Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პუტინი მოსკოვში სამხრეთ ოსეთის ლიდერს შეხვდა
Civil Georgia, Tbilisi / 15 ნოე.'17 / 13:20


ანატოლი ბიბილოვი და ვლადიმირ პუტინი მოსკოვში, 14 ნოემბერი, 2017. ფოტო: kremlin.ru

რუსეთის პრეზიდენტი ვლადიმირ პუტინი 14 ნოემბერს მოსკოვში სამხრეთ ოსეთის ლიდერს ანატოლი ბიბილოვს შეხვდა და „ორმხრივი თანამშრომლობის არსებული მდგომარეობა“, მათ შორის „მოკავშირეობისა და ინტეგრაციის შესახებ ხელშეკრულების მრავალმხრივი მუშაობის ასპექტები“ განიხილა, იტყობინება კრემლი.

„ჩვენ ვიცით, რა და როგორ ხდებოდა 10 წლის წინ, 2008 წელს“, - უთხრა შეხვედრის დაწყებამდე პუნიტმა ბიბილოვს. „მას შემდეგ სიტუაცია, რა თქმა უნდა, დასტაბილურდა. რუსეთის ბევრს აკეთებს იმისათვის, რომ საიმედო უსაფრთხოება უზრუნველყოფს, ვგულისხმობ სამხრეთ ოსეთის როგორც სამხედრო, ისე სასაზღვრო უსაფრთხოებას“, - დასძინა რუსეთის პრეზიდენტმა.

თავის განცხადებაში ბიბილოვმა მადლობა გადაუხადა რუსეთის პრეზიდენტს მოსკოვში მიწვევისთვის, რაც, მისი თქმით, „ძალიან მნიშვნელოვანია სამხრეთ ოსეთისთვის“.

„მიმაჩნია, რომ ჩვენი ურთიერთობების განვითარება საკმაოდ მაღალ დონეზეა“, - განაცხადა მან და დასძინა, რომ პოლიტიკური, სახელმწიფოთაშორისი ურთიერთობის თვალსაზრისით, „უკვე ასამდე შეთანხმებას მოვაწერეთ ხელი; ამას გარდა, მზადების პროცესშია რიგი ხელშეკრულებები, რომლებიც ხელს შეუწყობს ინტეგრაციული პროცესების განვითარებას, ჩვენი ეკონომიკური ურთიერთობების განვითარებას“.

შეხვედრის შემდეგ პუტინმა განუცხადა ჟურნალისტებს, რომ ცხინვალი „რუსეთის მნიშვნელოვანი პარტნიორი და მოკავშირეა“ და რომ მოსკოვი განაგრძობს რეგიონის „სოციალ-ეკონომიკური განვითარების“ დახმარებას. „ჩვენი დღევანდელი მოლაპარაკებები ძირითადად მიეძღვნა ვაჭრობის და ინვესტიციების საკითხებს, ასევე სოციალურ სფეროში თანამშრომლობას“.

რუსეთის პრეზიდენტის თქმით, მათ ასევე ისაუბრეს რეგიონული უსაფრთხოების საკითხებზე. „შევთანხმდით, რომ ჩვენი ნაბიჯების მჭიდრო კოორდინაცია განვახორციელოთ ამიერკავკასიაში არსებულ გამოწვევებთან და უსაფრთხოების მიმართ არსებულ საფრთხეებთან დასაპირისპირებლად, ასევე გავაგრძელოთ მჭიდრო ურთიერთქმედება ტერორიზმთან და ორგანიზებულ დანაშაულთან ბრძოლაში,“ - განაცხადა პუტინმა.    

შეხვედრის შემდეგ, რუსეთის ჯანდაცვის მინისტრმა ვერონიკა სკვორცოვამ და მისმა ცხინვალელმა „კოლეგამ“ გიორგი ტოტჩიევმა ხელი მოაწერეს შეთანხმებას, რომლის თანახმადაც რუსეთის სავალდებულო სამედიცინო დაზღვევის პროგრამა ცხინვალის რეგიონში მცხოვრებ რუსეთის მოქალაქეებზეც გავრცელდება. პროგრამა უფასოდ უზრუნველყოფს პროფილაქტიკურ, სასწრაფო და სპეციალიზებულ, მათ შორის, მაღალტექნოლოგიურ სამედიცინო დახმარებას. ანალოგიურ შეთანხმებას სოხუმთან 8 აგვისტოს, ვლადიმირ პუტინის აფხაზეთში ვიზიტის დროს მოეწერა ხელი.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
38