Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველოს შვეიცარიის პრეზიდენტი ეწვია
Civil Georgia, Tbilisi / 4 დეკ.'17 / 15:37


დორის ლოიტჰარდი და გიორგი მარგველაშვილი, 4 დეკემბერი, 2017. ფოტო: president.gov.ge

საქართველოს პრეზიდენტმა, გიორგი მარგველაშვილმა, დღეს პირისპირ შეხვედრა და გაფართოებული მოლაპარაკებები გამართა შვეიცარიის კონფედერაციის პრეზიდენტთან, დორის ლოიტჰარდთან, რომელიც 3-4 დეკემბერს თბილისს ოფიციალური ვიზიტით სტუმრობს. 

საქართველოს პრეზიდენტის ადმინისტრაციის თანახმად, პირისპირ შეხვედრაზე ორი ქვეყნის ლიდერებმა - საქართველოს ოკუპირებული ტერიტორიებზე შექმნილი ვითარება, ასევე  „რუსეთის ანექსიური, აგრესიული, პროვოკაციული ქმედებები“ განიხილეს. გაფართოებულ მოლაპარაკებებზე კი, ორ ქვეყანას შორის ეკონომიკურ თანამშრომლობაზე და საქართველოს საინვესტიციო პოტენციალის ათვისების შესაძლებლობებზე იმსჯელეს. 

„გიორგი მარგველაშვილმა ხაზგასმით აღნიშნა შვეიცარიის მხარდაჭერის მნიშვნელობა საქართველოს სუვერენიტეტისა და ტერიტორიული მთლიანობის საკითხში, და მადლობა გადაუხადა დორის ლოიტჰარდს შვეიცარიის მიერ საქართველო-რუსეთის ურთიერთობებში შესრულებული უმნიშვნელოვანესი მისიისათვის - შუამავლის როლისა და საქართველოს ინტერესების მხარდაჭერისათვის“, - ნათქვამია საქართველოს პრეზიდენტის ადმინისტრაციის პრესრელიზში.

საქართველოს პრეზიდენტის ადმინისტრაციის ინფორმაციით, შვეიცარიის კონფედერაციის პრეზიდენტმა გამოთქვა მზადყოფნა, კვლავაც შეუწყოს ხელი ქართულ- რუსულ ურთიერთობებში განმუხტვის პოლიტიკას და დიალოგს. 

ორი ქვეყნის ეკონომიკურ ურთიერთობებზე საუბრისას, დორის ლოიტჰარდმა ყურადღება გაამახვილა სამთო ტურიზმის, სოფლის მეურნეობის და ენერგეტიკის სფეროებში თანამშრომლობაზე და აღნიშნა, რომ მომავალი წლიდან საქართველოსა და შვეიცარიას შორის თავისუფალი ვაჭრობის შეთანხმება ამოქმედდება. დორის ლოიტჰარდმა რეგიონული ენერგეტიკული პროექტების მნიშვნელობაზეც ისაუბრა. მან ასევე ყურადღება გაამახვილა სამხრეთ კავკასიასთან თანამშრომლობის 2017-2020 წლების სტრატეგიაზე, რომელიც რეგიონის ეკონომიკური განვითარების, დემოკრატიული ინსტიტუტებისა და უსაფრთხოების ხელშეწყობას ითვალისწინებს.

პრეზიდენტ მარგველაშვილის გარდა, შვეიცარიის კონფედერაციის პრეზიდენტი დორის ლოიტჰარდმა მოლაპარაკებები პრემიერ-მინისტრ გიორგი კვირიკაშვილთან გამართა. ის ასევე საქართველოს პარლამენტის თავმჯდომარეს, ირაკლი კობახიძეს, შეხვდება.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
42