Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სომხეთის პრეზიდენტის ვიზიტი საქართველოში დასრულდა
Civil Georgia, Tbilisi / 26 დეკ.'17 / 18:06


სერჟ სარგსიანი და გიორგი მარგველაშვილი, 25 დეკემბერი, 2017. ფოტო: president.gov.ge

სომხეთის პრეზიდენტი სერჟ სარგსიანი 25-26 დეკემბერს ოფიციალური ვიზიტით თბილისს ესტუმრა და თავის ქართველ კოლეგას გიორგი მარგველაშვილს, პრემიერ-მინისტრ გიორგი კვირიკაშვილს და პარლამენტის თავმჯდომარეს ირაკლი კობახიძეს შეხვდა. 

სომხეთის პრეზიდენტის ვიზიტამდე ერთი კვირით ადრე თბილისმა ხელი მოაწერა შეთანხმებას ჟენევაში განთავსებულ კომპანიასთან SGS რუსეთსა და საქართველოს შორის ვაჭრობის მონიტორინგის შესახებ, რომელიც, როგორც ერევანი იმედოვნებს, მისი ტვირთების გადაადგილების მარშრუტების დივერსიფიცირებას შეუწყობს ხელს აფხაზეთის და ცხინვალის რეგიონების გავლით.

პირველი შეხვედრა სერჟ სარგსიანმა პრეზიდენტ გიორგი მარგველაშვილთან გამართა.

25 დეკემბერს გამართული პირისპირ და შემდეგ გაფართოებული შეხვედრების შემდეგ, ორმა პრეზიდენტმა ერთობლივი პრესკონფერენცია გამართა, სადაც პრეზიდენტმა მარგველაშვილმა უთხრა თავის კოლეგას, რომ სომხეთის ოფიციალური პირების ვიზიტები საქართველოში ყოველთვის ძალიან მნიშვნელოვანია.

„ჩვენ ვისაუბრეთ რეგიონში სტაბილურობისა და განვითარების საკითხებზე. თანახმა ვართ, რომ ყველა რთული საკითხი გადაწყდეს საერთაშორისო სამართლის და მოლაპარაკებების ფარგლებში“, -  განაცხადა პრეზიდენტმა მარგველაშვილმა და დასძინა, რომ მათ ასევე იმსჯელეს იმ პროექტებზე, რომლებმაც „რეგიონს უნდა მოუტანოს მეტი ეკონომიკური მოგება და მეტი სტაბილურობა“.

„მიუხედავად იმისა, რომ ჩვენ ევროკავშირთან ასოცირების ხელშეკრულებას მოვაწერეთ ხელი და თავისუფალი ვაჭრობა გვაქვს ევროპასთან, ხოლო სომხეთი ევრაზიის საბაჟო კავშირის წევრია, ამ გარემოებამ არანაირად არ შეასუსტა ეკონომიკური თანამშრომლობა ჩვენს ქვეყნებს შორის, არამედ პირიქით, წელს ჩვენ ვხედავთ, რომ ტვირთბრუნვა ჩვენს ქვეყნებს შორის გაიზარდა“, - განაცხადა მარგველაშვილმა.

პრეზიდენტმა სარგსიანმა განაცხადა, რომ ორმა პრეზიდენტმა ყურადღება გაამახვილა „არსებული თანამშრომლობის გაღრმავებაზე ისეთ მნიშვნელოვან სფეროებში, როგორიცაა ენერგეტიკა და ტრანსპორტი, მათ შორის ჩვენი ქვეყნების სატრანზიტო შესაძლებლობების განვითარებასა და მისი ეფექტური გამოყენების შესაძლებლობებზე“.

მისი თქმით, პრეზიდენტებმა რეგიონულ უსაფრთხოებაზეც ისაუბრეს და ხაზი გაუსვეს „სენსიტიური საკითხების მიმართ დაბალანსებული და კონსტრუქციული მიდგომის მნიშვნელობას“. „შევთანხმდით, რომ კონფლიქტების სრული და გრძელვადიანი მოგვარება მხოლოდ მშვიდობიანი გზითაა შესაძლებელი შეთანხმებული ფორმატების და მხოლოდ მოლაპარაკებების ფარგლებში“, - დასძინა სარგსიანმა.

26 დეკემბერს პრეზიდენტი სარგსიანი საქართველოს კათოლიკოს-პატრიარქს, ილია მეორეს შეხვდა, მოგვიანებით კი სომხურ სამეცნიერო-კულტურულ ცენტრს და სომხურ ეკლესიას ესტუმრა. თბილისიდან პრეზიდენტი სერჟ სარგსიანი მოსკოვში გაემგზავრა, სადაც დსთ-ის ლიდერების შეხვედრაში მიიღებს მონაწილეობას.

„საქსტატის“ ინფორმაციით, სომხეთი საქართველოს ერთ-ერთი წამყვანი სავაჭრო პარტნიორია. საქართველოს სავაჭრო ბრუნვამ სომხეთთან 2016 წელს 367.6 მილიონი აშშ დოლარი შეადგინა; ექსპორტის მოცულობა 150.8 მილიონი აშშ დოლარი (180.1 მილიონი აშშ დოლარი 2015 წელს), ხოლო იმპორტის მოცულობა 216.8 მილიონი აშშ დოლარი (175 მილიონი აშშ დოლარი 2015 წელს) იყო.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
32