Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
უკრაინის ხელისუფლებამ სააკაშვილზე ძებნა გამოაცხადა
Civil Georgia, Tbilisi / 6 დეკ.'17 / 12:15

საქართველოს ყოფილი პრეზიდენტი და უკრაინული ოპოზიციური პარტიის „ახალ ძალთა მოძრაობის“ ლიდერი, მიხეილ სააკაშვილი უკრაინის ხელისუფლების მიერ ძებნაში გამოცხადდა. ეს გადაწყვეტილება უკრაინის გენერალურმა პროკურატურამ მიიღო მას შემდეგ, რაც 5 დეკემბერს უკრაინის უსაფრთხოების სამსახურის მიერ დაკავებულმა სააკაშვილმა მხარდამჭერების დახმარებით გათავისუფლება შეძლო და მომხრეებს ვერხოვნა რადასთან შეკრებისკენ მოუწოდა. 

უკრაინის გენერალური პროკურორის პრესმდივნის, ლარისა სარგანის თანახმად,  მიხეილ სააკაშვილი უკრაინის სისხლის სამართლის კოდექსის სამი მუხლით იძებნება: სსკ-ის მე-15 მუხლის 1-ლი ნაწილი - დანაშაულის მცდელობა, 28-ე მუხლის მე-2 ნაწილი - დანაშაულის ჩადენა წინასწარი შეთანხმებით ჯგუფის მიერ, 256-ე მუხლი მე-2 ნაწილი - კრიმინალური ორგანიზაციების წევრთა დახმარება და მათი დანაშაულებრივი საქმიანობის დაფარვა, ჩადენილი განმეორებით, ან თანამდებობის პირის მიერ (უკრაინის სახელმწიფო უსაფრთხოების სამსახურის მიერ გუშინ გავრცელებული ინფორმაციის თანახმად, სააკაშვილის დაკავება უკრაინის სისხლის სამართლის კოდექსის 256-ე მუხლის პირველი ნაწილით მოხდა)

ლარისა სარგანის ინფორმაციით, სამძებრო ღონისძიებების გატარება უკრაინის ეროვნულ პოლიციასა და სახელმწიფო უსაფრთხოების სამსახურს დაევალა. 

სააკაშვილის საქმის გარემოებებზე საუბრისას, უკრაინის გენერალურმა პროკურორმა, იური ლუცენკომ 5 დეკემბერს განაცხადა, რომ მიხეილ სააკაშვილი, უკრაინის ყოფილი პრეზიდენტის, ვიქტორ იანუკოვიჩის „დანაშაულებრივი ჯგუფის წევრთა“, სერგეი კურჩენკოს და მისი ნდობით აღჭურვილი პირის, ასევე - სევერიონ დანგაძის დახმარებით, საპროტესტო აქციების მოწყობას და უკრაინაში სახელმწიფო ხელისუფლების ხელში ჩაგდებას გეგმავდა. 

უკრაინის გენერალური პროკურატურის თანახმად, დანაშაულებრივი ჯგუფის ქმედებებში სისხლის სამართლის კოდექსის 256-ე მუხლის მე-2 ნაწილით და 1102-ე მუხლის მე-4 ნაწილით გათვალისწინებული დანაშაულის ნიშნები იკვეთებოდა, კერძოდ, დანაშაულებრივი ჯგუფის საქმიანობის დაფარვა; ასევე - ფინანსური საქმიანობა, ძალადობრივი გზით უკრაინაში სახელმწიფო ხელისუფლების ხელში ჩაგდების მიზნით (ან ამგვარი საქმიანობის მცდელობა).

უკრაინის გენერალური პროკურატურის ინფორმაციით, გამოძიების ფარგლებში, 4 დეკემბერს დააკავეს უკრაინის მოქალაქე სევერიონ დანგაძე, რომელიც საზღვარგარეთ გაქცევას გეგმავდა. 

უკრაინის გენერალურმა პროკურორმა, იური ლუცენკომ გუშინვე გამოაქვეყნა აუდიომასალა, რომლითაც მისი თქმით, დანაშაულებრივი ჯგუფის წევრთა მიერ სააკაშვილის საქმიანობის დაფინანსების ფაქტები დასტურდებოდა.

მიხეილ სააკაშვილი მხარდამჭერებთან ერთად ამ დრომდე რჩება ვერხოვნა რადას მახლობლად არსებულ კარვების ბანაკში. 6 დეკემბერს, დილით მან განაცხადა, რომ გენერალურ პროკურატურაში გამოცხადებას არ აპირებს, თუმცა მზად არის გამომძიებელი ბანაკში მიიღოს. 

მედიაში გავრცელებული ინფორმაციის თანახმად, სააკაშვილის დაკავების მიზნით სპეციალური დანიშნულების რაზმი 6 დეკემბერს გამთენიისას ბანაკში შეიჭრა. არიან დაშავებულები. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
63