Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
არასამთავრობოებმა უკრაინაში ქართველი ჟურნალისტების არშეშვების გამო შეშფოთება გამოთქვეს
Civil Georgia, Tbilisi / 7 დეკ.'17 / 13:39

მიხეილ სააკაშვილის ირგვლივ უკრაინაში განვითარებული მოვლენების გასაშუქებლად კიევში ჩასული ქართველი ჟურნალისტების უკრაინაში არშეშვების გამო ქართულმა არასამთავრობო ორგანიზაციებმა „შეშფოთება“ გამოთქვეს და საქართველოს შესაბამისი უწყებებისგან განმარტება მოითხოვეს.

კოალიცია მედიის ადვოკატირებისთვის, რომელშიც 13 ორგანიზაცია, მათ შორის, საია, საერთაშორისო გამჭვირვალობა და ფონდი ღია საზოგადოება შედის, მიიჩნევს, რომ „მნიშვნელოვანია პარტნიორი ქვეყნის ხელისუფლება პასუხისმგებლობით ეკიდებოდეს საზოგადოების ინტერესს - მიიღონ ინფორმაცია უშუალოდ მოვლენათა ეპიცენტრიდან და დაუშვებელია ამ მიზნის მიღწევაში რომელიმე მედიასაშუალებას მუშაობა შეეზღუდოს“.

ქართველი ჟურნალისტების უკრაინაში არშეშვების თაობაზე განცხადება კიდევ ერთმა ორგანიზაციამ, მედიის ინსტიტუტმაც, გაავრცელა.

„შემაშფოთებელია, რომ ჟურნალისტებს, სავარაუდოდ, მიზანმიმართულად შეუშალეს ხელი საქმიანობის განხორციელებაში“, - ნათქვამია ორგანიზაციის მიერ 6 დეკემბერს გავრცელებულ განცხადებაში. მედიის ინსტიტუტის თქმით, მნიშვნელოვანია, რომ მსგავსი ფაქტები აღარ განმეორდეს და უკრაინაში მიმდინარე მოვლენების გაშუქება ყველა მაუწყებლის გადამღებმა ჯგუფმა თანაბრად შეძლოს.

ქართველი ჟურნალისტების განცხადებით, რომელთა შორისაც ტელეკომპანია რუსთავი 2-ის, TV პირველის და საზოგადოებრივი მაუწყებლის წარმომადგენლები იყვნენ, უკრაინელმა მესაზღვრეებმა ისინი ბორისპოლის აეროპორტში გააჩერეს და კიევში ჩამოსვლის დასაბუთება მოსთხოვეს. განმარტების მიუხედავათ, აეროპორტში რამდენიმე საათიანი ლოდინის შემდეგ, მათ ქვეყანაში შესვლის უფლება არ მისცეს.

6 დეკემბერს ამ ფაქტს საქართველოს საგარეო საქმეთა სამინისტრო გამოეხმაურა. სამინისტროს განცხადებით, „ამასთან დაკავშირებით საქართველოს საელჩოსა და საკონსულო წარმომადგენლობას, როგორც ელჩის, ასევე კონსულის დონეზე ჰქონდა კომუნიკაცია უკრაინულ მხარესთან... ასევე საელჩო აქტიურ კავშირზეა თავად ქართველ ჟურნალისტებთან, რათა შეუფერხებლად უზრუნველყოფილი იყოს მათი სამშობლოში დაბრუნების პროცესი“.

„უკრაინული მხარე მედიის წარმომადგენლებისათვის უკრაინის ტერიტორიაზე შესვლის აკრძალვას ხსნის ქვეყანაში შექმნილი უსაფრთხოების გარემოებებიდან გამომდინარე.“ - ნათქვამია საგარეო უწყების კომენტარში.

ქართველი ჟურნალისტებისთვის უკრაინაში არშეშვების ფაქტების შესახებ ადრეც იტყობინებოდნენ. 27 ოქტომბერს, უკრაინაში შესვლის უფლება რუსთავი 2-ის ჟურნალისტს, თენგო გოგოტიშვილს არ მისცეს, ხოლო მანამდე, 15 ოქტომბერს, უკრაინაში შესვლაზე უარი საქართველოს პარლამენტის წევრს, ერთიანი ნაციონალური მოძრაობის წარმომადგენელს, კობა ნაყოფიასაც უთხრეს.

11 ნოემბერს, უკრაინაში არ შეუშვეს საქართველოს სახელმწიფო დაცვის სპეციალური სამსახურის თანამშრომელი, რომელიც კიევში ჩასულ მიხეილ სააკაშვილის უმცროს შვილს, ნიკოლოზ სააკაშვილს, ახლდა. 17 ნოემბერს კი, სავარაუდოდ, მიხეილ სააკაშვილთან კავშირის გამო, უკრაინიდან საქართველოს 8 მოქალაქე გააძევეს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
29