Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
თბილისის სააპელაციო სასამართლომ დეკანოზ გიორგი მამალაძის მიმართ გამამტყუნებელი განაჩენი ძალაში დატოვა
Civil Georgia, Tbilisi / 13 თებ.'18 / 14:52

თბილისის სააპელაციო სასამართლომ დღეს გამართულ სხდომაზე ძალაში დატოვა წინა ინსტანციის სასამართლოს მიერ დეკანოზ გიორგი მამალაძის მიმართ გამოტანილი გამამტყუნებელი განაჩენი, რომლის მიხედვითაც სასულიერო პირს 9 წლით თავისუფლების აღკვეთა მიესაჯა.

თბილისის საქალაქო სასამართლოს მიერ გასული წლის 5 სექტემბერს გამოტანილი განაჩენით, გიორგი მამალაძე დამნაშავედ იქნა ცნობილი საქართველოს კათოლიკოს-პატრიარქის მდივან-რეფერენტის, შორენა თეთრუაშვილის, შურისძიების მოტივით განზრახ მკვლელობის მომზადებასა და ცეცხლსასროლი იარაღის მართლსაწინააღმდეგო შეძენა-შენახვაში (სისხლის სამართლის კოდექსის 18,108-ე და 236-ე მუხლები). 

დაცვის მხარე გამამტყუნებელ განაჩენს კვლავ არ ეთანხმება და სააპელაციო სასამართლოს განაჩენის გასაჩივრებას უზენაეს სასამართლოში გეგმავს.

„ჩვენთან აღარ არსებობს მართლმსაჯულება. მე შემიძლია ვთქვა, რომ ჩვენ ბოლომდე ვიბრძოლებთ, საკასაციო სასამართლოში შევიტანთ, თუმცა არც არაფრის იმედი არ გვაქვს. ერთადერთი იმედი გვრჩება ევროპის სასამართლო“, - განუცხადა ჟურნალისტებს გიორგი მამალაძის ადვოკატმა მიხეილ რამიშვილმა სხდომის დასრულების შემდეგ.

სააპელაციო სასამართლოს განაჩენის გასაჩივრებას ბრალდების მხარეც გეგმავს. დღეს გავრცელებულ განცხადებაში, პროკურატურა განმარტავს, რომ გიორგი მამალაძეს ბრალდება წარდგენილი ჰქონდა განზრახ მკვლელობის ანგარებით მომზადებაში (სისხლის სამართლის კოდექსის 18,109-ე მუხლი), რაც უფრო მძიმე დანაშაულს წარმოადგენს. „ბრალდების მხარე, სასამართლოს განაჩენს მოტივის ნაწილში, დასაბუთებული განაჩენის ჩაბარების შემდგომ, საკასაციო წესით გაასაჩივრებს“, - ნათქვამია პროკურატურის განცხადებაში.

დეკანოზი გიორგი მამალაძე თბილისის საერთაშორისო აეროპორტში 2017 წლის 10 თებერვალს დააკავეს, რის შესახებაც საზოგადოებისთვის ცნობილი სამი დღის შემდეგ გახდა, როცა საქართველოს მთავარმა პროკურორმა ირაკლი შოთაძემ საგანგებო ბრიფინგი გამართა და განაცხადა, რომ დეკანოზი „მაღალი სასულიერო იერარქის“ მკვლელობის მომზადების ფაქტზე დააკავეს.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
37