Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოპოზიცია ხელისუფლებას დიალოგს სთავაზობს საკონსტიტუციო ცვლილებებზე
Civil Georgia, Tbilisi / 5 ივლ.'17 / 17:52

ოპოზიციური პარტიები, საკონსტიტუციო ცვლილებების „კომპრომისული პროექტის“ მოსამზადებლად, ხელისუფლებას დიალოგის გამართვას სთავაზობენ.

ამ მიზნით, დღეს, 15-მდე კვალიფიციური ოპოზიციური პარტიისგან შემდგარი საკოორდინაციო საბჭოს ინიციატივით, გაიმართა შეხვედრა, რომელსაც საპარლამენტო ოპოზიცია, საქართველოს პრეზიდენტის პოლიტიკური მდივანი, ასევე - დიპლომატიური კორპუსის, არასამთავრობო ორგანიზაციების და სახალხო დამცველის აპარატის წარმომადგენლები დაესწრნენ.

საკონსტიტუციო ცვლილებების პროექტში, რომელიც პარლამენტმა პირველი და მეორე მოსმენით უკვე მიიღო, ოპოზიციური სპექტრის ძირითად უკმაყოფილებას საარჩევნო პროცესთან დაკავშირებული ნორმები იწვევს.

ოპოზიცია აპროტესტებს საპარლამენტო არჩევნების პროპორციულ სისტემაზე გადასვლის ვადის 2024 წლამდე გახანგრძლივებას და  პარტიებისთვის საარჩევნო ბლოკებად გაერთიანების უფლების ჩამორთმევას.

ოპოზიცია ასევე ითხოვს, რომ საარჩევნო ბარიერის 5%-დან 3%-მდე დაწევის გადწყვეტილება არ დარჩეს გარდამავალ დებულებად, რომელიც მხოლოდ 2020 წლის საპარლამენტო არჩევნებზე იმოქმედებს, არამედ - იქცეს კონსტიტუციის მუდმივ ნორმად, რომლითაც შემდგომი საპარლამენტო არჩევნებიც ჩატარდება.

შეხვედრაზე აღინიშნა, რომ საპარლამენტო არჩევნების სისტემის და საარჩევნო ბლოკების რეგისტრაციის საკითხებზე კონსენსუსი მიღწეული არ არის.

„ოპოზიციურმა პარტიებმა დაადასტურეს, რომ მზად არიან ხელისუფლებასთან დიალოგისთვის, რათა მესამე მოსმენისთვის მივიღოთ ცვლილებების კომპრომისული პროექტი. მზად ვართ კონსულტაციების პროცესში განვიხილოთ როგორც კონსტიტუციური რეფორმის საკითხები, აგრეთვე  სხვა ინიციატივები, რომლებიც უკავშირდება საარჩევნო გარემოს“, - ნათქვამია დღევანდელ შეხვედრაზე მიღებულ ერთობლივ მიმართვაში.

„მე იმედი მინდა დავიტოვო და საქართველოს პრეზიდენტის პოზიციაა ასეთი, რომ შევეცადოთ და უპირველეს ყოვლისა ხელისუფლებას მივმართოთ ამ თვალსაზრისით, რომ გადავდგათ ნაბიჯები, რათა თავიდან გავაჩინოთ სივრცე დიალოგისთვის, თანხმობისთვის, კონსენსუსისთვის, რომ ამ პროცესს შევძინოთ ლეგიტიმაცია“, - განაცხადა შეხვედრაზე პრეზიდენტის პოლიტიკურმა მდივანმა, ფიქრია ჩიხრაძემ.

დღესვე ოპოზიციის მიმართვას სტრასბურგში ოფიციალური ვიზიტით მყოფი პარლამენტის თავმჯდომარე, ირაკლი კობახიძე, გამოეხმაურა და განაცხადა, რომ ქართული ოცნება მიესალმება ნებისმიერი ტიპის კონსულტაციებს.

„ჩვენ მივესალმებით ნებისმიერი ტიპის კონსულტაციებს საკონსტიტუციო რეფორმასთან დაკავშირებით და მზად ვართ, ჩავერთოთ ამ კონსულტაციებში. ჩვენთვის ძალიან მნიშვნელოვანია ის, რომ შედგეს საერთო კონსენსუსი დოკუმენტთან დაკავშირებით და ამისთვის ქართული ოცნება ყველაფერს გააკეთებს“, - განაცხადა ირაკლი კობახიძემ.

საკონსტიტუციო ცვლილებების პროექტი პარლამენტმა პირველი და მეორე მოსმენით ივნისის თვეში, რიგგარეშე სხდომაზე უკვე მიიღო. სხდომებს ბოიკოტი გამოუცხადა საპარლამენტო ოპოზიციამ, ნაციონალურმა მოძრაობამ და პატრიოტთა ალიანსმა, ხოლო პირველი მოსმენით განხილვის შემდეგ სხდომათა დარბაზი პროტესტის ნიშნად ევროპულმა საქართველომაც დატოვა.

საკონტიტუციო ცვლილებათა პაკეტის მესამე მოსმენით განხილვა და მიღება პარლამენტის საშემოდგომო სესიაზეა დაგეგმილი.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
35