Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პატრიოტთა ალიანსმა თბილისის მერობის კანდიდატი დაასახელა
Civil Georgia, Tbilisi / 16 აგვ.'17 / 16:50

პატრიოტთა ალიანსმა ოქტომბერში დაგეგმილ თვითმმართველობის არჩევნებზე თბილისის მერობის კანდიდატად პარტიის ერთ-ერთი ლიდერი, პარლამენტის ვიცე-სპიკერი, ირმა ინაშვილი დაასახელა.

მერობის კანდიდატი პატრიოტთა ალიანსის თავმჯდომარემ, დავით თარხან-მოურავმა, 16 აგვისტოს წარადგინა.
 
თარხან-მოურავმა საქართველოში მოქმედი საარჩევნო სისტემა გააკრიტიკა და ადგილობრივი თვითმმართველობის არჩევნების მნიშვნელობაზე ისაუბრა.

„ჩვენ არ უნდა შევხედოთ ამას, როგორც უბრალოდ ადგილობრივი თვითმმარველობის არჩევნებს, როგორც არჩევნებს ქალაქისა თუ სოფლის განვითარებისა და კეთილმოწყობის კუთხით. ჩვენ უნდა ვაქციოთ ეს პროცესი პოლიტიკურ პროცესად“, - განაცხადა თარხან-მოურავმა.

„არჩევნები ჩაივლის მასშტაბური საპროტესო აქციების ფონზე. ამ აქციების ორგანიზატორი იქნება საქართველოს პატრიოტთა ალიანსი და საჭიროა ფიგურა, რომელიც შეძლებს, რომ პოლიტიკურ პროცესად აქციოს ეს არჩევნები. ასეთი ფიგურა არის ირმა ინაშვილი“, - თქვა მერობის კანდიდატის წარდგენისას პატრიოტთა ალიანსის თავმჯდომარემ.

მისივე თქმით, ირმა ინაშვილი არის „მებრძოლი, ძალიან პრინციპული ადამიანი“, რომელიც „სრულიად სხვა სულისკვეთებას შესძენს ამ არჩევნებს“.

თავისი გამოსვლის მნიშვნელოვანი ნაწილი ირმა ინაშვილმაც საარჩევნო სისტემის ნაკლოვანებებზე საუბარს დაუთმო.

„ოცდახუთი წელია, მერები, გამგებლები, ყველამ კარგად ვიცით, უხეშად ერევიან არჩევნების პროცესში, მანიპულირებენ საარჩევნო სიებით, აშინებენ ამომრჩეველს“, - აღნიშნა ინაშვილმა და დასძინა: „ეს უნდა იყოს ბრძოლა თავისუფალი არჩევნებისთვის, ეს უნდა იყოს ბრძოლა არჩევნების უზურპაციის წინააღმდეგ - რა პროცესიც ახლა მიდის, ეს უნდა იყოს ბრძოლა თავისუფლებისათვის“.

პატრიოტთა ალიანსის გარდა, ამ დროისათვის თბილისის მერობის კანდიდატები დასახელებული აქვს ოთხ პოლიტიკურ პარტიას და ერთ საინიციატივო ჯგუფს.

მმართველმა პარტიამ, ქართულმა ოცნებამ თბილისის მერობის კანდიდატად ენერგეტიკის ყოფილი მინისტრი, კახა კალაძე, წარადგინა; ერთიანმა ნაციონალურმა მოძრაობამ - ტელეკომპანია „რუსთავი 2“-ის გენერალური დირექტორის ყოფილი მოადგილე, „კურიერის“ წამყვანი, ზაალ უდუმაშვილი დაასახელა; ევროპული საქართველოს სახელით, თბილისის მერობისთვის პარლამენტის წევრი, ელენე ხოშტარია იბრძოლებს. შენების მოძრაობის კანდიდატი კი თენგიზ შერგელაშვილი იქნება. არჩევნებში დამოუკიდებელი კანდიდატის სტატუსით მონაწილეობას მიიღებს თბილისის საკრებულოს წევრი, ალეკო ელისაშვილი, რომელიც საინიციატივო ჯგუფმა წარადგინა.

2017 წლის ადგილობრივი არჩევნებისთვის მზადება თვითმმართველობის კოდექსში შეტანილი საკამათო საკანონმდებლო ცვლილებების ფონზე მიმდინარეობს.

წინასწარი მონაცემებით, არჩევნები 2017 წლის ოქტომბრის მესამე კვირის ბოლოს ჩატარდება.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
47