Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
დანიის საგარეო საქმეთა მინისტრი საქართველოს სტუმრობს
Civil Georgia, Tbilisi / 23 თებ.'18 / 17:27


ანდერს სამუელსენი და მიხეილ ჯანელიძე, 22 თებერვალი, 2018. ფოტო: საქართველოს საგარეო საქმეთა სამინისტრო

დანიის საგარეო საქმეთა მინისტრი ანდერს სამუელსენი, რომელიც 22-23 თებერვალს ოფიციალური ვიზიტით საქართველოს სტუმრობს, თავის ქართველ კოლეგას, მიხეილ ჯანელიძეს შეხვდა და ორ ქვეყანას შორის არსებული თანამშრომლობის, რუსეთის მიერ ოკუპირებულ რეგიონებში არსებული ვითარების და ქვეყნის ევროპული და ევრო-ატლანტიკური ინტეგრაციის საკითხები განიხილა.

საქართველოს საგარეო საქმეთა სამინისტროს ინფორმაციით, „ორი ქვეყნის საგარეო საქმეთა მინისტრების შეხვედრისას განხილულ იქნა ორმხრივი ურთიერთობების პრიორიტეტული საკითხები და თანამშრომლობის შემდგომი გაღრმავების პერსპექტივები, საქართველოს ევროპული და ევროატლანტიკური ინტეგრაციის პროცესი, ქვეყანაში გატარებული რეფორმები, ოკუპირებულ ტერიტორიებზე არსებული ვითარება, რეგიონსა და მსოფლიოში მიმდინარე პროცესები“. 

სამუელსენმა გამოიყენა შესაძლებლობა და საქართველოს სუვერენიტეტის და ტერიტორიული მთლიანობის, ასევე ევროპული და ევრო-ატლანტიკური ინტეგრაციის მიმართ დანიის მხარდაჭერა გამოხატა.

მინისტრები შეთანხმდნენ, რომ „სამომავლოდ მაქსიმალურად იქნეს გამოყენებული ეკონომიკური თანამშრომლობის კუთხით არსებული პოტენციალი, რაც გულისხმობს საქართველოს მიმართ დანიის საქმიანი წრეების ინტერესის კიდევ უფრო გაზრდას და ქვეყანაში დანიური ინვესტიციების შემდგომ მოზიდვას“.

ერთობლივი პრესკონფერენციის დროს ანდერს სამუელსენმა დანიის სამეზობლო პროგრამის (DANEP) 2017-2021 წლების სტრატეგია წარადგინა, რომელიც საქართველოსთვის მნიშვნელოვან ფინანსურ დახმარებას ითვალისწინებს. მიხეილ ჯანელიძის თქმით, 27 მილიონი ევროს ოდენობის ფინანსური დახმარება დემოკრატიული ინსტიტუტების გაძლიერებას და ეკონომიკურ განვითარებას მოხმარდება.

ვიზიტის ფარგლებში სამუელსენი ასევე შეხვდა პრემიერ-მინისტრ გიორგი კვირიკაშვილს და საქართველოსთვის DANEP-ის პროგრამა, ასევე ორ ქვეყანას შორის არსებული სავაჭრო ურთიერთობები, საქართველოს საინვესტიციო გარემო და რუსეთის მიერ ოკუპირებულ რეგიონებში არსებული ვითარება განიხილა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
36