Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ქართველი დეპუტატები დონბასში ანტიტერორისტული ოპერაციის ზონას ეწვივნენ
Civil Georgia, Tbilisi / 10 ნოე.'17 / 13:10


საქართველოს საპარლამენტო დელეგაცია მარიუპოლში, დონეცკის ოლქი, 8 ნოემბერი, 2017. ფოტო: საქართველოს პარლამენტი

საქართველოს პარლამენტის უკრაინასთან მეგობრობის ჯგუფის დელეგაცია ოთხდღიანი ოფიციალური ვიზიტით უკრაინას სტუმრობს, სადაც დეპუტატები თავიანთ უკრაინელ კოლეგებს, მათ შორის უმაღლესი რადას თავმჯდომარეს, ანდრი პარუბის შეხვდნენ.

ხუთწევრიანი დელეგაცია, რომელსაც ქართული ოცნების დეპუტატი, გიორგი მოსიძე ხელმძღვანელობს, 8 ნოემბერს დონბასში ანტიტერორისტული ოპერაციის ზონას ესტუმრა და მარინკა, ვოლნოვახა, ნოვოტროიცკე, მარიუპოლი და შიროკინო მოინახულა. 

საქართველოს დელეგაციის წევრები იქ განთავსებულ უკრაინელ სამხედროებს და ადგილობრივი ხელისუფლების წარმომადგენლებს შეხვდნენ. დელეგაციის წევრებმა 2015 წლის იანვარში  ვოლნოვახასთან სამგაზვრო ავტობუსის დაბომბვის შედეგად დაღუპული მშვიდობიანი მოქალაქეების ხსოვნისადმი მიძღვნილი მემორიალი და 2014 წლის მაისში ერთ-ერთი პირველი სამხედრო შეტაკების დროს დაღუპული უკრაინელი სამხედროებისადმი მიძღვნილი მემორიალი ყვავილებით შეამკეს.

„ჩვენ სპეციალურად დავიწყეთ ჩვენი ვიზიტი ანტიტერორისტული ოპერაციის ზონის მონახულებით, რათა შეგვექმნას სრული სურათი, თუ როგორ ცხოვრობს ახლა უკრაინა. ჩამოვედით, რათა მხარი დავუჭიროთ ჩვენს უკრაინელ ძმებს თავისი ქვეყნის სუვერენიტეტისა და ტერიტორიული მთლიანობისათვის ბრძოლაში“, - განაცხადა გიორგი მოსიძემ. 

„საქართველო ასეთ ბრძოლაში უკვე მესამე ათეული წელია იმყოფება და ძალისხმევის გაერთიანებით, ქმედებების კოორდინაციით საერთაშორისო სარბიელზე ჩვენ უფრო ეფექტურად შევძლებთ სტრატეგიული მიზნების მიღწევას“, - დასძინა მან.

დეპუტატმა სერგი კაპანაძემ ოპოზიციური პარტიიდან ევროპული საქართველო, რომელიც პარლამენტის ვიცე-სპიკერია, განაცხადა,  რომ პარლამენტის მხარდაჭერა უკრაინის მიმართ მხოლოდ ცალკეულ განცხადებებში არ იქნება გამოხატული. “ანტიტერორისტული ოპერაციის ზონაში ვიზიტი სწორედ ამის დემონსტრირება იყო. ჩემთვის როგორც ევროპული საქართველოს წარმომადგენლისთვის და პარლამენტარისთვის, პრინციპული საკითხია, რომ საოკუპაციო ხაზთან მისვლით, მხარდაჭერა გამოვუცხადოთ უკრაინის სახელმწიფოს და უკრაინელ ხალხს“, - განაცხადა კაპანაძემ.

„ეს ბრძოლა საერთო ბრძოლაა და სწორედ დონეცკის ოლქში ჩანს ყველაზე კარგად, რომ აფხაზეთის და ცხინვალის ოკუპაცია, დონბასის და ყირიმის ოკუპაცია ერთი ხელწერაა და ერთი ბოროტი იმპერიის ნახელავია“, - დასძინა მან.

საქართველოს პარლამენტის ინფორმაციით, დეპუტატები ვიზიტს 11 ნოემბერს დაასრულებენ. მანამდე კი რიგ შეხვედრებს გამართავენ, მათ შორის უკრაინის ვიცე-პრემიერთან ევროპისა და ევროატლანტიკური ინტეგრაციის საკითხებში, ივანა კლიმპუშ-ცინცაძესთან.   

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
95