Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
უკრაინის ეროვნულმა პოლიციამ სააკაშვილი დააკავა
Civil Georgia, Tbilisi / 9 დეკ.'17 / 14:34

საქართველოს ექს-პრეზიდენტი და უკრაინის ახალი ძალების მოძრაობის ლიდერი, მიხეილ სააკაშვილი უკრაინის ხელისუფლებამ 8 დეკემბერს გვიან საღამოს დააკავა, სამი დღის წინ მისი დაკავების წარუმატებელი მცდელობის შემდეგ.

უკრაინის ეროვნული პოლიციის ინფორმაციით, მიხეილ სააკაშვილი, რომელსაც დანაშაულებრივი ჯგუფების მხარდაჭერა და მათი კრიმინალური საქმიანობების დაფარვა ედება ბრალად, კიევის სოლომიანკას რაიონში მდებარე ბინიდან აიყვანეს და დაკავების იზოლატორში გადაიყვანეს.

ექს-პრეზიდენტთან დაახლოებულმა პირმა, დავით საყვარელიძემ, რომელმაც პირველმა გაახმოვანა ინფორმაცია დაკავების შესახებ, უთხრა „რუსთავი 2“-ს, რომ მიხეილ სააკაშვილი თავისი მეგობრის ბინაში დააკავეს, სადაც ის გამოჯანმრთელების მიზნით რჩებოდა.

ახალი ძალების მოძრაობამ სააკაშვილის მხარდამჭერებს კიევში უსაფრთხოების სამსახურის შენობის წინ შეკრებისკენ მოუწოდა, სადაც, გავრცელებული ინფორმაციით, ის გადაიყვანეს. გავრცელებული ვიდეო კადრებიდან ჩანს, რომ ადგილზე დიდი რაოდენობით პოლიცია იყო მობილიზებული, სააკაშვილის ასობით მხარდამჭერს კი ერთ-ერთი შესასვლელი ჰქონდათ ბლოკირებული.

სააკაშვილმა, რომლის მოკლე მიმართვაც მომიტინგეებს წაუკითხეს, ბრალდებები უარყო და მოუწოდა მხარდამჭერებს, რომ პარტიის მიერ 10 დეკემბერს დაანონსებულ აქციას დაესწრონ და პრეზიდენტ პეტრო პოროშენკოს იმპიჩმენტი მოითხოვონ.

უკრაინის მთავარი პროკურორის პრესსპიკერის, ლარისა სარგანის თქმით, პროკურატურა სააკაშვილისთვის შინაპატიმრობას მოითხოვს. სააკაშვილის ადვოკატმა, პავლო ბოგომაზოვმა უთხრა „რუსთავი 2“-ს, რომ ექს-პრეზიდენტმა გადაწყვიტა, რომ შიმშილობა გამოაცხადოს.

უკრაინის მთავარმა პროკურორმა იური ლუჩენკომ ასევე გააკეთა კომენტარი დაპატიმრებაზე და აღნიშნა თავის Facebook-ის პოსტში, რომ სამართალდამცავებმა ყველაფერი გააკეთეს იმისათვის, რომ თავიდან აეცილებინათ რადიკალური ზომები და სისხლისღვრა.

ერთიანი ნაციონალური მოძრაობის ლიდერები მკაცრად გმობენ მიხეილ სააკაშვილის დაკავების ფაქტს და საპასუხო ნაბიჯების დასაგეგმად დღეს პოლიტიკური საბჭოს სხდომის გამართვას აპირებენ.

ერთიანი ნაციონალური მოძრაობის წევრის, ზაალ უდუმაშვილის თქმით, პარტია მზად არის „სცენარის განვითარების ნებისმიერი ვარიანტისთვის“. მისივე განცხადებით, „პოროშენკო წაგებულ თამაშს თამაშობს. თითოეული მისი ნაბიჯი მხოლოდ და მხოლოდ ასრულებს კატალიზატორის როლს ამ პროცესებში და მხოლოდ და მხოლოდ დააჩქარებს მისი ხელისუფლებაში ყოფნის დასასრულს“.

სააკაშვილის დაკავების ფაქტს ეხმაურება ევროპული საქართველოც, სადაც ამ ფაქტს „პოლიტიკური დევნა უწოდეს“. 

პარტიის გენერალური მდივნის, გიგი უგულავს თქმით, „პოლიტიკური პატიმრების ეპოქა საქართველოში 2013 წელს დაიწყო ბიძინა ივანიშვილის რეჟიმმა... იგივე მიხეილ სააკაშვილს ამის შედეგად მოუწია ქვეყნის დატოვება. ჩვენ დღეს გვყავს ქვეყანაში პოლიტიკური პატიმრები და თუ გვინდა ეს პრობლემა გადაწყდეს, ეს უნდა გადაწყდეს საქართველოში“.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
42