Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
აშშ ცხინვალის რეგიონის ბორდერიზაციის გამო შეშფოთებულია
Civil Georgia, Tbilisi / 14 ივლ.'17 / 19:02

აშშ-ის ელჩი საქართველოში, იან კელი 14 ივლისს ახალგორის რაიონის მოსაზღვრე კასპის მუნიციპალიტეტის სოფელ  ყარაფილას ესტუმრა, სადაც რუსეთის მიერ საქართველოს სუვერენიტეტის დარღვევა და მიმდინარე ბორდერიზაციის პროცესი დაგმო.

თავის კომენტარში აშშ-ის ელჩმა ხაზი გაუსვა, რომ ეს ადგილი ახლოს მდებარეობს „საქართველოში ყველაზე მნიშვნელოვან [აღმოსავლეთ-დასავლეთის] მაგისტრალთან“, რომელსაც „უზარმაზარი სტრატეგიული მნიშვნელობა“ აქვს ქვეყნის ფარგლებს მიღმაც.

„მე კვლავ შეშფოთებული ვარ იმის გამო, რომ 21-ე საუკუნეში საქართველოს მეზობლის მხრიდან საქართველოს სუვერენიტეტის ასეთ უხეშ დარღვევას აქვს ადგილი; ამერიკის შეერთებული შტატები არასდროს შეეგუება საქართველოს სუვერენული საზღვრების ამ ცალმხრივ შეცვლას“, - განაცხადა იან კელიმ და დასძინა, რომ ბორდერიზაციის პროცესი „ხელოვნურად და არაჰუმანურად ყოფს ადამიანებს და უზარმაზარ გავლენას ახდენს გლეხებზე და მათი ოჯახის წევრებზე, იმ ხალხებზე, რომლებიც ორად არიან გაყოფილი“.

ელჩმა კელიმ აღნიშნა, რომ ხალხის გაყოფისკენ მიმართული ეს ცალმხრივი ქმედება ვერ გაგრძელდება  და რომ ამერიკის შეერთებული შტატები ამას არასდროს აღიარებს, ისევე როგორც „არასდროს ვაღიარებდით ბალტიისპირეთის სახელმწიფოების შესვლას საბჭოთა კავშირში“.

კელიმ ასევე განაცხადა, რომ მისი სურვილია „მეტი პროგრესი ვიხილოთ ჟენევის მოლაპარაკებებზე“ და დასძინა, რომ „ყველაზე მნიშვნელოვანი, რისი გაკეთებაც შეგვიძლია, ის არის, რომ მტკიცედ დავრჩეთ ჩვენს პოზიციაზე, ხმა ავიმაღლოთ და მხარი დავუჭიროთ საქართველოს და მის რეფორმებს“.     

ბორდერიზაციის თაობაზე შეშფოთება ეუთოში აშშ-ის მისიამაც გამოხატა. 

„ამერიკის შეერთებული შტატები გამოხატავს დიდი ხნის შეშფოთებას, რომ ე.წ. „საზღვრის“ აღმნიშვნელი ნიშნების აღმართვა საქართველოს რეგიონების - სამხრეთ ოსეთის და აფხაზეთის ადმინისტრაციული სასაზღვრო ზოლების გასწვრივ ძირს უთხრის საქართველოს სუვერენიტეტს და ტერიტორიულ მთლიანობას მის საერთაშორისოდ აღიარებულ საზღვრებში, და აფერხებს კონფლიქტის მშვიდობიან მოგვარებას“, - განაცხადა მისიის ხელმძღვანელის მოადგილემ ქეით ბირნსმა 13 ივლისს.

„ამგვარი ნიშნების აღმართვა პირდაპირ და უარყოფით გავლენას ახდენს რეგიონის მოსახლეობის კეთილდღეობაზე, ზიანს აყენებს მათ საცხოვრებელ გარემოს, ზღუდავს მათი გადაადგილების თავისუფლებას, და დიდი რისკის ქვეშ აყენებს მოწყვლად ჯგუფებს, მათ შორის იმ პირებს, ვისაც სამედიცინო მკურნალობა ესაჭიროებათ“, - განაცხადა მან.

აშშ-ის მისია ასევე მოუწოდებს „რუსეთს, როგორც კონფლიქტის მხარეს, შეასრულოს 2008 წლის ცეცხლის შეწყვეტის შეთანხმებით აღებული ვადლებულებები, მათ შორის გაიყვანოს საკუთარი ძალები კონფლიქტამდე არსებულ პოზიციებზე და ჰუმანიტარული დახმარების შეუფერხებელი შესვლა უზრუნველყოს, ასევე გააუქმოს საქართველოს რეგიონების დამოუკიდებელ სახელმწიფოებად აღიარების შესახებ მიღებული ცალმხრივი გადაწყვეტილება“.

გასულ კვირას თბილისი იტყობინებოდა, რომ გორის რაიონის სოფელ ბერშუეთის მიდამოებში „საზღვრის აღმნიშვნელი“ ახალი ბანერი იქნა აღმართული, რასაც ტერიტორიის მახლობლად საქართველოს მოქალაქეების საპროტესტო აქციები მოყვა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
39