Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ალექსანდრე ელისაშვილი თბილისის მერობისთვის იბრძოლებს
Civil Georgia, Tbilisi / 12 ივლ.'17 / 16:27

თბილისის საკრებულოს წევრმა, საბურთალოს რაიონის დამოუკიდებელმა მაჟორიტარმა დეპუტატმა, ალექსანდრე ელისაშვილმა, ადგილობრივ არჩევნებში მონაწილეობაზე თანხმობა ოფიციალურად განაცხადა და 11 ივლისს თბილისის მერის პოსტზე საკუთარი კანდიდატურა წარადგინა.

„მე გადავწყვიტე ვიყო მერობის დამოუკიდებელი კანდიდატი. მე გადავწყვიტე ვიყო დამოუკიდებელი, მაგრამ... ცხოვრების ბოლომდე ვიყო დამოკიდებული მხოლოდ ხალხზე", - განაცხადა ალექსანდრე ელისაშვილმა გამოსვლაში, რომელიც დედაქალაქის ერთ-ერთ ძველ უბანში, გუდიაშვილის მოედანზე გაიმართა.

მისი თქმით, გადაწყვეტილება იმ უამრავი პრობლემის გამო მიიღო, რაც დედაქალაქში არსებობს.

„ჩვენ უნდა დავიწყოთ ამ პრობლემებით გატანჯული ქალაქის ნელ-ნელა, ნაბიჯ-ნაბიჯ, დიდი შრომის ფასად ისეთ ქალაქად გადაქცევა, სადაც ცხოვრება სასიამოვნო და კომფორტული იქნება. ჩვენ ვიმსახურებთ უკეთეს ქალაქს, რომელსაც ერთად შევქმნით“- განაცხადა ელისაშვილმა.

თავის გამოსვლაში, ელისაშვილმა ყურადღება გაამახვილა ნაციონალურ მოძრაობის და ქართულ ოცნების წინააღმდეგ ბრძოლის გამოცდილებაზეც.

„მე ხელისუფლებაზე გამარჯვების გამოცდილება მაქვს. ბევრს დაავიწყდა, რომ სამი წლის წინ, საბურთალოზე, მე და ჩემმა ამომრჩევლებმა ერთად დავამარცხეთ ქართული ოცნებაც და ნაციონალური მოძრაობაც. ასე რომ, მე ვიცი როგორ მივაღწიო გამარჯვებას ხალხთან ერთად“, - განაცხადა ალეკო ელისაშვილმა.

ელისაშვილმა ასევე ისაუბრა თავის უშუალო კონკურენტებზე და ქალაქში არსებულ პრობლემებზე პასუხისმგებლობა მათ უკან მდგომ პოლიტიკურ ჯგუფებს დააკისრა. მისი თქმით, თბილისში არსებული პრობლემები ამ პოლიტიკური ჯგუფების „ცხრაწლიანი და ხუთწლიანი მმართველობის შედეგად“ შეიქმნა.

ელისაშვილმა პირობა დადო, რომ პოლიტიკურ დამოუკიდებლობას არჩევნებში გამარჯვების შემდეგაც შეინარჩუნებს და რომ თოთოეული მოქალაქისთვის „ხელმისაწვდომი მერი“ იქნება. „მე არ ვაპირებ ანგარიში ვაბარო სოლოლაკის სასახლეს, ან კიევში დეპეშები ვაგზავნო. მე ვაპირებ, ანგარიში გაბაროთ მხოლოდ თქვენ“, - მიმართა მხარდამჭერებს ელისაშვილმა.

ალექსანდრე ელისაშვილმა დასძინა, რომ ის სრულიად დამოუკიდებელია „დიდი ბიზნესისაგან“, რომელიც, მისი თქმით, არჩევნებში თანადგომის სანაცვლოდ, ხელისუფლებას აიძულებს, დათანხმდეს ქალაქისათვის დამაზიანებელი სამშენებლო თუ სხვა პროექტების განხორციელებას.

ალექსანდრე ელისაშვილი წლების განმავლობაში სხვადასხვა ტელევიზიასა და რადიოში ჟურნალისტად მუშაობდა. 2013 წელს საქართველოს პრეზიდენტის ადმინისტრაციაში მოქმედ შეწყალების კომისიის თავმჯდომარედ დაინიშნა. 2014 წელს კი, თბილისის საკრებულოს დამოუკიდებელი დეპუტატი გახდა საბურთალოს ერთ-ერთი საარჩევნო ოლქიდან.

ელისაშვილი ასევე იყო არასამთავრობო ორგანიზაციის „ტფილისის ჰამქარის“ დამფუძნებელი, რომელიც დედაქალაქის ისტორიული იერსახის, მათ შორის, გუდიაშვილის მოედნის, შენარჩუნებას ისახავს მიზნად.

ამ დროისთვის, ალექსანდრე ელისაშვილი თბილისის მერობის მეოთხე კანდიდატია.

დედაქალაქის მერის პოსტზე მმართველი გუნდიდან, ქართული ოცნებიდან, წარდგენილია ენერგეტიკის ყოფილი მინისტრი, კახა კალაძე, ნაციონალური მოძრაობიდან - ტელეკომპანია „რუსთავი 2“-ის ყოფილი წამყვანი,ზაალ უდუმაშვილი, ხოლო ევროპული საქართველოდან - პარლამენტის წევრი, ელენე ხოშტარია.

ადგილობრივი თვითმმართველობის არჩევნები სავარაუდოდ 2017 წლის ოქტომბრის მესამე კვირის ბოლოს გაიმართება.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
38