Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველოს კათოლიკოს-პატრიარქმა მოსაყდრე დანიშნა
Civil Georgia, Tbilisi / 25 ნოე.'17 / 12:55


მიტროპოლიტი შიო მუჯირი, 28 ნოემბერი, 2015. ფოტო: pstgu.ru

საქართველოს კათოლიკოს-პატრიარქმა, ილია მეორემ, 23 ნოემბერს, გიორგობის სადღესასწაულო წირვაზე, გამოაცხადა, რომ საპატრიარქო ტახტის მოსაყდრედ დადგენილია სენაკისა და ჩხოროწყუს მიტროპოლიტი, შიო მუჯირი.
საქართველოს მართლმადიდებელი ეკლესიის მართვა-გამგეობის დებულების თანახმად, მოსაყდრე, პატრიარქის გარდაცვალების ან გადადგომის შემთხვევაში, ეკლესიის დროებით მართვას განახორციელებს და ახალი პატრიარქის არჩევას გაუწევს ორგანიზებას.
„ეს არის ისტორიული გიორგობა. წმინდა გიორგიმ ინება, რომ მყავდეს მოსაყდრე და ასეთი არის მეუფე შიო. მეუფე შიოს ვულოცავ ამ მაღალ წოდებას და იმედი მაქვს, რომ გაამართლებს დაკისრებულ საქმეს“, - მიმართა ქაშუეთის ტაძარში შეკრებილ მრევლს და სამღვდელოებას ილია მეორემ. 
როგორც შიო მუჯირმა ჟურნალისტებთან საუბარში აღნიშნა, მისთვის პატრიარქის გადაწყვეტილება „სრულიად მოულოდნელი” იყო. „ერთის მხრივ, ძალიან დიდი სიხარულია, რომ მისმა უწმინდესობამ ასეთი დიდი პატივი მარგუნა წილად. მეორეს მხრივ, ძალიან ვღელავ, რამეთუ ეს უდიდესი ჯვარია“, - განუცხადა ჟურნალისტებს პატრიარქის მოსაყდრემ.
48 წლის შიო მუჯირი საქართველოს მართლმადიდებელი ეკლესიის უმაღლესი მმართველი ორგანოს, 47 მღვდელმთავრისგან შემდგარი წმინდა სინოდის წევრია. 2003 წელს იგი ეპისკოპოსად აკურთხეს და სენაკისა და ჩხოროწყუს ეპარქიის წინამძღოლად დანიშნეს. მანამდე, იგი მოსკოვის ქართველთა სათვისტომოს წმიდა გიორგის სახელობის ტაძრის წინამძღვარი იყო. პარალელურად, მოსკოვის წმიდა ტიხონის საღვთისმეტყველო ინსტიტუტში სწავლობდა. ამავე ინსტიტუტში მას 2015 წელს ღვთისმეტყველების კანდიდატის ხარისხი მიენიჭა
ილია მეორის გარდაცვალების ან გადადგომის შემთხვევაში, 40 დღის შემდეგ, მაგრამ არა უგვიანეს ორი თვისა, შიო მუჯირი ვალდებული იქნება მოიწვიოს საქართველოს ეკლესიის გაფართოებული კრება, რომელზეც ახალ პატრიარქს აირჩევენ. გაფართოებულ კრებამდე, მოსაყდრის მოწვევით იმართება წმინდა სინოდის სხდომა, სადაც პატრიარქობის სამ კანდიდატს შეარჩევენ. გაფართოებულ კრებაში სინოდის წევრები ხმის უფლებით, ხოლო სხვა სასულიერო და საერო პირები - სათათბირო ხმის უფლებით მონაწილეობენ. კათოლიკოს-პატრიარქად არჩეულად ჩაითვლება ის კანდიდატი, რომელიც მიიღებს კრების მონაწილე მღვდელმთავართა ხმების ნახევარზე მეტს.
საქართველოს მართლმადიდებელი ეკლესიის მართვა-გამგეობის დებულების თანახმად, „საპატრიარქო ტახტის მოსაყდრისადმი კანონიკური მორჩილება საქართველოს ეკლესიის ყოველი წევრის მოვალეობაა“.
მოსაყდრის დანიშვნის გადაწყვეტილება კათოლიკოს-პატრიარქმა, ილია მეორემ, ეკლესიაში არსებული შიდა დაპირისპირების ფონზე მიიღო, რომელიც ე.წ. ციანიდის საქმის დროს გამოაშკარავდა. ილია მეორეს შეეძლო მოსაყდრის ვინაობა ანდერძით განესაზღვრა, რომელსაც მისი გარდაცვალების შემდეგ სინოდის  უმრავლესობის თანდასწრებით გახსნიდნენ. თუმცა, მოსაყდრის ვინაობა პატრიარქმა სიცოცხლეშივე გამოაცხადა. მეტიც, ილია მეორემ მოსაყდრის დანიშვნის ბრძანება საკუთარი ხელით დაწერა. 
კათოლიკოს-პატრიარქი, ილია მეორე, 84 წლისაა. 2017 წლის 25 დეკემბერს მისი აღსაყდრებიდან ზუსტად 40 წელი შესრულდება. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
43