Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველო Amnesty International-ის ანგარიშში
Civil Georgia, Tbilisi / 22 თებ.'18 / 12:52

საერთაშორისო უფლებადამცველმა ორგანიზაციამ Amnesty International-მა მსოფლიოში ადამიანის უფლებების მდგომარეობის შესახებ ანგარიში გამოაქვეყნა, რომელიც 2017 წელს განვითარებულ მოვლენებს მოიცავს და 159 ქვეყანასა და ტერიტორიაზე არსებულ მდგომარეობას ასახავს. 

საქართველოს შესახებ Amnesty International-ი რამდენიმე პრობლემას, მათ შორის, ტელეკომპანია რუსთავი 2-თან დაკავშირებულ დავას, აზერბაიჯანელი ჟურნალისტის აფგან მუხთარლის სავარაუდო გატაცებას, სამართალდამცველთა მხრიდან ძალის გადამეტების ფაქტების გამოუძიებლობას, საოკუპაციო ხაზზე გადაადგილების თავისუფლების შეზღუდვასა და სხვა საკითხებს გამოყოფს. 

საქმეზე, რომელიც აზერბაიჯანელი ჟურნალისტის აფგან მუხთარლის თბილისიდან სავარაუდო გატაცებასა და დანაშაულში ქართველი სამართალდამცველების შესაძლო მონაწილეობას უკავშირდება, ანგარიშში ვკითხულობთ, რომ საქართველოს ხელისუფლებამ „საქმეში ქართველი სამართალდამცავების ჩართულობა უარყო, თუმცა მუხთარლის ბრალდებების შესწავლის მიზნით გამოძიება დაიწყო“. „გამოძიების მიერ რაიმე არსებითი შედეგის მიღწევის შესახებ ცნობილი არ არის“, - ნათქვამია ანგარიშში.

სასამართლო სისტემის ნაწილში, ანგარიშში ძირითადად ტელეკომპანია „რუსთავი 2“-ის გარშემო დაწყებულ ქონებრივ დავაზეა საუბარი და აღნიშნულია, რომ „ადგილობრივმა არასამთავრობო ორგანიზაციებმა მთავრობის სავარაუდო ჩარევის თაობაზე შეშფოთება გამოთქვეს და სასმართლო პროცესი უსამართლოდ შეაფასეს“.  

ანგარიშში ასევე ნათქვამია, რომ მრავალგზის დაპირების მიუხედავად  საქართველოს ხელისუფლებამ „ვერ უზრუნველყო“ დამოუკიდებელი საგამოძიებო მექანიზმის შექმნა და ადამიანის უფლებების დარღვევებისთვის სამართალდამცავი ორგანოების წარმომადგენელთა „დაუსჯელობა შენარჩუნდა“.

ანგარიშში ასახულია ლგბტი პირების დისკრიმინაციის პრობლემაც და აღნიშნულია, რომ ახალი კონსტიტუციით ქორწინება განისაზღვრება როგორც „ქალისა და მამაკაცის კავშირი“. „ერთი და იმავე სქესის მქონე წყვილები ყოველგვარი სამართლებრივი აღიარების გარეშე რჩებიან“, - ვკითხულობთ დოკუმენტში. 

Amnesty International-ი კონფლიქტის ზონებში არსებულ ვითარებაზეც საუბრობს და აღნიშნავს, რომ „რუსულმა სამხედრო ძალებმა და აფხაზეთის და სამხრეთ ოსეთის სეპარატისტული რეგიონების დე ფაქტო ხელისუფლებებმა დე ფაქტო საზღვრის მიმდებარედ გადაადგილების შეზღუდვა გააგრძელეს.“ 

„საზღვრის „არალეგალურად“ კვეთის ბრალდებით ათეულობით ადამიანის დროებით დაკავებისა და დაჯარიმების შემთხვევები დაფიქსირდა“, - ნათქვამია ანგარიშში.

„ადმინისტრაციული საზღვრების მიმდებარედ მავთულხლართების გაბმის გახშირებულმა პრაქტიკამ ადგილობრივი მოსახლეების უფლებების შელახვა გააგრძელა: საკუთარ ბოსტნებზე, საძოვრებსა და სახნავ-სათეს მიწებზე ხელმისაწვდომობის დაკარგვამ მათი მუშაობის, საკვებისა და ცხოვრების სათანადო დონის უფლებები შეზღუდა“, - ვკითხულობთ ანგარიშში.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
36