Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სახალხო დამცველი მომავალი ომბუდსმენის შერჩევაში „საზოგადოების მონაწილეობის“ აუცილებლობაზე საუბრობს
Civil Georgia, Tbilisi / 16 ნოე.'17 / 17:50

საქართველოს სახალხო დამცველი, უჩა ნანუაშვილი, რომლის ხუთწლიანი მანდატიც 7 დეკემბერს იწურება, აცხადებს, რომ მომავალი ომბუდსმენის შერჩევის პროცესში საზოგადოების მონაწილეობა არის „მნიშვნელოვანი“, რათა „ხელისუფლებამ საზოგადოების გარკვეული ჯგუფების ინტერესებიც გაითვალისწინოს“. 

„მე ვისურვებდი, რომ ამ პოზიციაზე წარდგენილი იყოს კანდიდატი, რომელსაც ადამიანის უფლებათა სფეროში მუშაობის ხანგრძლივი გამოცდილება გააჩნია, არის პრინციპული, დამოუკიდებელი, მაღალი მორალური ღირებულების მქონე პროფესიონალი“, - განაცხადა 15 ნოემბერს გამართულ ბრიფინგზე უჩა ნანუაშვილმა.

მედიაში გავრცელებული ინფორმაციით, ამ დროისთვის არასამთავრობო სექტორში ომბუდსმენის პოსტზე სამი კანდიდატურა განიხილება: ახალგაზრდა იურისტთა ასოციაციის ხელმძღვანელი, ანა ნაცვლიშვილი, ილიას სახელმწიფო უნივერსიტეტის ასოცირებული პროფესორი, ვახუშტი მენაბდე, და პრეზიდენტთან არსებული პატიმართა შეწყალების სახელმწიფო კომისიის თავმჯდომარე, ჟურნალისტი - ზვიად ქორიძე.

გავრცელებული ინფორმაციით, ომბუდსმენის თანამდებობაზე ასევე განიხილებიან პერსონალურ მონაცემთა დაცვის ინსპექტორის, თამარ ქალდანის, პრემიერ-მინისტრის თანაშემწის - სოფო ჯაფარიძის, და სახალხო დამცველის ყოფილი მოადგილის, სოფო ხორგუანის კანდიდატურებიც, რომლებზეც, მედიის თქმით, მმართველ გუნდში მსჯელობენ

სახალხო დამცველის კანდიდატურის თაობაზე კომენტარები საპარლამენტო ოპოზიციური პატიების წარმომადგენლებმაც გააკეთეს. 

„ჩემი პოზიციაა და ევროპული საქართველოსი, რომ  ჩვენ დაველოდებით თუ ვის დაასახელებს არასამთავრობო სექტორი...კარგი იქნება, თუ ისინი ერთ კანდიდატურაზე შეჩერდებიან... ჩვენ შეგვიძლია, რომ არასამთავრობო სექტორს მივცეთ საშუალება გამოიყენოს საპარლამენტო უმცირესობის მანდატი და ჩვენ დავასახელოთ მათი კანდიდატი“, - განაცხადა ევროპული საქართველოს წევრმა გიორგი ტუღუშმა, რომელსაც 2009-2012 წლებში სახალხო დამცველის პოსტი ეკავა. 

ერთიანი ნაციონალური მოძრაობის წევრის თინა ბოკუჩავას თქმით, ხელისუფლება ომბუდსმენის პოსტზე მისდამი ლოიალურ კანდიდატურას დაასახელებს.

პატრიოტთა ალიანსის ერთ-ერთი ლიდერის, ირმა ინაშვილის განცხადებით კი, „თუ კარგი კანდიდატი იქნება წარმოდგენილი ხელისუფლების მხრიდან, ჩვენ არ გამოვიჩენთ სიჯიუტეს და გავაანალიზებთ ამ კანდიდატის ბიოგრაფიას“.
 
სახალხო დამცველის კანდიდატურის შერჩევასთან დაკავშირებით, კომენტარი პარლამენტის თავმჯდომარემ, ირაკლი კობახიძემაც გააკეთა. მისი თქმით, „ძალიან აქტიურად წარიმართება დისკუსია მმართველი გუნდის შიგნით. შემდეგ, რა თქმა უნდა, უფრო გაფართოვდება კონსულტაციების ფორმატი“. 

სახალხო დამცველს, რომელიც ქვეყანაში ადამიანის უფლებათა და თავისუფლებათა დაცვას ზედამხედველობს, ხუთი წლის ვადით საქართველოს პარლამენტი ირჩევს. ომბუდსმენის კანდიდატურის წარდგენის უფლება აქვთ მხოლოდ საპარლამენტო ფრაქციას, ასევე - პარლამენტის წევრთა სულ ცოტა ექვსკაციან ჯგუფს, რომლებიც არ შედიან არც ერთ ფრაქციაში.

არასამთავრობო ორგანიზაციებმა რამდენიმე კვირის წინ ერთობლივი განცხადება გაავრცელეს და სახალხო დამცველის შესარჩევ პროცედურებში ჩართვა მოითხოვეს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
77