Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მერის არჩევნების მეორე ტურის წინ, სამართლიანი არჩევნები პოლიტიკური ზეწოლის ფაქტებზე საუბრობს
Civil Georgia, Tbilisi / 10 ნოე.'17 / 12:23

სამართლიანი არჩევნებისა და დემოკრატიის საერთაშორისო საზოგადოება, 10 ნოემბერს გამოქვეყნებულ შეფასებაში, პოლიტიკური ნიშნით მუქარა-ზეწოლისა და ადმინისტრაციული რესურსის გამოყენების სავარაუდო ფაქტებზე საუბრობს, რომელიც ორგანიზაციამ საქართველოს ექვს მუნიციპალიტეტში, მერის არჩევნების მეორე ტურის წინ დაკვირვების შედეგად გამოავლინა. 

დოკუმენტში ძირითადად ასახულია ოზურგეთის მუნიციპალიტეტში გამოვლენილი დარღვევები, სადაც მერის არჩევნების პირველი ტურის შედეგების მიხედვით, მმართველი პარტიის, ქართული ოცნების მერობის კანდიდატს, ბეგლარ სიორიძესა და დამოუკიდებელ კანდიდატ კონსტანტინე შარაშენიძეს შორის მცირე სხვაობაა და, ამდენად, ამომრჩეველთა ხმებისათვის ბრძოლაც მწვავე კონკურენციის პირობებში მიმდინარეობს.

სამართლიანი არჩევნები განსაკუთრებულ ყურადღებას გიორგი როყვას საქმეზე ამახვილებს, რომელზეც, შარაშენიძის შტაბის თანახმად, ბეგლარ სიორიძის მხრიდან პოლიტიკური ზეწოლა განხორციელდა. როყვა ევროპული საქართველოს სახელით, მაჟორიტარულ არჩევნებში მონაწილეობდა და გამარჯვებისთვის არასაკმარისი, თუმცა ამომრჩეველთა საკმაოდ მაღალი მხარდაჭერა (35.6%) მიიღო. "გავრცელებული ინფორმაციით როყვას მიმართ მეორე ტურის წინ განხორციელებული ზეწოლა იმ გარემოებას უკავშირდება, რომ იგი ამომრჩეველთა მაღალი მხარდაჭერით სარგებლობს და მისი მხარდამჭერები შესაძლოა მეორე ტურში დამოუკიდებელი კანდიდატის პოტენციური მხარდამჭერები გამხდარიყვნენ“, - ნათქვამია სამართლიანი არჩევნების შეფასებაში.

აღნიშნული ფაქტის გარდა, სამართლიანი არჩევნები, მოქალაქეთა მონათხრობზე დაყრდნობით, ოზურგეთში, ამომრჩეველზე ზეწოლისა და მოსყიდვის კიდევ რამდენიმე ფაქტზე საუბრობს, რომელშიც, სავარაუდოდ, ქართული ოცნების კოორდინატორები და მუნიციპალიტეტის გამგეობის თანამშრომლები მონაწილეობდნენ. 

დოკუმენტში ასევე აღნიშნულია ამომრჩეველზე სავარაუდო ზეწოლის ორი ფაქტი, რომელიც ხაშურის მუნიციპალიტეტში გამოვლინდა. ხაშურშიც, ოზურგეთის მსგავსად, მერის არჩევნების მეორე ტურში ერთმანეთს ქართული ოცნების კანდიდატი და დამოუკიდებელი კანდიდატი დაუპირისპირდება. 

„სამართლიანი არჩევნები მოუწოდებს ადგილობრივ თვითმმართველობას, პოლიტიკურ პარტიებსა და კანდიდატებს - არჩევნების დღეს თავი შეიკავონ ამომრჩევლის მოსყიდვისა თუ ზეწოლისგან, ასევე ნებისმიერი ისეთი ქმედებისგან, რომელიც შესაძლოა აღქმული იქნას ამომრჩევლის ნების კონტროლად, მათ შორის არჩევნებზე მოსული ამომრჩევლების მონაცემების შეგროვებისგან. სამართლიანი არჩევნები ასევე მოუწოდებს საარჩევნო ადმინისტრაციას - უზრუნველყოს ამომრჩევლის პირადი მონაცემების დაცვა და ამომრჩევლის ნების თავისუფალი გამოხატვა“, - ნათქვამია არასამთავრობო ორგანიზაციის განცხადებაში.

მერის არჩევნების მეორე ტური 12 ნოემბერს თვითმმართველ ქალაქ ქუთაისში, ასევე მარტვილის, ოზურგეთის, ბორჯომის, ხაშურისა და ყაზბეგის თვითმმართველ თემებში გაიმართება

მთელი ქვეყნის მასშტაბით თვიმმართველობის ორგანოთა არჩევნები 21 ოქტომბერს ჩატარდა.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
35