Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
არასამთავრობოები მოუწოდებენ მთავრობას, რუსეთის წინააღმდეგ სტრასბურგის სასამართლოში საჩივარი შეიტანოს
Civil Georgia, Tbilisi / 28 თებ.'18 / 18:34

რვა არასამთავრობო ორგანიზაცია, მათ შორის, კონსტიტუციის 42-ე მუხლი, საია და EMC, 22 თებერვალს ცხინვალში საქართველოს მოქალაქის არჩილ ტატუნაშვილის უკანონო დაკავებასა და გარდაცვალებას ეხმაურება და საქართველოს მთავრობას მოუწოდებს, „ოკუპირებული აფხაზეთისა და ცხინვალის რეგიონის ტერიტორიებსა და საოკუპაციო ხაზის მიმდებარე სოფლებში ადამიანის უფლებების უხეში დარღვევის ფაქტების აღმოფხვრის მიზნით“ საერთაშორისო სამართლებრივი მექანიზმები გამოიყენოს.

არასამთავრობოების განცხადებით, „ოკუპირებულ ტერიტორიებზე დამოუკიდებელი და ნეიტრალური საერთაშორისო მონიტორინგის მისიების არარსებობის პირობებში, ეს ტერიტორიები რუსეთის ფედერაციისა და მის მიერ კონტროლირებული დე ფაქტო პოლიტიკური რეჟიმების თვითნებობისა და უკონტროლობის სივრცეებად იქცა“. მათივე თქმით, ევროსასამართლოს პრაქტიკით ადამიანის უფლებათა დარღვევაზე პასუხისმგებლობა ეკისრება იმ სახელმწიფოს, რომელიც ტერიტორიაზე ეფექტურ კონტროლს ახორციელებს. 

არასამთავრობოების განცხადებით, იმ ფონზე, რომ რუსეთის მიერ კონტროლირებადი აფხაზეთისა და სამხრეთ ოსეთის ტერიტორიებსა და ამ რეგიონების მიმდებარედ „ადამიანის უკანონო დაკავების, სიცოცხლის ხელყოფის ფაქტები და მათზე არაეფექტიანი რეაგირება მასიურ ხასიათს“ ატარებს და გავრცელებულ პრაქტიკას წარმოადგენს, საქართველოს მთავრობამ „პოლიტიკური და დიპლომატიური ზეწოლის გაძლიერებასთან ერთად“, ადამიანის უფლებათა ევროპულ სასამართლოში რუსეთის ფედერაციის წინააღმდეგ სახელმწიფოთშორისი საჩივარი უნდა წარადგინოს.

განცხადებაში ნათქვამია, რომ საქართველოს ხელისუფლებამ უახლოეს დღეებში ასევე უნდა მიმართოს ევროპულ სასამართლოს და მოითხოვოს რუსეთის ფედერაციის მიმართ „დროებითი ღონისძიების გამოყენება“, რათა 22 თებერვალს ტატუნაშვილთან ერთად დაკავებული საქართველოს კიდევ ორი მოქალაქის - ლევან ქუტაშვილის და იოსებ პავლიაშვილის - „უსაფრთხოება იყოს უზრუნველყოფილი და მათ დაუყოვნებლივ მიეცეთ საქართველოს ცენტრალური ხელისუფლების მიერ კონტროლირებად ტერიტორიაზე გადმოსვლის შესაძლებლობა“.
 
არასამთავრობოები ასევე ითხოვენ, რომ თბილისის მიერ კონტროლირებად ტერიტორიაზე გადმოსვლის უფლება მიეცეს ახალგორელ აქტივისტს თამარ მეარაყიშვილს, რომლის წინააღმდეგაც ცხინვალის დე ფაქტო ხელისუფლებას ცილისწამების ბრალდებით საქმე აქვს აღძრული. 

ცოტა ხნის წინ, საქართველოს მოქალაქის სიცოცხლის მოსპობის ფაქტზე, სტრასბურგის სასამართლოში რუსეთის წინააღმდეგ სარჩელი ახალგაზრდა იურისტთა ასოციაციამ შეიტანა. საქმე ეხება 2016 წლის მაისში აფხაზეთის ადმინისტრაციულ საზღვართან საქართველოს მოქალაქის გიგა ოთხოზორიას მკვლელობას, რაშიც საოკუპაციო რეჟიმის წარმომადგენელია ბრალდებული. საქართველოს ხელისუფლებამ ოთხოზორიას მკვლელი დაუსწრებლად გაასამართლა მას შემდეგ, რაც სოხუმმა თბილისისთვის დამნაშავის გადაცემაზე უარი განაცხადა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
41