის“ შესახებ საუბრისას, რომელიც ვაზიანის სამხედრო ბაზაზე მაისში გაიმართა, მან განაცხადა, რომ ამერიკელი სამხედროების ამგვარ სწავლებებში მონაწილეობის „რაოდენობა“ და „სიხშირე“ იზრდება.

მან ასევე განაცხადა, რომ ამგვარი სწავლებების მიზანია აჩვენოს აშშ–ის „ერთგულება“ საქართველოს მიმართ და მეორე მხრივ, შემოწმდეს „რამდენად სწრაფად“ შეუძლიათ ამერიკელ სამხედროებს განთავსდენ ევროპის სხვადასხვა ნაწილში.

მაისში გამართულ სამხედრო სწავლებებში „ღირსეული პარტნიორი“ დაახლოებით 200 ამერიკელმა სამხედრომ, მათ შორის 173–ე სადესანტო ბრიგადის მედესანტეების მსროლელთა ასეულმა და მე–3 ქვეითთა დანაყოფის პირველი ბრიგადის მექანიზებულ ქვეითთა ასეულმა მიიღო მონაწილეობა. 14 ქვეითთა საბრძოლო მანქანა „ბრედლი“ და სწავლებისთვის საჭირო სხვა სამხედრო ტექნიკა ბულგარეთის პორტ ვარნადან სატვირთო ბორნის საშუალებით საქართველოში ჩამოვიდა წვრთნებში მონაწილეობისთვის.

„უკვე მოუთმენლად ველი მომავალი წლის მაისში დაგეგმილ წვრთნებს - „ღირსეულ პარტნიორს“. ჩვენ გავზრდით ჩვენს მონაწილეობას; ჩვენ ვეძებთ საშუალებას, რომ მეტი ჯარისკაცი ჩავრთოთ ამ წვრთნებში საქართველოსთან ერთად და ამასთან ამერიკელმა ჯარისკაცებმა [წვრთნების დროს] ქართული სარდლობის ქვეშ იმოქმედონ - რა თქმა უნდა, ეს ნდობის დემონსტრირებაა“, – განაცხადა  ევროპაში აშშ–ის არმიის სარდალმა.

თბილისში გენერალ–ლეიტენანტი ბენ ჰოჯესი საქართველოს თავდაცვის მინისტრს, თინა ხიდაშელს და საქართველოს შეიარაღებული ძალების გაერთიანებული შტაბის უფროსს, გენერალ–მაიორ ვახტანგ კაპანაძეს შეხვდა. საქართველოს თავდაცვის სამინისტროს ინფორმაციით, მხარეებმა აშშ–საქართველოს სამხედრო თანამშრომლობის გაძლიერებასთან და ერთობლივ წვრთნებში აშშ–ის მონაწილეობის ზრდასთან დაკავშირებულ საკითხებზე იმსჯელეს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14