Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილის მხარდასაჭერად თბილისში აქცია გაიმართა
Civil Georgia, Tbilisi / 7 დეკ.'17 / 12:56


ენმ-ის მსვლელობა რუსთაველის გამზირზე, 6 დეკემბერი, 2017. ფოტო: facebook/Nugzar Tsiklauri

ერთიანი ნაციონალური მოძრაობის წევრებმა და აქტივისტებმა 6 დეკემბერს თბილისში „ღირსების მანიფესტაცია“ გამართეს, სადაც უკრაინის ხელისუფლების მიერ სააკაშვილის დაკავება და „ივანიშვილისა და პოროშენკოს ოლიგარქიული რეჟიმების შეთანხმებული რევანში“ გააპროტესტეს. აქციის რამდენიმე ათასი მონაწილე, „მიშა, მიშას“ შეძახილებით, მეტრო რუსთაველიდან მსვლელობით მთავრობის ადმინისტრაციისკენ გაემართა, სადაც პარტიის ლიდერებმა მხარდამჭერებს სიტყვით მიმართეს.

„ეს არის დაპირისპირება ოლიგარქებსა და ხალხს შორის. ორ ოლიგარქს შორის მოხდა შეთახმება, რომ მთავარი მედროშე, მთავარი მებრძოლი, რომელიც ბრძოლის წინა ხაზზე დგას და ებრძვის ოლიგარქიას საქართველოშიც და უკრაინაშიც, მიხეილ სააკაშვილი, გაანეიტრალეს როგორც ივანიშვილმა, ასევე პოროშენკომ, მათი შეთანხმებით“, - განაცხადა ერთიანი ნაციონალური მოძრაობის პოლიტიკური საბჭოს თავმჯდომარემ, ნიკა მელიამ. „დღევანდელმა დღემ დაადასტურა, რომ თუ ივანიშვილი, პოროშენკოსთან ერთად,  განზრახვაზე ხელს არ აიღებს, ძალიან ბევრი ადამიანი გამოვა თბილისის ქუჩებში, მაგრამ აღარ დაიშლება“, - დასძინა მან. 

აქციის მონაწილეებს სიტყვით ნაციონალური მოძრაობის კიდევ ერთმა წევრმა, თბილისი მერობის ყოფილმა კანდიდატმა, ზაალ უდუმაშვილმაც მიმართა. 

„დღეს ჩვენ ამ აქციას დავარქვით ღირსების მანიფესტაცია. დიახაც, ღირსების. იმიტომ, რომ თითოეული ჩვენგანის ღირსების საქმეა, რომ ძალიან ხმამაღალი პროტესტი გამოვაცხადოთ იმ პროცესების გამო, რომელიც ვითარდება დღეს უკრაინაში და რომელიც მიმდინარებს საქართველოში“, - განაცხადა უდუმაშვილმა. „მიხეილ სააკაშვილმა გუშინ გაიმარჯვა. უკვე გაიმარჯვა. და არა იმ დროს, როცა ის უკრაინელმა ხალხმა დაკავებული, ბორკილებით გადმოიყვანა ავტომანქანიდან. მიხეილ სააკაშვილმა მაშინ გაიმარჯვა, როდესაც ის დააკავეს. ეს იყო უკვე პოროშენკოს დამარცხება. ეს იყო ყველაზე უგუნური გადაწყვეტილება, რაც შეეძლო მიეღო უკრაინის ოლიგარქ მმართველს“, - დასძინა მან.
 
ერთიანმა ნაციონალურმა მოძრაობამ „ღირსების მანიფესტაციის“ გამართვის გადაწყვეტილება 5 დეკემბერს, უკრაინაში მიხეილ სააკაშვილის დაკავების შემდეგ მიიღო. პარტიამ გამოაცხადა, რომ უკრაინაში განვითარებული მოვლენების გამო „მოქმედების საგანგებო რეჟიმზე“ გადადის

უკრაინის სახელმწიფო უსაფრთხოების სამსახურმა ოპოზიციური „ახალ ძალთა მოძრაობის“ ლიდერი, მიხეილ სააკაშვილი, 5 დეკემბერს დააკავა, თუმცა პოლიტიკოსმა, მხარდამჭერების დახმარებით, გათავისუფლება შეძლო. იმავე დღეს, უკრაინის გენერალური პროკურორმა განაცხადა, რომ სააკაშვილი, უკრაინის ყოფილ პრეზიდენტთან - იანუკოვიჩთან დაკავშირებული ბიზნესმენისგან მიღებული დაფინანსებით, ხელისუფლების ხელში ჩაგდებას გეგმავდა. 

სააკაშვილი, რომელიც უკრაინის სამართალდამცავ ორგანოებში მისვლას ამ დრომდე თავს არიდებს, უკრაინის პროკურატურამ ძებნაში გამოაცხადა. სააკაშვილმა 6 დეკემბერს განაცხადა, რომ მზად არის გამომძიებელი მიიღოს კარვების ბანაკში, რომელიც მისმა მხარდამჭერებმა ვერხოვნა რადას მახლობლად მოაწყვეს.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
49