Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ჯანელიძე მინსკში პრეზიდენტ ლუკაშენკოს შეხვდა
Civil Georgia, Tbilisi / 4 სექ.'17 / 17:53


პრეზიდენტი ალექსანდრე ლუკაშენკო და საგარეო საქმეთა მინისტრი მიხეილ ჯანელიძე, 4 სექტემბერი, 2017. ფოტო: president.gov.by

საქართველოს საგარეო საქმეთა მინისტრი მიხეილ ჯანელიძე ოფიციალური ვიზიტით ბელარუსს სტუმრობს, სადაც მან უკვე გამართა შეხვედრა თავის ბელარუს კოლეგასთან, ვლადიმირ მაკეისთან და პრეზიდენტ ალექსანდრე ლუკაშენკოსთან.

ორი ქვეყნის საგარეო საქმეთა მინისტრებმა რიგი ორმხრივი პოლიტიკური და ეკონომიკური თანამშრომლობის საკითხები განიხილეს, მათ შორის ორი ქვეყნის ლიდერებს შორის მიღწეული შეთანხმებების განხორციელების საკითხი, იტყობინება ბელარუსის საგარეო საქმეთა სამინისტრო.

პრეზიდენტმა ალექსანდრე ლუკაშენკომ, რომელიც ასევე შეხვდა ჯანელიძეს 4 სექტემბერს, ხაზი გაუსვა, რომ „ქართველები ჩვენი ძმები არიან“. „ჩვენ შორის არ არსებობს რაიმე საკითხი, რომელიც გვყოფს: თქვენ ნამდვილად გჭირდებით ჩვენ და ჩვენც ნამდვილად გვჭირდებით თქვენ. ჩვენი ეკონომიკა ერთმანეთს კონკურენციას არ უწევს“, - განაცხადა ლუკაშენკომ.

იგი ასევე შეეხო ბელარუსის თვითმფრინავის მონაწილეობას საქართველოში ხანძრის ლიკვიდაციის სამუშაოებში და აღნიშნა, რომ მინსკის მყისიერი რეაგირება საქართველოს თხოვნაზე „იმის ნათელი მაგალითია, რომ თქვენ ყოველთვის შეგიძლიათ ბელარუსების იმედი იქონიოთ“.

ვიზიტის ფარგლებში ჯანელიძემ და მაკეიმ ხელი მოაწერეს საქართველოს და ბელარუსის საგარეო საქმეთა სამინისტროებს შორის თანამშრომლობის 2018-2019 წლების პროგრამას. მინსკში ჯანელიძე ასევე შეხვდება ბელარუსის ეროვნული კრების რესპუბლიკური საბჭოს თავმჯდომარეს მიხაილ მიასნიკოვს და ეროვნული კრების წარმომადგენლობითი პალატის თავმჯდომარეს ვლადიმერ ანდრეიჩენკოს.

„საქსტატის“ ინფორმაციით, საქართველოს სავაჭრო ბრუნვამ ბელარუსთან 2016 წელს 76.2 მილიონი აშშ დოლარი შეადგინა; ექსპორტის მოცულობამ 18.3 მილიონი აშშ დოლარი (20.4 მილიონი აშშ დოლარი 2015 წელს), ხოლო იმპორტის მოცულობამ 57.9 მილიონი აშშ დოლარი (20.7 მილიონი აშშ დოლარი 2015 წელს) შეადგინა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
61