Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პრაღაში აბაშიძის და კარასინის მორიგი შეხვედრა გაიმართა
Civil Georgia, Tbilisi / 17 ნოე.'17 / 16:48

საქართველოს პრემიერ-მინისტრის სპეციალური წარმომადგენელი რუსეთთან ურთიერთობების საკითხებში, ზურაბ აბაშიძე 16 ნოემბერს პრაღაში რუსეთის საგარეო საქმეთა მინისტრის მოადგილეს, გრიგორი კარასინს შეხვდა, ორ ქვეყანას შორის 2012 წლის ბოლოს დაწყებული არაფორმალური პირდაპირი დიალოგის ფარგლებში.

შეხვედრის შემდეგ გამოქვეყნებულ განცხადებაში, რუსეთის საგარეო საქმეთა სამინისტრომ ორ ქვეყანას შორის მიღწეულ პროგრესზე ისაუბრა ვაჭრობის, ტრანსპორტის და ჰუმანიტარული კონტაქტების საკითხებში.

იმავდროულად, რუსეთის საგარეო უწყებამ საქართველო-ნატოს ურთიერთობები გააკრიტიკა.

„ჩვენ კიდევ ერთხელ გავუსვით ხაზი, რომ თბილისის მიერ კავშირების გაფართოებას ნატოსთან, ასევე საქართველოს ოფიციალური წარმომადგენლების არამეგობრული რიტორიკა საერთაშორისო არენაზე, ეწინააღმდეგება სავაჭრო, სატრანსპორტო და ჰუმანიტარული კავშირების გაძლიერების ტენდენციას, და ამ ურთიერთხელსაყრელი პროცესის ჩაშლის საფრთხეს შეიცავს“, - ნათქვამია განცხადებაში.

რუსეთის საგარეო უწყებამ ასევე განაცხადა, რომ მხარეები შეთანხმდნენ, რომ უახლოეს მომავალში გამართონ შეხვედრა ქართველ და რუს ექსპერტებს შორის, შვეიცარული მხარის მონაწილეობით, რათა „განხორციელდეს მოსამზადებელი სამუშაოები და შემდეგ ხელი მოეწეროს შესაბამის კონტრაქტებს“ რუსეთის ვაჭრობის მსოფლიო ორგანიზაციაში გაწევრიანების თაობაზე 2011 წელს შვეიცარიის შუამავლობით მიღწეული შეთანხმების განხორციელების დასაწყებად.

ზურაბ აბაშიძემ განაცხადა შეხვედრის შემდეგ, რომ მიუხედავად იმისა, რომ დღის წესრიგი არ ითვალისწინებდა, „ყოველთვის ვამახვილებთ ყურადღებას იმ ვითარებაზე, რომელიც შექმნილია ოკუპირებულ ტერიტორიებზე, ამ რეგიონების მილიტარიზაციაზე, ამ რეგიონებში ადამიანების უფლებების უხეშ დარღვევაზე, საერთაშორისო სამართლის, საქართველოს ტერიტორიული მთლიანობის, სუვერენიტეტის უხეშ ხელყოფაზე და ხაზი გაესვა ჩვენს დამოკიდებულებას იმ დესტრუქციული პროცესების მიმართ, რომლებიც ამ რეგიონში მიმდინარეობს“.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
45