Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
კვირიკაშვილი ევროპარლამენტის პრეზიდენტს შეხვდა
Civil Georgia, Tbilisi / 30 ნოე.'16 / 18:03

ევროპარლამენტის პრეზიდენტმა მარტინ შულცმა ბრიუსელში ვიზიტით მყოფ საქართველოს პრემიერ-მინისტრთან გიორგი კვირიკაშვილთან 30 ნოემბერს გამართული შეხვედრის შემდეგ განაცხადა, რომ მათ „ძალიან აქტიურად“ განიხილეს საქართველოს ვიზალიბერალიზაციის საკითხი. 

„ჩვენ დეტალებში ჩავედით მინისტრების საბჭოსა და ევროპარლამენტს შორის მიმდინარე მოლაპარაკებებთან დაკავშირებით. მე განვუცხადე პრემიერ-მინისტრს, რომ კვლავაც ოპტიმისტურად ვარ განწყობილი, რომ უახლოეს დღეებში ე.წ. შეჩერების მექანიზმზე მიღწეული იქნება კომპრომისული გადაწყვეტილება საბჭოსა და ევროპარლამენტს შორის“, - აღნიშნა მან შეხვედრის შემდეგ მედიისთვის გაკეთებულ ერთობლივ განცხადებებში.

თბილისი შენგენის ზონაში მოკლევადიან უვიზო რეჟიმს დიდი ხანია ელის, თუმცა გარკვეული პროგრესის მიუხედავად, საკითხის გადასაწყვეტად პროცედურები, რაც ასევე მოიცავს ევროპარლამენტში კენჭისყრას, ამ დრომდე არ არის დასრულებული. მას შემდეგ, რაც საქართველოსთვის უვიზო რეჟიმის შემოღებას 5 სექტემბერს ევროპარლამენტის სამოქალაქო თავისუფლებათა, მართლმსაჯულების და საშინაო საქმეთა კომიტეტმა დაუჭირა მხარი, 5 ოქტომბერს ასეთივე გადაწყვეტილება ევროკავშირის საბჭოს სახელით, ევროკავშირის წევრი ქვეყნების მუდმივ წარმომადგენელთა კომიტეტმაც მიიღო, თუმცა იმავე გადაწყვეტილებაში საქართველოს ვიზალიბერალიზაციის პროცესი მკაფიოდ დაუკავშირა  უვიზო მიმოსვლის ახალი, გამარტივებული  და უფრო სწრაფი შეჩერების მექანიზმის შემოღების პროცესს, რომლის თაობაზეც დისკუსიები ევროპარლამენტსა და საბჭოს შორის კვლავაც მიმდინარეობს. 

„ჩვენ ველით, რომ ბრიუსელში შიდა პროცედურები უახლოეს მომავალში დასრულდება და საქართველოს მოსახლეობის მოლოდინები შესრულდება“, - განაცხადა კვირიკაშვილმა და დასძინა, რომ ვიზალიბერალიზაციის თაობაზე მარტინ შულცთან ძალიან გახსნილი საუბარი ჰქონდა.

მან მადლობა გადაუხადა პრეზიდენტ შულცს „საქართველოს ევროპული მომავლის მშენებლობაში მისი პირადი წვლილის“ გამო.

მარტინ შულცმა განაცხადა, რომ მან ევროპარლამენტის სახელით „უპირობო მხარდაჭერა“ გამოხატა საქართველოს ტერიტორიული მთლიანობის მიმართ და შეხვედრაზე ასევე განიხილა რეგიონში არსებული ვითარება, მათ შორის მეზობლებთან საქართველოს ურთიერთობების კონტექსტში.

ევროპარლამენტის პრეზიდენტმა პრემიერ კვირიკაშვილს ოქტომბრის საპარლამენტო არჩევნებში „ძალიან ფართო“ გამარჯვება მიულოცა და აღნიშნა, რომ საქართველოში საარჩევნო პროცესით „ძალიან კმაყოფილი ვართ“.

პრემიერ-მინისტრის ადმინისტრაციის ცნობით,  საუბარი შეეხო საქართველოში დემოკრატიული რეფორმების, მათ შორის "მართლმსაჯულების რეფორმის ეფექტიანად გატარების მნიშვნელობას".

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
29