Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
„მინდა ვენდო სასამართლოს“ - არასამთავრობოები ახალ კამპანიას იწყებენ
Civil Georgia, Tbilisi / 1 მარ.'18 / 14:01

კოალიცია დამოუკიდებელი და გამჭვირვალე მართლმსაჯულებისთვის, რომელიც 40-მდე არასამთავრობო ორგანიზაციას აერთიანებს, დღეიდან ახალ კამპანიას იწყებს, სახელწოდებით - „მინდა ვენდო სასამართლოს“, რათა სასამართლოს სისტემაში „რეალური რეფორმები“ განხორციელდეს. 

დღეს გამოქვეყნებულ ერთობლივ განცხადებაში, კოალიციის წევრები მმართველი პარტიის მხრიდან „არასათანადო პოლიტიკურ ნებაზე“ საუბრობენ და აცხადებენ, რომ მართლმსაჯულების სექტორში „სამ ტალღად” განხორციელებულმა რეფორმებმა სისტემის რეალურად გაჯანსაღების მიზანს ვერ მიაღწია. მათი თქმით, „ამის ძირითადი მიზეზი არასრულფასოვანი, დაგვიანებული და, ხშირ შემთხვევაში, მოსამართლეთა გავლენიანი ჯგუფის ინტერესებს მორგებული საკანონმდებლო ცვლილებებია“.

არასამთავრობოები ერთ-ერთ „მთავარ გამოწვევად“ სასამართლო სისტემაში არსებულ „კლანურ მმართველობას“ მიიჩნევენ. მათი განცხადებით, „მოსამართლეთა შერჩევა-დანიშვნის თითოეულ ეტაპზე, რჩება განცდა, რომ მოსამართლეთა დანიშვნის პროცესი გავლენიანი ჯგუფის მიმართ კანდიდატების ლოიალობას და სავარაუდო  ნეპოტიზმს ეფუძნება“. კოალიციის წევრები ასევე გამოთქვამენ ეჭვს, რომ იუსტიციის უმაღლესი საბჭო თავის უფლებამოსილებებს და საკანონმდებლო ხარვეზებს იყენებს იმისათვის, რომ სასამართლო სისტემიდან „განსხვავებული აზრის მქონე“ მოსამართლეები „განდევნოს“.

კოალიციის წევრების განცხადებით, იუსტიციის უმაღლესი საბჭო განაგრძნობს „გაუმჭვირვალე და დაუსაბუთებელი“ გადაწყვეტილებების საფუძველზე მოსამართლეთა დანიშვნის „მანკიერ პრაქტიკას“. ამ კონტექსტში, არასამთავრობოები ყურადღებას ამახვილებენ იუსტიციის უმაღლესი საბჭოს ბოლოდროინდელ გადაწყვეტილებებზე, რომლითაც მოსამართლის თანამდებობაზე უვადოდ დაინიშნენ ისეთი პირები, ვის მიმართაც „საზოგადოებაში არსებობდა მკვეთრად გამოხატული უარყოფითი დამოკიდებულება წარსულში მათ მიერ მიღებული გადაწყვეტილებების გამო“. 

კოალიცია დამოუკიდებელი და გამჭვირვალე მართლმსაჯულებისათვის 2011 წელს შეიქმნა. მასში შედიან კონსტიტუციის 42-ე მუხლი, ახალგაზრდა იურისტთა ასოციაცია, საერთაშორისო გამჭვირვალობა-საქართველო, ფონდი ღია საზოგადოება-საქართველო, სამართლიანი არჩევნები, ადამიანის უფლებათა სწავლებისა და მონიტორინგის ცენტრი და სხვა ორგანიზაციები.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
27