Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მოგერინი: ვწუხვართ საკონსტიტუციო ცვლილებებზე „კონსენსუსის ნაკლებობის გამო“
Civil Georgia, Tbilisi / 28 ივლ.'17 / 13:58

საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენლმა, ფედერიკა მოგერინიმ, უპასუხა ქართული არასამთავრობო ორგანიზაციების ერთობლივ მიმართვას და სინანული გამოთქვა საქართველოში მიმდინარე საკონსტიტუციო რეფორმის დასკვნით ეტაპზე „ჩართულობისა და კონსესუსის ნაკლებობის გამო“.

32-მა არასამთავრობო ორგანიზაციამ 27 ივნისს გაავრცელა ერთობლივი მიმართვა, რომელშიც პროპორციული საარჩევნო სისტემის შემოღების 2024 წლამდე გადადების შესახებ მმართველი პარტიის გადაწყვეტილება გააკრიტიკა და საერთაშორისო თანამეგობრობას მოუწოდა „მეტად მკაფიო და ძლიერი გზავნილები“ მიაწოდოს „ხელისუფლებასა და მმართველ პარტიას საქართველოში, იმასთან დაკავშირებით, რომ ძალაუფლების კონსოლიდაციისაკენ მიმართული მსგავსი ტენდენციები და მცდელობები შეუთავსებელია დემოკრატიის დასავლურ სტანდარტებთან“.

„ჩვენ ყურადღებით ვაკვირდებოდით საკონსტიტუციო რეფორმის პროცესის სხვადასხვა ეტაპს. ვითვალისწინებდით ვენეციის კომისიის მოსაზრებებს ახალი კონსტიტუციის პროექტთან დაკავშირებით“, - ნათქვამია „საერთაშორისო გამჭირვალობა - საქართველოსთვის“ 26 ივლისს გაგზავნილ წერილში, რომელსაც ხელს ევროკავშირის უმაღლესი წარმომადგენელი აწერს. 

„ევროკავშირი მიესალმა საპარლამენტო უმრავლესობის გაცხადებულ მზადყოფნას, გაეზიარებინა ვენეციის კომისიის რეკომენდაციები. მიუხედავად ამისა, უმრავლესობის მიერ მიღებული კონსტიტუციის პროექტის საბოლოო ვერსია მნიშვნელოვან სახეცვლილებებს შეიცავს საპარლამენტო არჩევნების პროპორციულ სისტემასთან დაკავშირებით, რაც მთელი რეფორმის საკვანძო საკითხი იყო“, - აღნიშნავს ფედერიკა მოგერინი. 

„ჩვენთვის ცნობილია, რომ [კონსტიტუციის პროექტში] უკანასკნელი ცვლილებები ყველა საპარლამენტო ოპოზიციური პარტიისა და სამოქალაქო საზოგადოების უდიდესი უმრავლესობის მიერ გამოხატული წინააღმდეგობის მიუხედავად განხორციელდა“, - ამბობს ევროკავშირის უმაღლესი წარმომადგენელი და გამოთქვამს სინანულს „რეფორმის გადამწყვეტ ეტაპზე ჩართულობისა და კონსენსუსის ნაკლებობის გამო“.

„სხვადასხვა პოლიტიკურ ძალებთან, მთავრობასა თუ ოპოზიციასთან შეხვედრებისას, თავიდანვე მხარს ვუჭერდით ინკლუზიური და კონსენსუსზე დაფუძნებული პროცესების წარმართვას“, - აღნიშნავს მოგერინი და დასძენს: „გთხოვთ, დარწმუნებული იყოთ, რომ ვაგრძელებთ დამატებით ძალისხმევას იმის მისაღწევად, რომ რეფორმა ფართო და მყარ კონსენსუსს ეფუძნებოდეს“.

საქართველოს პარლამენტმა საკონსტიტუციო ცვლილებები ერთხმად, 115 ხმით, მეორე მოსმენით, 23 ივნისს მიიღო. მესამე და ბოლო მოსმენა 2017 წლის შემოდგომაზე გაიმართება.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
43