Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველო Human Rights Watch-ის ყოველწლიურ ანგარიშში
Civil Georgia, Tbilisi / 20 იან.'18 / 15:14

2017 წელს მმართველმა პარტიამ, ქართულმა ოცნებამ, დაჩქარებული ტემპით, ფართო პოლიტიკური კონსენსუსის მიღწევის გარეშე, განახორციელა საკონსტიტუციო რეფორმა, - ნათქვამია საერთაშორისო უფლებადამცველი ორგანიზაციის Human Rights Watch-ის მიერ 18 იანვარს გამოქვეყნებულ ყოველწლიურ ანგარიშში, რომელიც 90-ზე მეტ ქვეყანაში 2016 წლის ბოლოდან 2017 წლის ნოემბრის ჩათვლით პერიოდში ადამიანის უფლებათა სფეროში განვითარებულ მოვლენებს განიხილავს. 
ანგარიშში ასევე აღნიშნულია, რომ ოპოზიციურმა პარტიებმა, პრეზიდენტმა და არასამათავრობო ორგანიზაციებმა „გააკრიტიკეს ახალი კონსტიტუცია, მნიშვნელოვანი საარჩევნო რეფორმის 2024 წლამდე გადავადების გამო“, რომელიც პარლამენტის სრულად პროპორციული საარჩევნო სისტემით არჩევას ითვალისწინებს და ჩაანაცვლებს დღეს მოქმედ შერეულ საარჩევნო სისტემას. 
Human Rights Watch-ი პოლიციისა და უსაფრთხოების სამსახურის მხრიდან ძალადობის შემთხვევებზე პასუხისმგებლობის ნაკლებობაზეც საუბრობს. „საქართველოს არ გააჩნია დამოუკიდებელი, ეფექტიანი მექანიზმი სამართალდამცავების მიერ ჩადენილი დანაშაულების გამოსაძიებლად. იმ შემთხვევაშიც კი, როდესაც იწყება გამოძიება, ის მიმდინარეობს ისეთი მუხლებით, რომლებიც მსუბუქ, შეუსაბამო სანქციებს ითვალისწინებს“, - ვკითხულობთ ანგარიშში. 
ამ კონტექსტში, Human Rights Watch-ი საქართველოდან გაუჩინარებული და აზერბაიჯანში დაპატიმრებული ჟურნალისტის, აფგან მუხთარლის საქმეზე საუბრობს, მიუთითებს რა ჟურნალისტის განცხადებაზე, რომ ის თბილისიდან „პოლიციის ფორმიანმა“ ადამიანებმა გაიტაცეს.
ანგარიშში აღნიშნულია, რომ საქართველო ნარკომომხმარებლების მიმართ „დასჯაზე ორიენტირებული“ პოლიტიკის გატარებას განაგრძობდა, რის მაგალითადაც მოყვანილია ე.წ. რეპერების საქმე, რომელსაც გასული წლის ივნისში, თბილისში მასშტაბური საპროტესტო აქცია მოჰყვა. „ნარკოდანაშაულები ხშირად ისჯება არაპროპორციულად ხანგრძლივი პატიმრობით, ძალიან მაღალი ჯარიმებით და სხვა უფლებების შეზღუდვით“, - ვკითხულობთ დოკუმენტში. 
Human Rights Watch-ის თანახმად, „შეშფოთებას იწვევდა“ მდგომარეობა ლგბტ ადამიანების უფლებების დაცვის კუთხით. ამ საკითხზე, ანგარიშში აღნიშნულია, რომ ახალ კონსტიტუციაში შეტანილი ქორწინების განმარტება, რომელიც „ქალისა და მამაკაცის კავშირად“ განისაზღვრება, იწვევდა უფლებადამცველი ორგანიზაციების შეშფოთებას, რომ ახალი საკონსტიტუციო ნორმა „კიდევ უფრო გააძლიერებდა ფართოდ გავრცელებულ ჰომოფობიას“. ანგარიშში ასევე საუბარია ლგბტ პირებსა და აქტივისტებზე თავდასხმის ფაქტებზე
საერთაშორისო უფლებადამცველი ორგანიზაცია ყურადღებას უთმობს მედიის თავისუფლების საკითხს და განიხილავს საზოგადოებრივი მაუწყებლის ახალი მენეჯმენტის გადაწყვეტილებებს პოლიტიკური ტოკშოუების დახურვის თაობაზე, ასევე - „ყველაზე რეიტინგული ტელევიზიის“ - რუსთავი 2-ის ირგვლივ მიმდინარე სამართლებრივ დავას, რომელიც, Human Rights Watch-ის თქმით, „შეშფოთებას იწვევდა ხელისუფლების მედიაში ჩარევის“ გამო. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
43