Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
რუსული არმია სამხრეთ ოსეთის დანაყოფებს შეიერთებს
Civil Georgia, Tbilisi / 17 მარ.'17 / 23:35

რუსეთის პრეზიდენტმა ვლადიმერ პუტინმა მოიწონა შეთანხმება „სამხრეთ ოსეთის რესპუბლიკის შეიარაღებული ძალების ცალკეული დანაყოფების რუსეთის ფედერაციის შეიარაღებული ძალების შემადგენლობაში შესვლის შესახებ“, რომელიც სეპარატისტული რეგიონის სამხედრო დანაყოფების რუსეთის შეიარაღებულ ძალების შემადგენლობაში შესვლას უზრუნველყოფს.

რუსეთის პრეზიდენტის 14 მარტის განკარგულება ავალებს რუსეთის თავდაცვის სამინისტროს, რომ შეთანხმების თაობაზე მოლაპარაკებები გამართოს სეპარატისტული რეგიონის თავდაცვის სამინისტროსთან და ხელი მოაწეროს დოკუმენტს რუსეთის ფედერაციის სახელით. მართალია, ჯერ დოკუმენტი დასრულებული არ არის, თავდაცვის სამინისტროს მხოლოდ ისეთი ცვლილებების შეტანა დაევალა შეთანხმების პროექტში, რომელთაც პრინციპული მნიშვნელობა არ ექნებათ.

შეთანხმების თანახმად, სამხრეთ ოსეთის შეიარაღებული ძალების წარმომადგენლებს საშუალება ექნებათ სამხედრო სამსახური სეპარატისტულ რეგიონში განთავსებულ რუსულ სამხედრო ბაზაზე გაიარონ.

მოსკოვის მიერ აღიარებული იქნება მათი მიერ სამხედრო სავალდებულო სამსახურის გავლა სამხრეთ ოსეთის შეიარაღებულ ძალებში, ასევე მათი სამხედრო წოდებები, რაც იმას ნიშნავს, რომ სამხრეთ ოსური არმიის წარმომადგენლები იგივე წოდებით შეუერთდებიან რუსულ არმიას, რომელიც მათ თავიან შეიარაღებულ ძალებში მიიღეს და შედეგად, შეძლებენ, რომ იგივე პრივილეგიებით და ხელფასებით ისარგებლონ, როგორიც რუს სამხედროებს აქვთ.

რუსულ არმიაში სამხედრო სამსახურის დაწყებისას, სამხედრო მოსამსახურეებს მოუწევთ სამხეთ ოსეთის შეიარაღებული ძალების დატოვება. სამხრეთ ოსეთის შეიარაღებული ძალების რაოდენობა შემცირდება რუსეთის სამხედრო ბაზის დანაყოფების საშტატო რაოდენობამდე; ამასთანავე, მოხდება „ამოცანების და სტრუქტურის“ შეთანხმება რუსეთის ფედერაციასთან.

სამხრეთ ოსეთის რესპუბლიკის შეიარაღებული ძალების ახალ საორგანიზაციო-საშტატო სტრუქტურაზე გადასვლა 6 თვის ვადაში დასრულდება სამხრეთ ოსეთის რესპუბლიკის შეიარაღებული ძალების მთავარსარდლის მიერ სამხრეთ ოსეთის რესპუბლიკის შეიარაღებული ძალების საშტატო-სატაბელო დოკუმენტაციის დამტკიცების შემდეგ. შეთანხმება მას შემდეგ შევა ძალაში, რაც მხარეები შიდასახელმწიფოებრივ პროცედურებს დაასრულებენ.

შეთანხმების პროექტი სამხრეთ ოსეთის რესპუბლიკის შეიარაღებული ძალების ცალკეული დანაყოფების რუსეთის ფედერაციის შეიარაღებული ძალების შემადგენლობაში შესვლის წესების შესახებ მოკავშირეობისა და ინტეგრაციის შესახებ ხელშეკრულების ნაწილია, რომელსაც რუსეთის პრეზიდენტმა ვლადიმერ პუტინმა და სამხრეთ ოსეთის ლიდერმა ლეონიდ თიბილოვმა 2015 წლის 18 მარტს მოაწერეს ხელი 25 წლის ვადით.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2023, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12