Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
თბილისი მიესალმება ევროკავშირის მიერ ბელარუსისთვის დაწესებული სანქციების უმეტესობის გაუქმებას
Civil Georgia, Tbilisi / 16 თებ.'16 / 17:34

საქართველოს საგარეო საქმეთა სამინისტრო მიესალმება ევროკავშირის გადაწყვეტილებას ბელარუსის მიმართ დაწესებული სანქციების დიდი ნაწილის გაუქმების შესახებ.

15 თებერვალს ევროკავშირის საგარეო საქმეთა მინისტრების საბჭომ გადაწყვიტა, რომ აღარ განაგრძოს დაახლოებით ხუთი წლის წინ დაწესებული სანქციები 170 პირის, მათ შორის პრეზიდენტ ლუკაშენკოს და ასევე სამი კომპანიის წინააღდეგ მაშინ, როცა შეზღუდვების ნაწილი, მათ შორის იარაღზე დაწესებული ემბარგო კვლავ ძალაში დარჩა. 

„მიგვაჩნია, რომ აღნიშნული გადაწყვეტილება წარმოადგენს კიდევ ერთ წინ გადადგმულ ნაბიჯს პარტნიორებს შორის თანამშრომლობის გაღრმავების თვალსაზრისით, რაც თანხვედრაშია როგორც ბელარუსის, ისე ევროპის ინტერესებთან“, - ნათქვამია საქართველოს საგარეო საქმეთა სამინისტროს განცხადებაში. 

„ქართული მხარე მიესალმება ბელარუსსა და ევროკავშირს შორის ურთიერთობების გააქტიურებას, რაც ხელს შეუწყობს რეგიონის ეკონომიკურ განვითარებასა და „აღმოსავლეთ პარტნიორობის“ საერთო მიზნების მიღწევას“, - აცხადებს საგარეო უწყება.

ამასთან, საქართველოს საგარეო საქმეთა მინისტრი მიხეილ ჯანელიძე მიუნხენში უსაფრთხოების კონფერენციის ფარგლებში გამართული ორმხრივი შეხვედრებისას 12 თებერვალს თავის ბელარუს კოლეგას ვლადიმირ მაკეის შეხვდა.

საქართველოს საგარეო უწყების ცნობით, მხარეებმა „ორმხრივი ურთიერთობების პროგრესი და თანამშრომლობის შემდგომი გაღრმავების პერსპექტიული მიმართულებები“ განიხილეს და ასევე, „მრავალმხრივ ფორმატებში თანამშრომლობის მნიშვნელობაზე“ გაამახვილეს ყურადღება.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
51