Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მარგველაშვილი: სააკაშვილმა ‘შეურაცხყოფა მიაყენა’ საქართველოს და პრეზიდენტის ინსტიტუტს
Civil Georgia, Tbilisi / 5 დეკ.'15 / 13:33

პრეზიდენტმა გიორგი მარგველაშვილმა განაცხადა, რომ მისმა წინამორბედმა, მიხეილ სააკაშვილმა „შეურაცხყოფა მიაყენა“ საქართველოს პრეზიდენტის ინსტიტუტს და ქვეყანას, როდესაც უკრაინის მოქალაქეობის მიღებით საქართველოს მოქალაქეობის შეწყვეტა არჩია.

პრეზიდენტმა გიორგი მარგველაშვილმა 4 დეკემბერს ხელი მოაწერა ბრძანებულებას, რომლის თანახმადაც მიხეილ სააკაშვილს, რომელმაც 2015 წლის მაისში უკრაინის მოქალაქეობა მიიღო, როდესაც პრეზიდენტმა პეტრო პოროშენკომ ის ოდესის გუბერნატორად დანიშნა, საქართველოს მოქალაქეობა შეუწყდა.

საქართველოს კანონმდებლობით, საქართველოს მოქალაქეს უწყდება საქართველოს მოქალაქეობას სხვა ქვეყნის მოქალაქეობის მოპოვების შემდეგ.

როდესაც მას ამ გადაწყვეტილების შესახებ ჰკითხეს, პრეზიდენტმა მარგველაშვილმა უპასუხა ჟურნალისტებს 4 დეკემბერს ეროვნული უშიშროების საბჭოს სხდომის შემდეგ, რომ მისი ბრძანებულება, რომლითაც სააკაშვილს მოქალაქეობა შეუწყდა, ფორმალობა და „სამართლებრივად ერთადერთი პროცედურაა“, რომელიც იმგვარ სიტუაციებში გამოიყენება, როდესაც პირი უცხო ქვეყნის მოქალაქეობას იღებს.

„დღეს მიხეილ სააკაშვილს ჩამოერთვა საქართველოს მოქალაქეობა. სამართლებრივად ეს არის ის ერთადერთი პროცედურა, რომელსაც მოქმედი კანონმდებლობა იცნობს“, – განაცხადა მარგველაშვილმა.

„ხოლო პოლიტიკურად, მინდა გითხრათ, რომ ის, რომ სააკაშვილმა უარი თქვა საქართველოს მოქალაქეობაზე, ჩემგან მხოლოდ მძიმე შეფასებას იმსახურებს იმიტომ, რომ ამით რეალურად საქართველოს ყოფილმა პრეზიდენტმა შეურაცხყოფა მიაყენა როგორც პრეზიდენტის ინსტიტუტს, ასევე ჩვენს ქვეყანას“, – დასძინა საქართველოს პრეზიდენტმა.

რადიო „თავისუფლების“ უკრაინულ ბიუროსთან ინტერვიუში სააკაშვილმა განაცხადა, რომ პრეზიდენტის ბრძანებულება არ არის „მხოლოდ  სამართლებრივი აქტი; ეს შეშინებული და წარუმატებელი ხელისუფლების პოლიტიკური აქტია, რომელიც არ ემსახურება ეროვნულ ინტერესებს“.

„ის ფაქტი, რომ ეს პოლიტიკური გადაწყვეტილებაა, შესაძლოა რამდენიმე მიზეზით აიხსნას. პირველი, უკრაინაში მოქმედებს ორწლიანი გარდამავალი პერიოდი, რომელსაც უკრაინული კანონმდებლობა ითვალისწინებს სხვა ქვეყნის მოქალაქეობაზე უარის თქმის შემთხვევაში. აქ ბევრი ჩვენი მოქალაქეა, რომლებიც სხვადასხვა თანამდებობებზე მუშაობენ და ჩემზე ადრე მიიღეს უკრაინის მოქალაქეობა. თუმცა მათთან მიმართებაში ასეთი გადაწყვეტილება არ ყოფილა მიღებული“.

მან ასევე განაცხადა, რომ საქართველოს ხელისუფლებას „ძალიან ეშინია ჩემი“ და ცდილობენ არ დაუშვან მისი მონაწილეობა მომავალი წლის საპარლამენტო არჩევნებში. „თუმცა, მე არასდროს მითქვამს, რომ ამ არჩევნებში მონაწილეობა მინდა“, – დასძინა სააკაშვილმა.

სააკაშვილი, რომელიც სხვადასხვა ბრალდებებით იძებნება საქართველოში, რომელთაც ის უარყოფს და პოლიტიკურად მოტივირებულს უწოდებს, ერთიანი ნაციონალური მოძრაობის თავმჯდომარეა. პოლიტიკური გაერთიანებების შესახებ საქართველოს კანონის თანახმად, „პარტიის შექმნისა და მის საქმიანობაში მონაწილეობის უფლება საქართველოს ყოველი მოქალაქის კონსტიტუციური უფლებაა“.

მართალია საქართველოს კონსტიტუცია კრძალავს ორმაგ მოქალაქეობას, მაგრამ ის უფლებას აძლევს პრეზიდენტს, რომ საქართველოს მოქალაქეობა მიანიჭოს უცხო ქვეყნის მოქალაქეს, რომელსაც საქართველოს წინაშე განსაკუთრებული დამსახურება აქვს ან მისთვის საქართველოს მოქალაქეობის მინიჭება გამომდინარეობს „სახელმწიფო ინტერესებიდან“. უცხო ქვეყნის მოქალაქემ მოქალაქეობისთვის საქართველოს პრეზიდენტს უნდა მიმართოს.
           
ცალკე გაკეთებულ განცხადებაში, რომლის ქართულენოვანი ვიდეოც მის Facebook-ის გვერდზე გამოქვეყნდა, სააკაშვილმა განაცხადა, რომ პრეზიდენტი მარგველაშვილი „მხოლოდ ამ იურიდიული აქტით შერჩება საქართველოს ისტორიას, თუ ის საერთოდ შერჩება“.
 
„მათ შეუძლიათ აიღონ ჩემი პასპორტი, მაგრამ ვერავინ ვერ ჩამომართმევს ჩემს ქართველობას, ვერავინ ვერ დამაკარგვინებს საქართველოს უკიდეგანო სიყვარულს. ჩვენ აუცილებლად დავბრუნდებით და აუცილებლად ყველანი ერთად გავიმარჯვებთ“, – განაცხადა მან.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
10