Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სეპარატისტულ აფხაზეთში საპარლამენტო არჩევნების მეორე ტური გაიმართა
Civil Georgia, Tbilisi / 27 მარ.'17 / 17:02

სეპარატისტული აფხაზეთის 35-წევრიან პარლამენტში 12 მარტს და 26 მარტს გამართული არჩევნების ორი ტურის შედეგად სულ ცოტა 30 ადგილს საინიციატივო ჯგუფების მიერ დასახელებული დამოუკიდებელი კანდიდატები დაიკავებენ, განაცხადეს ადგილობრივმა მედია საშუალებებმა ორშაბათს.
საპარლამენტო მანდატების ნახევარზე მეტის მოსაპოვებლად 26 მარტს სეპარატისტულ რეგიონში არჩევნების მეორე ტური გაიმართა.
გუდაუთის ერთ-ერთ ოლქში განმეორებითი არჩევნები 14 მაისს გაიმართება.
არჩევნებში მონაწილე 28 მოქმედი დეპუტატიდან მხოლოდ რვამ შეძლო საპარლამენტო მანდატების შენარჩუნება.
არჩეულ დეპუტატებს შორის 31 ეთნიკური აფხაზი და 3 ეთნიკური სომეხია. მხოლოდ ერთმა ქალმა გაიმარჯვა არჩევნებში.
22 ადგილიდან, რომელთა მოსაპოვებლადაც მეორე ტური გაიმართა, მხოლოდ ერთმა პარტიამ შეძლო მანდატების მოპოვება: სახელისუფლებო პარტიას „აფხაზეთის სახალხო ერთობის ფორუმი“ საკანონმდებლო ორგანოში სამი წევრი ეყოლება. 
ოპოზიციური პარტიის „აინარის“ ერთმა კანდიდატმა საპარლამენტო მანდატი პირველივე ტურში მოიგო.
საპარლამენტო არჩევნებში სულ 137 კანდიდატი მონაწილეობდა, მათ შორის 8 ქალი და 28 მოქმედი დეპუტატი. მათგან მხოლოდ 24 იყო პოლიტიკური პარტიების მიერ წარდგენილი; დანარჩენები კი საინიციატივო ჯგუფებმა წარადგინეს.
აფხაზი დეპუტატები მაჟორიტარული სისტემით ხუთწლიანი ვადით ირჩევიან.
სეპარატისტული რეგიონის საარჩევნო ადმინისტრაციის ინფორმაციით, არჩევნებისთვის 131 523 ამომრჩეველი იყო რეგისტრირებული. ეს მაჩვენებელი 2011 წლის საპრეზიდენტო და 2012 წლის საპარლამენტო არჩევნებზე ნაკლებია, ვინაიდან გალის რაიონის მკვიდრი ათასობით ეთნიკური ქართველი ამომრჩეველთა სიიდან ამოიღეს.
სეპარატისტული რეგიონის 1999 წლის კონსტიტუციის თანახმად, აფხაზეთი საპრეზიდენტო რესპუბლიკაა; მისი 35-წევრიანი პარლამენტი უფლებამოსილია კანონმდებლობის ინიცირება განახორციელოს და ის პრეზიდენტს წარუდგინოს დასამტკიცებლად; აღმასრულებელ ხელისუფლებასაც საკუთარი კანონმდებლობის წარდგენა შეუძლია. პარლამენტის მიერ მის დამტკიცებას 18 ხმა ესაჭიროება.   
სეპარატისტული აფხაზეთის არჩევნებს არალეგიტიმურად მიიჩნევს თბილისი და საერთაშორისო თანამეგრობობა, გარდა რუსეთისა დარამდენიმე ქვეყნისა (ნიკარაგუა, ვენესუელა და ნაურუ), რომლებმაც აფხაზეთის დამოუკიდებლობა აღიარეს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
41